今个星期日同好友一行四人去翠园饮茶，十一点去到已经要等位啦。7等到差唔多二十分钟先有位。坐低发觉张台布同茶具都好靓，唔似平时中式茶楼甘。[图片]我地点左7款点心。首先登场系鲍鱼汁炆凤爪。D凤爪真系炆到好淋好入味，无牙都咬到吖。D汁有少少甜甜地，唔同平时食开嘎鼓汁凤爪。[图片]龙虾汤鲜竹卷。虽然个汤饮落唔觉有乜龙虾味，但啖汤都几好味，有浓浓嘎番茄味，有少少似罗宋汤甘酸酸甜甜。鲜竹卷里面都系虾肉，好爽，唔错。沙律酱脆虾角，查实我觉得就系炸左嘎虾饺，几得意。酥皮局餐包，一啖咬落去，发现里面好似真空甘，好少料。食落无乜特别，我觉得无普通茶楼嘎叉烧餐包好食。龙虾肠粉，可能我对龙虾麻麻地，觉得好一般，都无普通嘎鲜虾肠好食。（反而翠园嘎鬼马脆皮肠唔错，里面包裹嘎炸面真系好脆）XO酱炒萝卜糕，对于我黎讲太辣啦，但我朋友就话好味道。如果想试到多几款唔同嘎点心，可以试吓羊城雀笼点心。第一层：东星鱼饺（造型好特别，真系成条鱼甘）、虾饺、鲍鱼烧卖。羊城雀笼点心第二层：萝卜酥、叉烧酥、燕窝蛋挞）。翠园蛋挞嘎挞皮系西式挞皮，我觉得无中式嘎酥脆。最后就系成餐茶嘎主角：鲜果拿破仑5。个造型真系好靓吖，睇见都唔多舍得食。影完相之后，待应姐姐好细心甘将个拿破仑分成4份。个拿破仑劲多水果，一层草莓、一层火龙果、一层芒果、一层哈密瓜。D酥皮好脆。（真心讲句真系好味过某间数字餐厅嘎拿破仑好多）最后我地四个人都食唔晒个拿破仑，仲打包一块做下午茶。9