今日是8月6号，是BB排畸的大日子，琴晚就同距倾计，话要去检查，但是距完全唔比反应我，当时就林啦，会唔会好难搞呢。
结果我一早去到医院，预约9点，我9点大概10分就入左B超室啦，都算好快，入到去，医生系我肚皮度左右来回扫来扫去，期间不断系计算机输入数据，做左大概20分钟，医生话你左侧一下，我当时都未知，原来只臭B有D位置睇唔到，试左两次，医生话，你出去行下啦，甘就行啦，行来行去，都唔觉得BB有郁。过左五分钟，又听到叫名啦，我对住医生话，我未觉得郁喔，医生话试下啦，结果探头一放系肚皮，就话，你都是再行下先啦，果然沟通唔够，琴晚倾唔掂数。再到第三次，终于睇到啦，呢张B超单真是千呼万唤啊，医生话你带上去比郭医生再睇下啦，结果无事。

总结下今日唔是一TAKE过的原因，一、有D饿，二、同阿B沟通唔够。出来要打PATPAT,哈哈

8月8号，今日是沈姨姨登记的日子啊，话甘快就四年啦，距是080808的，先恭喜距
今日天气好闷热，仲出猛太阳，呢排因为有同事休假，所以稍忙DD啦，BB唔好受影响啊，该训就训，该食就食。下午带左阿B去办事，全程顺利，完满完成任务，仲见到个同我地孕周差唔多的同事，好像我个肚就尖D，距个就平D，唔是有得比较都未知自己个肚型，，今晚要尽量早D训，我觉得我都唔算是好及格的妈妈，成日都甘夜训。仲有，今日终于都落左单买B车啦，BB有车车啦

8月11号，原来是宝爸的生日，本来计划好左行程，结果早上产检时的一份报告，打乱晒，我有妊娠糖尿，OH，NO,点会甘的呢，我地从来都无考虑过呢个问题，餐后两小时的检查超左。跟住营养师的餐单，睇到都无胃口，但为左阿BB，都要坚持再坚持。

8月13号，开始我的面包生涯，按餐单，主食就是黑米，全麦面包，意粉，玉米，呢几样，相对来讲面包最易稳的啦，要坚持10天，先再去验快速血糖，希望无事啦，又无遗传，又唔是肥，其实我仲未明白点解会有呢个病罗。食完野唔比饮水都罗命，仲要行半个钟，话时话，甘样我的休息会唔会唔够的，依家个又唔可以食得多，又怕个B唔够营养

8月14号，一早称体重，46KG，要监察下食麦包我的体重变化，健康得来，BB都要好好成长。早餐面+菜，早点两片麦包，午餐，两片麦包+菜+肉+蛋

8月16号，今日唔记得称重添，BB6个半月啦，乖乖，依家开始同距讲野会比多D反应，唔像以前甘，爱应不应，哈哈，有进步。今日一早问，BB，你醒左未啊？踢一下，再问你是唔是男仔啊，劲踢一下。问多句，你是唔是女仔啊，又踢，呵呵，BB交流的方式，就是我问一句，距踢一下，真是得意，21号复检啊，我努力梗食粗粮，务必要将血糖降落来

8月21日,经过一个星期的营养餐,我瘦左两斤,毅然决定食返多D米饭,最终都是轻左一斤,唉,我肥得好难架嘛.
今日复检两小时血糖值，5.8,靓仔晒，不过都是巩固成效，顺便做埋个三维B超，阿B都是唔多配合，比个医生搞来搞去，张相都唔是好清的，仲要点解我觉得BB像阿凡达呢