话明系食鸡专门店，当然以鸡为先啦，半只白切鸡拼半只豉油鸡售价都系68蚊一碟，好抵食，呢度主打D鸡都系皮薄爽口，皮同肉之间唔会见到有鸡油肥膏的，所以入口爽脆好味，半只的话就售价38蚊。

卤水鹅肝就无食了，唔多中意内脏。

火龙果咕噜虾球就比较特别，以水果入膳，消暑又开胃，最特别系咕噜的唔再系半肥瘦的猪肉，而系鲜嫩爽脆的虾球，搭配起身就更为清新了。另外Ray少介绍，呢度仲有草莓焗骨，凤梨鸭片，柠香排骨，新奇士炖蛋等一系列的水果菜。不过宜家临近夏末初秋，水果系列有可能因为季节原因会作出调整。火龙果咕噜虾球售价48蚊，性价比都OK的，如果各位MM有兴趣可以自己系屋企尝试一下。

清汤加拿大翡翠螺就68蚊一例，我见到菜牌有辣酒煮的做法，可能店主考虑到我地系宵夜时段的关系，就煮得比较清淡，螺肉好大只，而且里面处理得好干净，一D沙同细螺都无，好鲜甜。

肉丸煮西洋菜，清淡，煮到几翠绿，西洋菜我食左好多，哈哈。

虾酱啫豆角，虾酱的味道好香啊，用铁板一啫就即刻出晒味道，好正，同样我都食左好多。



青瓜花炒肉片，我第一次食青瓜花，感觉好新鲜啊，味道有DD似淡淡的人参味，中间个芯好嫩，唔错，唔知外面D市场有无得卖呢？有的话，叫小敏妈买D翻黎试下都唔错。

水煮肥牛，呢个好正啊，平时食开的都系嫩牛肉片，呢个系用肥牛片去做，虽然多左一D油腻，但系因为我中意食肥牛果种甘香，用水煮方法去处理，超正呢。

菱角五花肉就因为唔系我中意食的菜式，无试过。

睇过一下个菜牌，D价钱都比较家常，唔会好贵，住东晓南附近的街坊可以去试下啊，水果菜系列最中意，谢谢观赏。

     楼主啊，这些美食在哪里啊。。。

是在哪里的啊。我就住附近，，最近胃口不好，在找东西吃呢，
对了楼主是男人吗

想问问店名和地址，谢谢！请短。

下。。乜我个头像甘似男人咩？乜我个名甘似男人咩。。。。7

好吧，，你是 女的。。。。那个鸡的地址，，，，

LZ是个美女，大家不知道吗

没有看过相片 啊。。。。

我对水煮肥牛好感兴趣哦~~

在哪里的啊？