痛左一日一夜先剖腹（痛苦的顺转剖生产记）
233510怀孕妈妈
刘萍子2009年12月16日刚好是我同肥仔结婚一周年的日子，凌晨4点见红，仲伴有五分钟痛一次的宫缩，当时我想BB应该今日可以出世了罢。点知痛苦才刚刚开始。。。
2、顺产信心受打击
六点钟左右罢，去到医院，医生检查话胎头好高，但宫颈好软，容易开指，我顺产的信心就仲强了。
点知痛来痛去都是五分钟痛一次，强度都无增加，从4楼行到12楼行左几次加强左痛的强度外都无改变。
直到晚上10点几姑娘检查话开到3指（当时是在我无宫缩的时候检查），我当时好开心，开左三指就快啦。点知去到产房果个助产妇检查话先开1指（在我宫缩的时候检查），仲话胎头好高。她仲话胎头好高好麻烦，都唔知几点了，痛到我口唇都干晒时我要求饮水，果个助产妇唔俾我饮水，话我到时开晒十指胎头都唔落来就要剖腹产，只俾一口水俾我湿下口唇，太令人失望啦，竟然甘样打击我顺产的信心。
3、羊水浊到三级转剖腹
17号凌晨4点几我睇下手机，都是五分钟痛一次，一次痛一到两分钟，痛到条腰好似要断甘，点知检查先开左1指多D，胎头依然好高。我当时就快要崩溃了，每次痛的时候我就拿起手机想打电话俾出面的肥仔话不如我剖腹产算啦，不过拿起又放低，拿起又放低，眼泪是甘流。。。
好不容易到了七点几，另外一个助产妇帮我检查，都未开到两指，我对她讲我剖腹产算了，她话帮我破羊水睇下情况如何。点知一破羊水，她话羊水浊到3级，马上剖腹产，跟住两个助产妇帮我扎尿管，试针。。。我就打电话俾肥仔。
推出产房见到肥仔，他竟然流眼泪，本来有D惊的我都不禁流埋。虽然话剖腹产好平常，但必竟都未亲身体现过，肯定会惊的啦，果个医生反而要安慰我家肥仔，呵呵，不过我好感动家
4、见到BB啦，好像爸爸
入左13楼的手术室，果D医生就不停咁倾闲偈（做完手术果个张玉洁仲开玩笑咁同我讲如果我地唔倾闲偈你就要担心了，我地倾闲偈表示手术好成功），有个医生仲问我有没有宫缩，点解都唔觉得你痛的，我话其实我好痛，不过做咩表情都是痛的啦，何必要做咁多表情呢。
当张玉洁话只要我按一下你个肚，BB就可以出来了的时候，情不自禁的，我的眼中全是泪水，不过我忍住冇流出来，唔可以俾BB见到我哭的样。感觉到张玉洁一按我个肚，就听到“啊啊啊啊。。。”果D医生就话他咁恶家，喊得咁大声的。。。医生抱俾我睇的第一眼，我觉得好似肥仔
5、产后的辛苦日子
唉，从做手术果一刻开始，就注定我对手遭殃，连续4日都要吊消炎针，除左做手术果日一针打中血管，从第二日开始，起码俾护士扎两针，最多果次一日扎5针先扎到，真是扎到我哭，果D护士都帮我扎到怕。到我出院，抽血加打吊针总共留左17个针口，唉，鬼叫肥左血管睇唔到咩，所以有左时最好食D高营养低脂肪的嘢啊，如果唔是受苦的是自己。
从16号晚上7点几食完饭到我做完手术都未有嘢落肚，做完手术6个钟唔可以动，之后先可以饮陈皮瘦肉水，要有屁放先可以饮D粥水，17号我叫我家婆拉住两只手起身坐下头都晕18号中午先饮到一D有瘦肉味的粥，哇，当时真是好想流眼泪，原来没有瘦肉的瘦肉粥是咁好饮嘅，18号晚先开始食饭。。。
唉，多左个人，始终都唔同D嘅，到宜家都唔是好习惯。我觉得坐月好辛苦，规矩又多，肥仔话我是皇帝，如果可以我先唔做啊，呢个皇帝真是做得辛苦罗。其实最辛苦都是我家公家婆，一把年纪都要咁操劳。。。
[ 本帖最后由 沐剑屏 于 2010-3-1 11:11 编辑 ]
2010/02/25
乖猫小恶魔
刘萍子楼
