绝对闲人晚上决定早D嚟，五点半过后就嚟到了，见到门口有个部长系张台道写嘢，行埋去一睇，原来系每张台嘅卡（分别写住台号），呵呵，第一次见到咁开卡嘅。我地三个人，佢叫我地上二楼。哗！入到一楼一睇，真系有D莫道君行早嘅感觉啊，原来已经坐满人了，真系名副其实嘅旺。冰柜放做好多猪杂，睇落就唔系咁新鲜了，鱼池有几种鱼，水桶装住水蛇，反正都几吸引眼球。
二楼可能系新装修，气味好大，顶佢唔顺，就坐咗外边露天嘅位了。
因为第一次帮衬，唔敢点咁多嘢，样样都系点一D试试。女汉子抓FI，点咗一只乳鸽、半斤盲公丸、猪血，猪心、骨髓、猪肚各一D，主食就叫咗煎萝卜糕、煎饺各半打。
值得一赞嘅系盲公丸，咬落去够弹牙，好好味； 萝卜糕够正宗。最后埋单159大元......
粥水锅底
猪杂
盲公丸（48/斤）
猪血
乳鸽（18.8/只）
煎萝卜糕
绝对闲人楼
