【12-01-07】肇庆碧桂园凤凰酒店：公司年会第二餐，明显比中午果餐不知高级N个级别了！光亮高大的餐厅环境搭配比较高档的黑色丝绒水晶吊灯，WOW，令开佐一个下午会议的我地顿时精神为之一振。



不过最郁闷系影相果阵比人笑我又影坑爹相了，各位，再次重申一次，图片仅供参考，宝贝以实物为准，不包邮不包退哦亲！影得再靓的相亦都唔代表菜式好食，要睇评语的哦！同理可证，描述得再好食的评语亦都未必真正美味，每个人对同一样食物的喜恶系会直接影响评语的，哈哈，所以都系要自己试过先算真。

例汤系西洋菜老火汤，味道唔错几够味，饮翻一碗都颇为下火。

第一碟菜就系哈哈大笑，好有意头啊，虾身虽然比较细只，但系鲜甜弹牙，都几新鲜的，不过当晚因为有饮酒的原因，所以海鲜比较少食。

无鸡不成宴，第二道菜当然就系鸡肉喇，D肉都几嫩，不过就无咩鸡味，好在皮的脂肪亦不多。

剁椒鱼，当晚最中意的一道菜式，辣得黎好开胃，而且呢种辣度刚刚好，即使唔太食得辣的我都觉得好好味，送饭一流。

呢个，应该都系焖鸭之类的吧，因为无食过，所以即使睇翻相都唔记得系咩了，哈哈，大家就忽略呢道菜吧，全因为上面铺佐太多葱啊蒜啊的，我对呢D辛味野感觉一般，会逃避，所以少食。

山坑鱼炒蒜苗，山坑鱼先走油然后再与蒜苗同炒，蒜苗翠绿，山坑鱼香脆，两者一搭，绝配！小炒好送饭

娃娃菜有奶香味道，清清地好解腻，都系小敏喜欢的一道菜式

丝瓜冬菇浸肉丸，比较简单的一道菜，都系行清新路线，虽无惊喜，但稳阵，所以都可以接受，唯独汤底有少少偏咸了

麻婆豆腐对我而言系偏辣了，只食两三件就已经觉得到达我的极限了，睇黎都系时候要好好锻炼一下我D辣感喇，哈哈

煎鱼饼同银丝饼，个人比较喜欢银丝饼，其实就系香芋酥，里面的紫芋头香香糯糯的，热食口感特别好，鱼饼的话就比较油腻，夹起之后滴下来的油都是一滴一滴的，所以浅尝半件就好，大家Share的话会更有食欲

小清炒，哈哈，呢个系我自己老作的菜名，因为出现莲藕，马蹄等具有泮塘特色的材料，而且有黑木耳，芹菜等降血脂降血压的蔬菜，所以第一感觉就系非常健康的菜式，用少少油份带出鲜嫩的颜色，简单又健康的一道菜

总的黎讲，呢一餐比中午果餐真系好食好多啊，唔知六六见到我甘讲，会唔会觉得我今次D相靓佐呢？哈哈哈...谢谢观赏，欢迎跟帖

较为文明的食法可以系：用刀切。。。

住得还可以啊，干净舒服，设施唔知有D咩，因为无时间周围去逛一下

好在有你教我点影咋，我呢D连调白平衡都未系好识啊
你有无睇我甜甛果张帖啊？唔知点解，我即使调佐白平衡了，但出黎的效果都系有D偏蓝，好奇怪啊
抽奖得个吉，可能公司要我努力做野，唔比幸运奖比我，哈哈...

哈哈，多谢靓妈支持先，呢间味道都几唔错的，所以都要发帖赞一赞

系啊，http://www.gzmama.com/thread-2827668-1-1.html 呢张帖
我都唔知点解会出现呢种情况，明明已经对好白平衡了，会唔会系因为我系桌面上对的白平衡，但如果我影墙上的景物时又会有另外一种光线，所以导致变佐色呢？

如果唔用自动，对墙的话要点调啊？

系啊系啊，去玩佐一个周末，成班同事一齐，几开心架，仲去佐七星岩，哈哈