老公输了几十万，我该怎么办？
1936266情感.婚姻.家庭
睿睿妈520屋企唔系有钱人，几十万对于我地来讲，系一个天文数字。我真系唔知点做。LG噶阿妈同大哥教训左距一餐，我老豆同阿妈更加系闹到距仆街。我系独生噶，老豆阿妈一世人噶希望就放系我身上，然后而家就放系我个仔身上。我真系唔想距地快60岁了，先要来面对呢个事实。几十万，唔知要还到几时先可以还得晒。心好痛，点解我甘黑，竟然嫁比一个甘噶男人。但系，当我老豆叫我离婚噶时候，我发现，其实我并唔系想甘做，始终，一夜夫妻白夜恩，结婚差唔多5年了，虽然都会有吵架噶时候，但系大多时候，感觉都系好温馨；我真系估唔到，系电视睇到噶情节，竟然会发生系自己噶身上，我好真系好嬲距啊，但系我又唔想放弃距啊，我好想帮距走翻正途，我唔想距再投入翻赌噶狼窝啊。LG噶职业本身系唔错架，点解你唔好好稳定工作同生活，偏偏要搞单甘大镬噶野出来啊。你有无谂过家庭，有无谂过个仔，有无谂过自己噶前途啊。唉～
今日老豆又同我讲，如果我选择离婚，老豆会好开心。我明白距地两个老人家点谂，LG系距地心目中噶形象已经系变得好衰了。老豆话，如果LG噶大哥可以借到钱比距还左D有利息噶钱，就卖左间屋，然后分翻一半钱比LG，叫距还埋其他D钱，然后就同我地分开住，叫我唔好再同距一齐住了，比5年时间距重新做人，如果真系唔再赌，做翻好人噶话，先叫我同翻LG一齐，如果再赌噶话，就即刻同距离婚。始终，老豆阿妈都觉得，凡赌噶人，都好难戒赌的。
其实，我唔想离开LG，唔系话我想纵容距，而系我觉得，系呢个时候，距系最需要人系旁边帮距，支持距，鼓励距，我好想帮距行翻正途啊，我唔知我应唔应该甘做，真系唔知啊，真系好烦，好无奈～
2009/11/03
睿睿妈520楼
