甘既一个家庭大家认为我值得继续落去吗？

请各位耐心睇完比意见我好吗？我真系好痛苦好痛苦，吾知点做啦。多谢晒你哋。
我BB依家两个半月，半个月前，我发现我老公背住我同一个女人倾电话，日日打成八九次电话，后来发现后，我问距点样一回事，距誓神劈愿话同嗰个女人真系无野，只系嗰个女人话中意距，距觉得好似有个FANS甘，所以就讲下电话，但真系无发生过关系，距哋系响我生完BB十日之后开始讲电话既。我吵住要带BB走，要离婚，之后同我保证咗好多野，话以后会做一个好老公，好老豆，吾会再发生呢D之类既好多啦，后来我林林下就算啦，始终BB仲细。但到依家，除咗早咗返屋企，返到黎其他野根本就吾做，样样都系我自己一个人做，包括带BB，带住一个甘细既BB，一日要做几多野，相信好多妈妈都知道。之前系距啊爸啊妈过黎带既，呢排就返咗屋企，返去半个月再过黎，我BB好乖，吾会点吵，好多时我做野距就训系床度睇住我做，但我一个人要带BB，煮饭，买菜，做家务，真系好累啊。到今日，早上要返公司开会，开完会后又话成班同事去吃饭，到点几钟，我打比距问距返未，我带BB一直都未吃过野，叫距买D野比我吃，点知距就话系度打紧牌，后来返咗黎，一个钟多D，就去距朋友个女满月酒度啦，今晚又吾返黎训。有时我真系系度林，我究竟系吾系错咗啊，我觉得距好吾识去体谅我，好无责任感同家庭观念。
距爸爸妈妈都对我好差既，未结婚到结婚，过年一封五分钱既利是都无比过我，结婚无礼金，咩都无，利是都无啊，吾好话半只戒指仔啦，连一句祝福既说话都无，都无见过我屋企人，系我BB满月既时候先见晒。连我BB出世，作为爷爷奶奶小小表示都无，仲将我大姑奶比我BB既利是自己袋埋，我BB用既好多野都系我屋企人买既，距哋就系带晒D已经距家姐个女既旧衫旧床过黎，但我屋企人买既野就样样都话吾够距哋带过黎嗰D好。之前我哋无一齐住噶，因为距哋系广州，我老公系深圳做野，所以我哋两公婆系深圳住，系我临生前半个月先过黎我哋度照顾我，之前系距家姐度帮手带女既，过到黎，搞到间屋七国甘乱，或者好多人都吾信，一个家庭有父母点会乱啊，但真系乱到无人有啊，仲搞到成屋都系小强周围走，我大住个肚，吃完饭洗碗都要洗半个钟，距哋煮一餐饭就可以用晒全部碟同碗，日日早餐一定要吃面，用隔夜既猪肉捞面，或者用隔夜既猪肉加小小水煲返滚，叫我当猪肉汤饮，我吃到呕啊，想吃面包都对我有意见，吃餐饭好干，饮小小水就讲埋我啊妈话我妈吾知点教我，教到我吃饭饮水，同距哋一齐去饮一次早茶就比面色我睇，好话我浪费钱。到BB作动嗰一晚，我老公去应酬饮多咗，我要去医院嗰时距连企都企吾稳，所以就距啊爸啊妈同我去，后来到天光我老公先去医院既，医生话我可以顺产，但我真系好痛，我话打无痛分娩，距啊妈即刻就同距讲，叫距吾好比我打，话呢D针要自费既，吾可以报销，我嗰时真系嬲到好想闹距，但痛到我闹吾出，后来我老公话只要我吾洗甘辛苦就得啦，叫医生帮我打，后来痛咗十几个钟，都系生吾出，要开刀，我系手术室出黎，比人推咗入一间单人房，原来我老公惊我辛苦，知我吾中意吵，所以帮我要咗间单人房，距啊爸啊妈就话距浪费钱，成五百几蚊一日，又无得报销。我系医院住咗六日，我妈妈晚晚系医院陪住我同BB，训沙发训咗一个星期，我老公就陪咗我四晚，距啊爸就一直到出院先黎睇下，到我出院第二日，我妈妈就要返广州啦，我妈妈仲要上班，吾可以请假太耐。我妈妈黎呢一个星期，都比咗两千蚊距啊爸啊妈，话比距哋饮茶同买野比我吃，而距哋就好似应份甘，半句多谢都无，我妈一走，就话我啦，吾怪得知我吃饭饮水啊，原来我妈都系啊，见到我妈有一次吃饭饮水就连距都话埋，你话我听到个心会点林啊。返到屋企后，BB晚晚都同我训，一晚醒好多次，日头又系我带BB，距哋话就话过黎帮我带BB，其实过到黎只系日日买菜煮饭，洗下BB既衫，其他野都系我做既，我晚上带BB辛苦，白天肯定就会训得迟D噶啦，距哋又话，煮咗我早餐我又系度训觉，距哋习惯全家七点半吃早餐噶，后来就一日系个仔面前学是非，话我浪费，连我冲奶粉比BB饮，BB饮剩20毫升，都闹咗我一餐，话分分钟呢度都一两蚊啦，闹完仲吾够，等我老公返黎又学是非。我未出月，距带带咗距家姐个女过黎，竟然叫我帮个细路女冲凉。到BB满月，我哋返广州摆满月酒，我住咗一个星期先返深圳，一返到去，距哋见到BB肚脐突出咗小小，马上就闹我，仲当住距姐夫距哋黎闹，话BB一跟我返屋企就搞成距甘，讲真啊，BB系返去之前真系无事噶，吾知点解一返到去就突咗小小出黎，可能喊得太厉害，我嗰日真系好委屈，自己偷偷走入房度喊。之后距啊妈见到BB个身有小小白色分泌物，就马上话我点解帮BB同爽身粉，距哋吾比我帮BB用爽身粉既，死话用咗对BB吾好，我明明真系无用啊，距就一直死话我，我嗰日真系想杀死晒距哋啊。有一次，我BB跌咗落床，系因为张床仔系旧既，少咗几粒螺丝，距啊爸又无讲，嗰日螺丝松咗，BB就跌咗落地，我一见到，心痛到马上揽住BB喊，我老公去咗出差，我打电话讲比距知，BB跌咗落地，我想带BB去检查睇下有无事，距哋就即刻闹我，话距个仔出咗差，我点解打电话讲比距知，要距个仔担心。天啊，距个仔都系BB个爸爸啊，我有咩可能吾讲距知啊，后来仲话我，距哋吾怨我都算好啦，话我点解吾日日检查下张床仔，我当初话买张新床比BB，距哋死都吾比我买，话有张旧既，仲用到，浪费钱。到出事就赖返我转头。有一次，我话买个煲仔煲水比我BB饮，吾好用我哋煲汤既煲，因为始终有油，我怕距哋洗得吾干净对BB吾好，距啊爸即刻就话，几蚊都系钱啊，我甘洗钱法，辛苦咗我老公啊。后来距哋有一次吃饭，话通知我，等我BB一到六个月，距哋带我BB返广州，由距哋带，星期日可以带去我屋企比我啊爸啊妈见，至于我，就等到三个月要稳野做。我将呢D野都有同我老公讲，我老公都有同距哋讲过，吾好甘样，自己既习惯要我适应晒距哋，次次我老公一讲完，距哋趁我老公吾系度就又借小小事黎话我呢样嗰样。但我老公又同我讲，距哋已经老啦，呢D小事就迁就下距哋，大事先坚持返自己原则。
系呢个屋企，我真系觉得好压抑，我老公吾系我爱我，只系距样样都吾做，成日得闲就出咗去，我系深圳半个朋友都无，心事都系放系自己心入边，已经吾知偷偷地喊过几多次啦，我好吾想再见到我家公家婆啊，同距哋一齐住真系好辛苦，每次有咩委屈我就打电话同我妈倾，对住BB喊，但我老公又吾想请工人照顾BB，因为吾放心，又想距啊爸啊妈系度。但我真系惊自己坚持吾落去啦。你哋各位可以比意见我吗？应该点做？

2009/08/23

全部回帖

家有凯凯楼沙发

睇到你哋所讲既，我真系自己都忍吾住喊，有时真系好吾明，点解连一D吾认识既人都可以体谅到我，但我老公同距屋企人就吾会去体谅下我，我一直都好爱我老公，从开始拍拖我就觉得距系我要稳既人，到依家我哋连BB都生埋，但先发觉原来距屋企人甘样，先发觉原来我老公甘吾会去体谅我，我真系好心痛，我好怕自己有一日真系会后悔。

2009/08/23回复

颖嘉妈妈板凳

理解，深有同感啊！

2009/08/23回复

TVB19874楼

7 抱抱......不知道该说什么.

2009/08/23回复

淘淘宝贝乐园5楼

可能你跟他家人之前没怎么相处过，老人家跟年轻人不管是观念上还是生活习惯上总有些差别的，别太在意，想着为自己为宝宝好，好好生活！

2009/08/23回复

小之鱼6楼

家家有本难念的经呀！！！！

2009/08/23回复

家有凯凯楼7楼

唉，我真系好想稳个机会同距哋吵啊，要我老公既钱比晒距存，到我哋要用时又死吾肯囖出黎，玩绝吃。之前未过黎时，从过年到五月份，都囖咗万几蚊话要洗既，距哋又吾系要买野，次次要稳借口囖钱，呢D钱吾系话存噶，系比距哋用噶。过黎我哋呢度，都要个个月比三千家用啊，屋企都有电脑，早上无人同距争，又话要买部手提专门炒股。我坐月时距哋叫人整咗D吾知咩酒黎，话千五蚊，叫我老公比返距。我家婆个妹个仔考到大学话要封利是，话最少要封一千蚊，又要问我老公囖。对人哋就好大方，样样都吾洗距自己出钱，我同我老公拍拖到依家，连封一毫纸利是都未收过距哋啊，我个仔出世到依家，咩都无，利是仔一蚊都无封。我家公家婆无社保无医保，以后我哋既负担都好重，但距哋就样样都要系人哋面前充大头鬼，充完之后我哋两公婆埋单。口口声声话为我哋省钱，连我买个瓦煲比个仔都闹到我狗血淋头，话我咩都买，辛苦咗距个仔。但距哋次次除咗家用，罗亲都几千几千甘罗，仲一定要我哋买部手提比距，呢D钱全部都系我老公既工资度出，我两公婆日常花费，仲有BB奶粉钱，系深圳租屋都三千五啦，仲有距哋既家用，其实都真系所剩无几啦，年终奖既钱又比距哋罗晒去，成日就话要买呢样要买嗰样，连封利是比人都全部系我老公比钱，真系好过分啊，完全吾唸下以后距哋万一有咩病痛我哋都要用钱噶，BB甘细个，都好多钱要用，真系当咗个仔系金山银矿甘。

2009/08/24回复

monica35668楼

看的好辛苦。。。。。，而且看的不是很明白

2009/08/24回复

Hsue9楼

过到黎，搞到间屋七国甘乱，或者好多人都吾信，一个家庭有父母点会乱啊，但真系乱到无人有啊，仲搞到成屋都系小强周围走

汗，我的情况也一样
等他们走了，我才能慢慢把小强清除干净
有一次一个超大号小强死在BB床上，吓得我晚上睡觉都睡不着，怕有小强咬BB

2009/08/24回复

家有凯凯楼10楼

但我老公好孝顺，成日话第日都系想一齐住，只要距哋想过黎同我哋一齐住，就无任欢迎，都吾会话叫距哋走。寻晚同我老公倾，距话都好明白距啊爸系咩人，都知道我辛苦，所以如果距哋系想到时同距家姐住既话，都好，我哋个个月比生活费距哋。但依家呢个情况，我BB又细，距哋要我一定去做野，所以无办法照顾到BB。距哋之前话等BB六个月就带BB走，星期日可以带BB去我屋企见下我屋企人，我吾想同BB分开，所以真系无办法，以大家甘样相处，真系吾知可以忍到几耐。

2009/08/24回复

一切为你11楼

你老公太孝顺,真是无物人可以帮到你,自己才可以打救自己

2009/08/24回复

车厘子妈妈12楼

哎，除了表示同情不知道还可以说什么。
家家有本难念的经啊

2009/08/24回复

狼域领13楼

顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶
顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶
顶顶顶顶顶顶顶顶顶　顶顶顶顶顶顶顶顶顶顶顶顶顶　顶顶顶　　顶顶顶顶顶顶顶顶
顶顶顶顶顶顶顶顶顶　　　　顶顶顶顶顶顶顶顶顶顶　顶顶顶顶　顶顶顶顶顶顶顶顶
顶顶顶顶顶顶顶顶　　　顶顶顶顶顶顶顶顶顶顶顶顶　顶顶顶顶　　顶顶顶顶顶顶顶
顶顶顶顶顶顶顶　　顶顶顶顶顶顶顶顶顶顶顶顶顶顶顶　顶　　　顶顶　顶顶顶顶顶
顶顶顶顶顶　　顶　顶顶顶顶顶顶顶顶顶顶顶顶顶　　顶顶顶　顶顶　　　顶顶顶顶
顶顶顶顶顶顶顶顶　顶顶顶顶顶顶顶顶顶顶顶顶　　　顶顶顶　　　顶顶顶顶顶顶顶
顶顶顶顶顶顶顶　　　顶顶顶顶顶顶顶顶顶顶顶顶顶　顶　　顶　顶顶顶顶顶顶顶顶
顶顶顶顶顶顶顶顶顶顶　顶顶顶顶顶顶顶顶顶顶顶顶　　顶　　顶　　　顶顶顶顶顶
顶顶顶顶顶　　　顶　　顶顶顶顶顶顶顶顶顶顶顶顶　顶顶顶顶　　顶顶顶顶顶顶顶
顶顶顶顶　顶顶　　　顶顶顶顶顶顶顶顶顶顶顶　　　顶　　　顶　顶顶顶顶顶顶顶
顶顶顶顶顶顶顶顶　　顶顶顶顶顶顶顶顶顶顶顶　顶　　顶顶　顶　顶顶顶顶顶顶顶
顶顶顶顶顶顶顶　　　　顶顶顶顶顶顶顶顶顶　顶顶　顶顶顶顶顶　顶顶顶顶顶顶顶
顶顶顶顶顶顶　　顶顶　　　顶顶顶顶顶顶顶　顶　　顶顶　顶顶　顶顶顶顶顶顶顶
顶顶顶顶　　　顶顶顶顶　　　　顶顶顶顶顶顶顶顶　顶顶顶　　　顶顶顶顶顶顶顶
顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶顶

2009/08/25回复

柚子茶14楼

这种情形不能再同家公家婆住一起了啊！可否叫你父母来深圳帮你带下BB，一齐住啊？等你休息完一定要出去工作，经济要独立，女人才能自立。

[ 本帖最后由柚子茶于 2009-8-25 09:48 编辑 ]

2009/08/25回复

宝宝^_^15楼

抱抱楼主

，不要想太多了，自己一定要坚强些

2009/08/25回复

缘魂我所16楼

百年不遇的好帖子，不得不顶

2009/08/25回复

家有凯凯楼17楼

我都想我父母黎啊，但我妈妈要上班，爸爸心脏吾好，都需要人照顾啊，点黎啊。

2009/08/25回复

沛熹妈咪18楼

咁多怨言,距父母对你咁衰.当初你又嫁.你吾好话吾知啊.你讲咗系结婚前到结婚后啊
呢家连小朋友都生埋啦,..先至话吾想再过落去.你有无谂过个小朋友噶?

我以前都同我阿妈讲过..话我老公点点点.我公婆点点点.
我阿妈讲咗我一句.咁你又嫁.嫁咗生埋BB就无的出声噶啦..
女人系咁噶啦......辛辛苦苦维持一头家.遇到个男人好既.心甘情愿.
遇到个吾好既就怪自己无带眼识人.....

仔都生埋啦.一日怨天怨地无用喔..时间吾可以返转头...
就咪惟有一心一意教养大个小朋友...

我地呢代都有个通病.需要人地呵护,好多时候遇到事情吾识转弯...
动不动就谂埋一边.要离婚要死要呢样要嗰样.....
但要做的时候又15.16...举棋不定....

我以前都好似你咁...事事都觉得我老公吾好.我公婆吾好.
但由BB识对我笑嗰一刻开始..
我就将我个心全部俾嗮我个仔度....

吾好听咩..吾听...吾开心咩..忽视....
自己有份工有收入..返屋企有个仔陪下就够...

2009/08/25回复

帖子详情