激死我啦，今日一日甘耐都未平静过！越念越嬲！

MM们，我老爷整既通菜系白醋加南乳一齐炒，而且放白醋太多，酸死啦！整既鱼放既系白醋但点解又画蛇添足甘放蚝油！反正相处过先知道距“无得顶”！成日教我奶奶点煮菜，认为自己真系大厨！我觉我奶奶煮既菜正常过距煮既好多！如果只系煮菜方面甘都算啦！但距简直系一个破坏王，屋企买返来两缸金鱼（好彩D金鱼唔系贵），40几条死剩10条，点解？因为哩个大王，一日喂两次金鱼，最搞笑系无论金鱼数目多少都系放甘多饲料，最后我LG顶唔顺先话左距一餐！大家有无试过系农村住要106蚊一个月水费，七八月电费系899蚊啊？再讲讲距既威水史啦！去厕所唔关水龙头，淋花又用自来水（我屋企旁边有个鱼塘，其他人都用鱼塘水淋花，唯独大王特别高贵，要用自来水淋花），我外家两个月先用30几蚊水费！一对比起来，心理更加唔平衡！讲到电费仲激气，一个人系厅全部开晒4盏光管，8盏射灯，1盏吊灯外加4盏节能灯，1台电视！晕，老花就戴眼镜！夏天空调开到18度，盖张6斤重既大棉被（JMM一年里边我屋企最少果两个月既电费都要368.7蚊）仲要成夜甘开！我地两公婆两日洗一次衫(因为洗衣机系5KG装既量，所以我两公婆两日洗一次衣服刚好)！大王日日洗衫，得两件衫(最呕心既系，距连底裤都放入洗衣机洗，讲过距好多次，叫距放开洗，一样唔听！真系核突 )，奶奶要求距两日洗一次或者用手帮距洗，距竟然一句说话顶我奶奶“剩系得你享受，无我享受啊”！晕，我奶奶边有得享受，一世受距气！仲有就系睇电视问题，人地好好甘睇开果个台，距突然之间走出来转台，LG话距两句，距理直气壮甘“电视我买既，我钟意睇边个台就边个台”！晚上九点钟上房开空调开电视，睇电视睇到凌晨四五点先训，早上十点起床，8个钟头空调费，人地平时顶多6个钟！唔系我想讲较，而系唔计唔得，我同老公都系工薪阶层，一个月两个加埋五千蚊收入都唔够（而且我依家仲系失业中）！单靠老公份工资，唔知要捱到何年何月先会变成有车族！每个月电费单，水费单，电话费单，家用，真系睇住D钱一张张甘飘走！而且系人为甘浪费！肉痛啊！同为一个家庭，唔应该为屋企出一分力咩？而果上大王竟然将D钱浪费系不必要既电费，水费上！唔单止甘，距仲系一个烟，酒，茶都好既人！两日一支大九，一日一包硬双，一个月两百蚊既茶饼！试问，如果每个家庭都有一个甘既人，甘打千几蚊工既JMM点维持哩个家庭开支啊？请你地支下招啦，我真系无办法应付！
      唔系讲得我自己几有理，但最少起码我系以家庭为出发点，而距呢？为自己，从来未为后生着想过（我地两公婆结婚都系自己出钱，老公仲要问人借钱周转先结得成婚。无用过距一分钱，距已经十年未交过一分钱家用，我亦唔希望距能为哩个家作出几大贡献，只系想距为哩个家悭D，唔使我公婆一分钱都无得剩甘姐，唔系好高要求挂？）！
      所以你地话我少气好，话我对距不敬好，但至少讲左出来舒服好多！

[ 本帖最后由 柠乐（乐乐） 于 2009-6-3 10:17 编辑 ]

我老公就好想，但我就唔想。因为怕隔离左右既人话我一嫁入来就拉个老公搬出去住，哎，其实有边个知我地既苦啊！

我老公都唔够胆骂，更何况我，你唔知我老爷咖啦！牛年出世，比牛仲要牛！如果我闹距，距实反台都似！

我奶奶都好好，讲起冲厕所D水，我奶奶想系塘边提水冲厕所，点知，我老爷闹奶奶，叫距一定要用自来水冲厕所，话用鱼塘水冲会整臭个厕所！晕，厕所不留都臭咖啦，难道哩个大王要系厕所睡觉吗？要“厕留香”啊？

[ 本帖最后由 柠乐（乐乐） 于 2009-6-3 14:21 编辑 ]

一大盘通菜只有距自己食，其他都唔食！可想言知，味道“好”到咩程度啊！