wingwin
wingwin楼医饱肚后搭穿梭巴士入乐园，落车后行一小段路程到安检处，过年新开嘎企鹅酒店就系乐园隔离，步行就到，但朋友前几日去住话比较差，估计赶系过年开张，好多野都未搞好。而且油漆味比较重，依个都系我无选择订嘎原因之一。安检不是好严，包妈将大细包嘎饼干，泡芙包系衫入面，安检打开随意睇下就得。住酒店嘎有专门一边入门排队，需要按手指模。之后可以多次进出。
入园右手边有租bb车同轮椅，隔离有寄存储物柜。bb车60蚊租一次，但不能推出园外，如果出去再入黎就要重新比钱租。另外有雨罩嘎bb车系70蚊一次。按金200，bb车有锁，去睇剧场同食饭可以锁系门口铁通度。轮椅系50蚊一次。
入园首先都睇好剧场几点开，方便安排时间。一共有三个剧场，基本上系2点，4点，6点，每个剧场半个钟左右。三点有花车巡游，但比起迪士尼嘎感觉好山寨。剧场开前半个钟会有乐园广播提示。因为我地闲日去，人好少，都可以坐正中间，之前有睇其他妈妈嘎介绍，坐第六排最好，太前会湿身，果然就霸到个好位！仲比包爸拍到海豚顶嘎波。
机动游戏基本都系限高95，大细包全部都玩唔到，所以时间好充足可以慢慢每个地方行。企鹅馆温度最低，小朋友要带外套出去，避免一冷一热冻到！入面有多间餐厅，价钱基本都系五六十一个饭，热水免费提供！
晚上7点有个灯光巡游，类似花车，不过有灯嘎，因为我地太攰去佐食饭所以无睇到。
晚饭后见有时间烟花又未开就去逛商店比小朋友拣公仔！
提前十分钟系湖中心稳个靓位睇烟花！其实人五多嘎日子真系唔使点霸，基本上都睇得好清。因为带住小朋友所以烟花烧完前五分钟就离场，之后证明我地系明智，还完bb车跟住行去搭穿梭巴士，如果睇晒先走就要等一班巴士或者企位。带小朋友嘎就唔系甘方便啦。
翻到酒店宝妈洗干净个浴缸比大细包玩水，之后**秒睡！
第二日包爸包妈各自酒店自助餐，因为自助餐超过75cm嘎小朋友就要收70，大细包两个就要140。重点系距地都食唔到几多
提前三月头系旅行社订好套票，本身打算3.10-11玩两日，试下住过年新开嘎企鹅酒店。但点知果两日嘎平价房都订满。后来睇横琴湾酒店包嘎门票可以两日无限次入园，而其他两间唔得。同埋横琴湾酒店嘎房会比其他两间大，厕所有浴缸，所以就订佐3.9出发嘎套票。1480包两张乐园门票，一晚园景房，两张水上乐园门票，两份自助早餐。
包爸包妈系无车一族，本来系打算系旅行社订埋车票，75一个人，大小同价，八点开车。霖下时间可能会比较赶，所以自己搭轻轨去。
之前做好功课，去广州南买去珠海嘎轻轨，包爸包妈带上大细包出发！两小孩第一次搭异常兴奋
去到珠海按妈网嘎攻略稳到买去长隆嘎专车，刚好赶上开车！搭大概半个小时车程黎到横琴湾酒店，我地首先睇下有无房可以罗，好彩有房可以即时入住，系大堂罗房对面就系罗门票。
可惜嘎系刚好依几日有公司系度开研讨会，房源唔充足，之前听其他朋友话够房嘎时候可以免费升级房间。
包妈订嘎系双床房，上房后床可以移动，把两张床拼一起，瞬间变2.4米床。够晒四个人训，两个小朋友靠墙边训，唔怕半夜滚落床。
系度要鄙视下长隆依间五星级嘎酒店，居然连床围都无得提供，今时今日甘嘎服务点得啊。
顺带一提，以前住横琴湾有优先入场嘎手带已经取消，我月头打电话问酒店都仲有，去入住果阵就话三月份开始取消，要嘎就只能比钱买。好彩闲日人唔多
上房后简单收拾一下背囊就先系酒店解决午餐，系渔港食街要佐个炒饭45蚊，分量好足。一个铁板生蚝75，有八九只蚝，个头都好大。一个陈村粉45，有瑶柱同银鱼仔蒸。茶位最平8蚊。另外加收15%服务费。服务员会主动罗小朋友餐具过离。
