6月22日，我同老公下午出去睇完电影，晚上就去吃拉面。平时我乜野都会吃，一D都唔戒口。之前已经俾妈子警告过我无数次。但系自己一直都唔信邪～～点知就出事了～～    其实我都唔係吃咗D乜野。一碗拉面同老公一人一半，一碟樱花寿司、一碟笋干、一碟只得两细串嘅烤鳗鱼、一碟饺子。吃完饭返到屋企，喝左一杯冻嘅沙示汽水。到左9点几，又吃咗D冻西瓜～～到咗凌晨1点几，我就开始又疴又呕，然后肚痛～～开始嘅时候仲唔係好痛，所以唔想叫醒老公。因为距第二日要出发，想距睡耐D。打算等天光先去医院。不过后来到咗3点几钟实在忍唔住了，只好叫醒老公马上去医院～
    去到医院俾医生骂左一餐，话我实在太大胆了，竟然吃西瓜～～依家又唔可以乱用药～～距话依家只可以帮我打D营养针,然后吃D药,等我自己嘅抵抗力去打败距了。唉～～系医院，我就不停咁俾老公训话～～不过我都无出声了，鬼叫自己衰咩～～唯有一边好可怜咁系度忍受住肚痛同每个钟就要跑厕所一次，一边听住老公训话咯～～
    到咗今日已经好返晒了。以后都唔敢乱吃野了～～其实究竟係唔係个西瓜出事都未知，因为我之前都有吃过几次～～又有可能係出去吃D野唔干净。不过以后都唔会出去吃饭同埋唔会再吃D冰冻野了～～试过呢次仲敢咩。


估唔到咁多JM关注。希望我嘅经历可以俾大家一个提醒～～大肚婆吃野，都系小心为妙啊～

[ 本帖最后由 Frankiezhong 于 2010-6-25 17:59 编辑 ]