讨厌既大嫂

我呢个大嫂系我老公哥哥既老婆，哥哥两公婆结婚快四年啦，到现在为止都未有细路。系我未结婚之前，家婆好紧张，带著距地周围去求医问药。但系始终唔见有，距地两公婆亦做过好多检查，医生都话距地生育方面无问题。我系有咗先结婚噶，我系广州人，老公系佛山人！当时家婆知道我有咗之后好开心。可能因为要忙我同老公既婚礼，而家又要准备BB出世既事，家婆而家好少理大嫂啦。我嫁咗俾老公之后，各个街坊对话我系个好媳妇，识得做人，我平时系小区行出行入见到识既我都会叫人，而大嫂从来唔叫D长辈。平时国道来食饭都系黑口黑面好似全家人得罪晒距咁，距讲野既语气又好怪，次次同你讲野就好似聊交哎咁既语气。所以家公家婆都比较中意我。
我亦同大嫂无乜两句，平时距只会翻来我屋企食翻，而住会系另外一个小区住。其实系我结咗婚之后无几耐，D亲戚朋友就叫我家婆分开来煮食啦，但系JP觉得分来咗无咁热闹，所以迟迟都唔分开！
   系我有咗既第四个月，老公距97岁既嫲嫲生日，因为会有好多亲戚朋友过来祝贺，JP同大嫂讲问距到时可唔可以早点过来帮手。点知大嫂指住我话：屋企唔系有个日日系度闲人咩，你唔识叫距帮手啊？（我因为有咗之后就系屋企待产无出去做野，而JP亦希望我生完先再稳野做）
   JP好无奈甘叫我帮手，其实当时我大住个肚，JP惊我会撞亲先叫距帮手噶。记得果日我好早起床煲鸡蛋糖水，之后拜神，招呼客人，夜晚去到酒楼，大嫂见到好多人拿礼物过来，jp忙到踢晒脚，距依然唔过来帮手，我为有我自己帮啦。夜晚食完饭翻到屋企，我地又忙住搞卫生。大概九点几大嫂来到，仲以为距良心发现来帮手，点知距来带将D亲戚朋友拿来果D礼物全部稳过晒，将好食果D全部拿咗就走人。
   后来我先知，距果一日系唔系翻工噶，系屋企训到中午十二点先起床，下午就去咗行街，我真系好嬲啊，甘既人都有！
   过左一个月，因为呢度结咗婚一个月之后，女婿要请外父外母食饭噶，所以我JP连我D舅父阿姨都叫埋来，屋企来咗好多人。当时JP无叫大嫂来帮手招呼客人，只系叫距夜晚出去食饭，点知距讲：有咩好食啊？请埋晒D甘既人食饭，你米叫距地个女陪距米得咯，关我咩事啊？夜晚食饭距有去，但系系全程瞪住我D屋企人。搞到我啊妈之后问我系咪系度做错野，得罪咗大嫂。果日我舅父，阿姨距地买来俾我食既野距照样想来拿走，好彩今次老公将D野收埋晒系间房，距稳悟到。
   上个月，我同JP系度列紧清单，准备去买BB出世用品。哥哥见到就话如果要去边度买可以叫距车我去。距仲话惊出粗声大细开车唔方便。点知俾大嫂听见，距当住我地面闹哥哥：你自己好得闲咩！跟住我地已经无理会大嫂啦，继续系度讨论紧要买D乜嘢俾BB。点知大嫂突然间行过来抢走咗我张清单仲撕烂埋，当时我好嬲啊，我过去啉住抢翻，间我行过去之后居然伸手来推我，好彩老公同JG 及时扶住咗我，我先无跌落地！唔系后果不堪设想啊！分分钟一尸两命啊！我自己吓到面都青埋，JG 闹大嫂，问距点解可以做出D甘既事。我好嬲啊，我即使打电话俾我啊妈，记得果时已经系夜晚八点几，爸爸同啊妈系广州即时话要来接我翻去。后来JGJP向距地保证唔会再有此事发生，距地先无甘夜赶过来，但系第二日一早，距地都系来咗，啊妈话叫我翻广州生，翻广州坐月。距话惊我大嫂仲会做其他事出来伤害我同埋个BB！老公亦希望我翻去住下，所以我跟住啊妈翻广州。住咗半个月，JP日日打电话问我几时翻。每次都系我啊妈听电话系我啊妈既语气中感觉到除非大嫂向我道歉啦，就俾我翻婆家。后来哥哥亦带住大嫂来广州向我道歉，仲保证唔会再有此事发生。我先翻咗婆家。
   点知琴晚家公又系度同家婆討論呢個問題啦。家婆同我講：到時你怕痛就開刀啦，反正都系用多少少錢。但系家公講：開刀都唔可以經歷作動時既痛楚，點算系生過BB呢？老公同我講：你自己中意，我支持你。
   一家人開心傾下計嗟，點知唔該距出聲既大嫂又出聲啦，距話：你咁怕死咪開刀咯，反正你系城市戶口，只可以生一個，生多個又要罰錢，你以為好似你咁日日系屋企坐就有人俾錢呢罰啊。仲有啊，我地穩錢好辛苦噶。你BB果D用品你米買咁靚添啊！到時我個細路唔會用你個BB用過果D野噶！
   今次我覺得好委屈，我喊咗啦。家公嬲到面都青埋，家婆見到氣氛甘樣就系度講：好啦，無講呢D啦，大家快D食飯啊。點知大嫂唔識趣又講：食米食咯，講下都唔得。
   聽完呢句話之後，我真系忍唔住啦。我問大嫂我幾時有用過距D錢，幾時講過以後距個BB要用我吖B用過既野。家公亦忍唔住鬧距：啊雅肚裏面果個系我個孫，我中意買咩就買咩，中意俾幾錢距就俾幾錢距，而家又唔洗用你一分錢，幾時輪到你出聲啊，你系咁巴閉早就生個孫出來俾我湊啦，洗等到而家都仲未有。之后大嫂无出声，但系距拿住只碗向我扔过来，我扔到我，反而扔中哥哥，搞到个头起住个大包。老公避免我再受伤害，拉咗我翻房。
   我好矛盾啊，今次我应唔应该再讲比我爸爸同啊妈知呢？我惊讲咗之后距地真系拉咗我翻广州唔会再俾我翻来婆家，我婆家系当地系有头有面噶，如果俾人地知道距地既媳妇要翻外家生同埋坐月会招来话柄噶。我问过老公，老公就话我中意点就点，只要安全。