谈谈我的孕期湿疹抗战经历
34364怀孕妈妈
ㄏōιёлё我试过的方法：
1、贴土豆片，贴上去时几舒服，不过整落黎就无乜效果
2、穿心莲煲水抹，都系唔见效，当时个肚皮都开始生满一粒粒了，好红，难受死了
3、煲莲蓬水饮，因为妈妈网上的贴子说35W后才能连饮3天，我当时先30W，只系一星期先饮一次，所以都系无效果
4、搽蛇脂膏，刚刚开始买了支复方蛇脂膏，因为有贴子说好，不过无讲边只牌子，所以我LG响药店买左支，搽左有效果呀，我一睇支野的成份，有樟脑呀，妈呀，我快D停用了，因为樟脑孕妇系唔可以用的，好彩我只系小范围甘用左D
5、蕲艾婴儿沐浴膏，呢只冲凉几好的，因为无泡泡，唔会带走油脂，但系都唔可以治理湿疹
6、康迪护童维E软膏，呢只都有小小效果，不过唔敢用太多，因为唔知成份可唔可以用，只系好痕时先用
7、上网查过蛇脂膏，柯医师的蛇脂维肤膏系写明孕妇可以用的，不过唔系治湿疹，系润肤治理皮肤干燥时用
我觉得呢个时候我身体已经变了试验田，而D湿疹一D都唔示弱，个肚已经都生满晒，系呢个期间我仲有去睇医生的，初时响珠江新城妇幼睇中医，医生只系开左只川柏洗液俾我，话一日后都无效果就叫我去睇皮肤科，两日后我去省第二中医院睇皮肤科，医生都系唔开乜药俾我，只系开左几瓶中医院自制的治湿疹的药水俾我返去冲凉，呢D都系治标唔治本，洗完二个钟后就打回原形。跟住我又转战皮防所了，皮防所就开左炉甘石、艾洛松（呢个医生话实在无办法忍得住时先小范围用，因为有激素）、仲有只乜乜薄荷膏，当时我的皮肤好多已经俾我抓到出晒血了，真系体无完肤呀，用左炉甘石还止得住痕，不过好快觉得好干，只薄荷膏搽左都几舒服，不过也只是止住一时的痕，无办法医呢个湿疹的。
老人家同一D朋友都好关心我，俾电话我叫我用金银花煲水冲凉啦，甘我又买左金银花煲水冲凉了，开始用时有D效果哦，D湿疹好似有D止住甘，有效果当然继续用啦，点知洗多几次后我觉得我D皮肤好干呀，又干又硬，家婆俾电话我叫我唔好用金银花冲啦，怕会太凉呀，距话刚好屋企有个人黎串门，话好多大肚婆会甘，仲介绍我家婆用三种草药煲水冲凉，我家婆整好就叫我LG带返黎俾我，当时我试过甘多野都无效，已经觉得心灰意冷了，我LG见我甘难受，马上帮我煲好水俾我冲凉，哇~第一次夜晚可以训足几个钟，之前一时都训唔到，因为太痕了，晚上特别痕呀！！！至于系乜中草药，我都唔知，因为唔识呢D乡下野，洗左几日觉得比洗金银花好得多，但系几日后好似又无乜太大进展了。
唉~~~~~~~心烦呀，谂到仲有两个月先生得，点挨日子呀？唔理甘多了，都系再去睇中医啦，然后又转到南方医院睇中医，挂了教授号，呢次我一心要医生开煲黎吃的中药了，因为之前洗的药都无效果呀，医生帮我开左7剂中药返去煲，呢次又有D效果哦，不过中药入边有薏仁哦，不过我妈话医生开得俾你应该无问题的，当时我有问过医生饮中药会唔会影响胎，医生话唔会，但系当时我无睇清有薏仁呢样野，返到屋企时煲始终有D心惊惊咯，我只放左一半的薏仁份量，饮左一星期后我D湿疹好返好多了，复疹时问医生点解有薏仁，唔系会滑胎咩？医生话如果只系薏仁一样野就会，但系呢度几样野一起煲就唔会，不过如果好返好多，可以唔吃中药都尽量唔好吃中药了。
以为甘就会顺顺利利慢慢好返啦，点知过左两日自己衰多手用左欧舒丹的淋浴露冲凉，因为天气转冷，好干，仲用埋欧舒丹的身体润肤乳，果晚马上有反应，病情复发~~~~天呀，痕到我呀~！！！！！第二日变得仲衰过之前，而且连肩膀都生埋了，我真系想死呀~~！！！！LG见到我甘，都唔知点算好了，去药店买柯医师蛇脂维肤膏俾我啦，点知无货了，药店的人介绍左药油叫做宝宝金油俾我LG，我LG都唔理甘多了，买左返黎先算了，我睇左D成份，应该无乜问题，搽左小小试下，好大阵麻油味，跟住落黎三日就用家婆配的草药冲凉、用宝宝金油搽身，好似又有D效果，就系觉得有D油。后来又去医院复疹，俾医生睇呢只金油，医生话可以用，只要唔用有激素的野就得了，复发到而家有一个星期了，皮肤好返好多了，真系太好我，虽然仲会痕，不过感觉似系皮肤干燥果种痕咯，皮肤上就有好多疤痕，不过唔怕啦，最紧要BB无事~！！！
经过一个月的斗争，总的来说：1、唔好用沐浴露冲凉，就算系乜植物配方都唔好用，可以去药房买蕲艾婴儿沐浴膏
2、皮肤干可以用柯医师牌的蛇脂维肤膏，呢只写明孕妇可以用的，滋润皮肤，另外
贝亲的BB油都可以用，我用了没有什么问题，皮肤干也是很难受的
3、宝宝金油，生湿疹的地方可以用，不过我一直都无用黎搽过肚皮
4、平时煲棉茵陈扁豆水、金银花菊花水饮
5、要戒口，牛肉、海鲜、鸭、鹅等都唔吃得，唔好吃热气、油腻食品
6、睇中医吃中药，当病情有得控制时就唔好吃甘多了，医生都话能唔吃就唔好吃
7、煲中草药水冲凉（呢个配方真系唔知系乜东东了）
以上7点我系同时进行的，各位妈妈们睇下有无帮到你地啦，因为呢个湿疹只有发生过系自己身上先知道有几甘痛苦，生个娃真系唔容易呀！！！！
2011/12/16
全部回帖
ㄏōιёлё楼沙发wqlanny:
我进入36周几后也肚皮长湿疹，起一片片的红点点，不抓还好，越抓越痒。不过我就去了一次皮防所，挂中医皮肤科，林春生，给我开了二支那个薄荷霜，和草本肤氧洗剂，我上午去开的，第二天马上见效了，现在用了有三四天了，湿疹基本好了，还有一点淡淡的印，而且一点都不会再痒了。晚上睡前搽过那霜后，整晚肚皮都很湿润的，这个湿疹最忌就是干燥和高温。至于沐浴露之类的，我几乎整个孕期都没用，因为前面还长过体癣，也是痛苦到半死，最后也是在皮防所看林春生开了二种药治好的。都是用药三四天就见效的，现在二种痒基本上算是好了。当然，介口也是相当重要的。
查看原文皮防所只开了一支薄荷膏给我，才30G，因为面积太大了，所以我只是局部用，感觉不是很给力呀
2011/12/16回复
