良辰美镱
2012.6.14广医三院造影归来，写下自己嘅经历。
造影前准备：月经后3-7日造影比较适合，要求不能同房。医生没要求空腹，早上食了少少早餐和饮左一杯畅优酸奶
造影医院：广州医学院第三附属医院（原市二）多宝路
负责医生：忘记医生名字，系个女医生
医生满意度：10分满分，我评10分。
挂号费用：造影需要挂个普通门诊号4元的，（最好系妇科3楼护士台度等护士开左插管嘅单去3楼手术室先插单再到一楼挂号（有人陪同一齐去最好啦，一个插单等候一个去挂号），避免挂号的过程中又有人去插单
详细造影流程及费用：
1.医生开检查单并要求填写手术同意书
2.排队缴费，并到护士台去条形码（查白带用）
3.取条形码后到医生处取白带，约半个钟左右有结果
4.白带取完后到隔离盆底病室搵 护士验尿，5分钟后有结果
5.等白带结果出了之后一齐拎比医生，医生检查结果后没问题就会叫你去护士台叫护士开造影手术的手术单然后去挂号。（详细见挂号费用栏处说明）
在3楼手术室插单后等候叫名，叫名后护士首先要求出示病历，挂号单，手术单，白带及验尿结果，然后收去病历及手术单和手术同意书后给一套病服，然后到更衣室换掉原先嘅内外裤，衫就可以求其套住，换好后系更衣室等候。（更衣室里面没地方放东西，D野要家属拎住）之前系妈网睇到有人话最好着裙因为要脱裤检查，其实就系查白带嘅时候要脱裤，手术前要换病服，所以着唔着裙都没所谓，一定要带嘅就系卫生巾，因为术后会少量出血和检查液流出。
到自己嘅时候会有啊姨系手术室出来（更衣室和手术室相同只系有一扇门隔开）带入去，系入手术室前要换医院嘅拖鞋先比入手术室。行过2米左右嘅走廊和一扇玻璃门先真正进入手术室。啊姨会带你去边间室边张床帮你铺上一张纸和一张布，然后叫你脱一边裤训上去等医生来消毒及插管。等左5分钟左右（期间有护士拎住病历及手术单过来问一些基本情况，问完后病历放系床头）就有医生过来消毒然后铺一层布系腿上面，布上面有个圈刚好 系YD位置，然后推部车仔过来上面摆满手术用具。用扩阴器撑大YD后 就开始往入面插管（个人觉得其实就等于系插条导尿管方便医生灌液，插好后医生就执野，啊姨会过来辅助帮你将件布一角包住YD将脱了嘅裤帮你着好然后扶落床。吩咐拎好病历唔洗换衫住直接上4楼右手边护士台搵护士打条形码。插完后肚有D痛，好似痛经甘嘅感觉，起初仲以为唔通先会痛，其实唔系，哩D属正常感觉，所以有痛嘅JM们唔洗惊。4楼右边系专门做B超检查嘅，病历及手术单比护士打条码后会叫你去几号室等候。（值得称赞嘅系广医3院B超科对插管造影嘅病人系比较好嘅，会优先插管人员去做检查）因为我系排队嘅时候，条码号系63号前面有50几个人排队，有D系前面排队嘅人见我优先就系度吵。个靓女护士就同距地讲话我地系做造影嘅下面插住管好辛苦，如果你都插住管嘅我都会优先安排你检查，后来D人就没点出声了。
因为我前面有一个都系插管嘅，所以等左大概10分钟左右到我。入去后比手术单医生，系凳度拎张纸铺系床度。刚好检查医生行开左，另一个医生就叫上床训下先，话个肚唔舒服训低会好D，条裤可以唔脱住医生翻来先脱。（如果医生唔讲我以为系自己唔通先会痛，原来系正常现象，自己多心了，呵呵）。等左一阵检查医生就翻来，跟住叫脱右边裤，然后将包住YD嘅布铺开屈起脚。检查医生调整仪器后就同另一个医生讲话开始，检查医生用阴超嘅仪器先检查然后就叫另一个医生系条导液管度灌液。刚灌入嘅时候好似有D野系入面涨住，不过随住液体加量，个人感觉体内啵一声一下子通左，痛经嘅感觉随之消失舒服晒。液体灌完后检查医生继续用阴超仪器左右两边检查，跟住对另一个医生讲话可以拔管。检查医生按住腹部另一个医生就拔管，其实没咩感觉就拔出来了，拔完后检查医生就系腹部度左右上下按，尽量将里面嘅液体按出来，力度控制好好所以唔洗怕按得大力会痛。按完后医生就叫用之前包住YD嘅布包翻好着裤落床，因为有少量液体和少量血流出所以要包好避免渗漏。着好裤以为话要等阵先有结果就同医生讲换好裤先来拎，医生话唔洗了而家打印紧结果了，好快嘅速度哦。拎好结果拎齐病历同医生讲左谢谢后就返3楼换裤，拎结果比医生睇。
报告上写：导流管导入液体增强剂后左右输卵管都见明显液体增强剂，左右输卵管通畅。
检查后用药：三七血伤宁胶囊 消炎药（主要怕YD感染）
总费用：B超+插管+白带+验尿+普通门诊号+用药=1200（因结果没事所以只系开左相对便嘅消炎药）
我的心得：其实第一次造影唔洗怕，怕嘅只系我地唔知医院嘅流程系点样唔识点样应对，妈网造影攻略已经介绍了不同医院嘅做法，虽然各院有不同但亲身经历过嘅人已经将自身经历写出来比我地参考，我地可以做足准备先去造影。我都系第一次造影，之前都有听人地讲话点样点样都觉得惊，后来系妈网查左相关造影攻略后自己都准备好先去检查，其实一D都唔怕。不过有D人做完后会唔舒服或者脚软，最好揾地方休息下先再离开医院。本人身体比较大只做完后没不适，不过返到屋企后先来脚软，呵呵。
在此，希望本人嘅亲历可以给各位一D帮助，虽然废话比较多，希望唔好见怪，呵呵。祝各位好孕，也希望自己能尽快好孕！
良辰美镱楼
