wing1926我个仔仔，皓皓～
刚出世，出来未够30分钟，在产房里面，我爸爸趁两位护士姐姐行开，影咗了！(本来护士姐姐话唔可以在产房里面影相嘎!)
差不多2个月既时候～又影我！！！吐舌
本人好凄惨的一次，我爸爸趁妈妈冲凉，将我反过来，要我趴，果时我刚刚2个月大。我爸爸影咗呢张相，据说，我当时维持咗唔够4秒，成个头就啪一声跌落来了～不过全家都好中意我呢张相，同时我都喺为艺术牺牲既第一次！
唉！又系我爸爸，我好想同佢讲：“靓仔你影够未阿！”
3个月了，我学识趴，于是来越秀山留个倩影～
整多张！妈妈好中意我呢张相嘎！
嘻嘻！我笑骑骑，放....
姐姐呢？去晒边？！
笑不露齿～不过我都无牙既～
俾你哋睇清D，真系无牙嘎◎－◎
呢张有小小牙啦，不过我爸爸话我个样“好傻、好天真”
而家既我，识行识走咯，不过唔喺好稳～
我见其他小朋友都有人送花既，唔知我有无呢？如果无，我识才艺表演，四条眉毛～见上图！！！多谢姨姨先！！！！
原来喺比赛，仲以为喺个人show添！
等我介绍吓自己先，其实我同其他小朋友一样无乜特别。不过又有D唔同喔！
我出世之前，我爸爸、妈妈不约而同发梦见到我出世，跟住我妈妈就入产房，跟住我就出来了，所以我好怀疑自己喺有特异功能；
2个月既时候，我就可以趴住抬头了（请见图3），多得我爸爸唔少！；
我细细个就好中意扶住自己张BB床周围行，所以我爸爸妈妈都唔洗点教我行，后来我就自己识行了，各位姨姨千万唔好学阿，我只系咁巧学识！；
我好中意笑，出街好多人都会同我讲“O , so Q！”嘻嘻，我仲好中意同D姐姐玩，不过唔喺个个姐姐我都中意嘎，一定要靓！；
我抵抗力好强嘎，就算外面天寒地冻，0度左右，我都可以出去玩，就算只手冻到红晒，我都唔会病嘎，咁耐以来，我只系发过3次烧；
我好乖乖嘎，每次玩完嘢，我都会自己放返好(自己屋企除外)，我唔会同其他人争嘢玩嘎，只要其他小朋友或者大人想要，无论喺玩具好，食物好，我都会俾佢哋嘎；
我1岁8个月左右，已经学识开电脑、听歌睇视频(PPlive)或者放只DVD落电脑度，然后再播放！我仲识得拿爸爸部手机开自拍功能，然后自拍！好好玩嘎！我7个月左右，就识得跟住电脑既歌声哼歌啦，第一次哼喺周董既“发如雪”，我爸爸话我无taste；
我好中意出街跑步，可以跑大半日嘎，我爸爸带我去足球场跑，果度好多海鸥、乌鸦，我最中意跑过去踢佢哋嘎啦，不过唔成功，等我成功之后，再话俾大家听啦！
我而家一晚可以食两碗(正常既大人碗喔！)饭、中午就一碗左右了，另外加D肉、菜咁了！我食的最多就喺鸡脾，因为呢度鸡脾比较便喔，最近我中意食鱼鱼，三文鱼、雪鱼我都喺我最近既至爱。至于蔬菜，由细到大我都好中意食，我爸爸妈妈都唔明，只要喺绿色既或者瓜瓜、番茄我都好中意，我喺中意食菜多过食肉既小朋友，而且我好中意饮汤汤，就算喺苦瓜汤，我都饮嘎。有益阿嘛！另外我早午晚都会食一支奶奶(210ml, 英国牛栏喔！)，唔食，我觉觉既时候会“录”来“录”去了！平时，我仲食各种各样既嘢，香蕉、蓝莓、士多啤梨、西瓜、蜜瓜、橙等等，我都中意食，仲有D营养早餐，婴儿食品之类既，我都唔知乜来既，我妈妈一去到超市，就会呢样买D果样买D，乜都试下喔！不过我照单全收嘎，你买啦！
我都好中意训觉觉嘎，就而家来讲，我晚上10点左右就会训着，一觉训到听日11点左右，然后中午3点左右训，训到6点左右，妈妈话我似猪喔！
我而家见到地上面有水，我自己会拿地拖来拖地，见到地上面有垃圾，我识自己拣出来，然后扔到垃圾桶等等。
我未到两岁既时候，90CM高了。而家仲高D添，得闲量下，话俾大家知啦，唔讲住了。BYE BYE!
补多几张相先～～～
我以前去超市就喺中意甘样站在部车度嘎啦！
我俾晒表情嘎啦，就系个爸爸都唔知点拿相机既！
我同我个朋友仔阿～
[ 本帖最后由 wing1926 于 2010-12-5 12:19 编辑 ]
wing1926楼
