坐落之后当然就点佐呢度的招牌菜----八宝拼盘喇，因为我地只有两个人，就点佐个迷你版的，一共就系八样烧腊：叉烧，玫瑰油鸡，白切鸡，乳猪，海蜇，牛蹍，烧鹅同埋烧肉。配的酱汁有四款口味，分别系姜葱，酸梅，花生同蚝油。果然系招牌菜，D烧腊全部都好好味啊，件件都恰到好处，尤其是两个人慢慢食，体会到叉烧的蜜汁烧烤，乳猪的松脆烧皮，烧鹅的鹅皮油甘香，烧肉的肥瘦搭配...我同事仲话，点解连中间摆设果D酱萝卜都可以腌制得甘入味，呵呵...

由于点菜的时候无留意睇个拼盘里面有无牛蹍，我地又另外点佐个粤式五香牛蹍，份量唔多，但价钱都唔会好贵，先19蚊，可以接受。牛蹍的厚薄适中，点埋D醋食都几正的，下面垫底的拍青瓜同样好入味，系属于凉菜系列，不过味道几好。

点佐两个肉，点翻个上汤浸娃娃菜，可能系因为上得比较迟的关系，感觉味道一般，就系普通上汤煮菜加D三色蛋系面头。

睇到餐牌有冰淇淋蜂蜜厚吐司，好垂涎，于是就点佐一个叫起，不过要提前20分钟左右叫，可能系因为怕等的人多。卖相造型好过瘾啊，相信食过的人都知道的，就系一个烘热的切件多士上面涂上一D蜂蜜，然后最上面放上一个雪糕，等D雪糕融化之后会浸淋D面包，混合起身味道甜甜地，而且重点系，上面的雪糕超级冰冻，下面的多士又超级热辣辣，真正的冰火两重天，完全系挑战紧牙齿的极限，哈哈，好玩又好食，好岩小朋友尝试。另外会有个补充版的雪糕用个玻璃杯装住，上面仲有一D水果摆设，方便随时补充。

比较后悔的系点佐两碗白饭，4蚊一碗，贵就一个字。
等上菜的时候有个服务员姐姐比佐两小杯纸杯的新品比我地试饮，原来系新出的金桔蜜，酸酸甜甜的，都几好味。
总的黎讲，呢度D出品真系几唔错，两个人埋单126。

在正佳4楼，具体价钱请睇7楼

可能各人口味唔同，我觉得呢度D烧腊几好食吖，而且我比较奇怪，中意食鸡胸肉，所以拼盘里面的都很喜欢
饮品未试过，只系试佐呢杯仔金桔蜜
不过最好玩觉得系个冰火咯，哈哈

吴系暂时未去过，不过呢间我就觉得几好

回几张帖之后就会变身幼小班了，到时就可以发帖了，哈哈
你真系去到边都系呢个账号啊

对啊对啊，我都好喜欢呢个，第一次食呢种呢，感觉好过瘾啊，不过系玩的心理居多

天河食饭就系贵啊

我系体育东啊，的确好近啊
万菱汇旁边系咪创展中心啊？

正佳附近啊，哈哈
真系好近啊我地

好啊，中午一齐食饭，哈哈
到时可以请教你相机的问题啊，哈哈，你系咪用佳能的啊？

因为我想买佳能啊，DAISY话佳能550平平地好入门啊，但我其实唔系好熟呢D，所以想问下你地嘛

扩张左之后貌似等位的人流的确少左，不过唔知会唔会系因为大家的好奇心过了的原因

好啊，你下次如果星期一至五中午过黎，稳埋我一齐啊

未去过吴系啊，两者相比你觉得边间好D？

正佳4楼吖