我的超顺产经历(希望顶贴的准妈咪,都一样顺顺利利)
8734130怀孕妈妈
oozelq个仔而家个几月了,我趁一有时间,补上我的顺产经历,希望与坚持顺产的妈咪共勉.
我的产检一直正常,其实从二十八周开始我脚水肿了,手指也感到麻，好彩血压无高。甘一直相安无事，到左三十七周，我就开始吃西瓜，四周去街，仲同老公去左海边，影左相，作为以后的留念，每晚训之前，我都同BB讲，好想见到你呀，可惜一直无动静。直到三十九周，我去产检，医生测到我血压比较高，要隔十五分钟再测，第二次就正常，但医生好唔放心，要求我明天再来做监测。呢个监测就是每隔一段时间量一次血压，测左三次后，医生就同我讲，我要马上入院，催生了，BB要提早出世了。我当时都唔觉得有咩唔舒服，反而觉得，好野就快见到BB了，后来才知道自已血压去到160了，是非常危险的，真是唔识个“死”字点写呀。
11月20日中午，大约十二点半，医生响我子宫口落左D咩啫喱（具体是咩，我就唔知了，反正距话是用来开子宫口的）呢种药需要二十四小时生可以生效的，医生仲话，明天早上，为我破水催生。落完药，我就做胎监。我就打电话俾老公，叫距黎医院。做左半个钟胎监，助产护士，每隔一阵就入黎问下我，有无阵痛，我觉得有少少痛，但我觉得唔是阵痛咯，因为我睇其他妈咪话阵痛是好痛的。做左半个钟，我就被送上去病房。
在病房度，我时不时都觉得有少少痛（相对于我的经痛来讲，是湿湿碎的）。无咩野做，老公同我影左好多相（后来我怕相机无电，影唔到BB出世果一刻，我们才停止的）我住的是双人房，同隔离的印度女人吹下水，原来距是胎儿太小，送入来的。吃完下午茶，我想训下但又训唔着，老公就话，你不宜行下啦，可能会快D生呢，甘我就出去行左一阵，后来见到餐车，知道晚餐黎啦，甘就翻房，自已扶住床边，做下扭腰运动，即是转下转下盘骨果只咯（呢个动作可以帮助BB转落去,加速开宫口)。六点钟，我吃完我的晚餐，开始觉得好肚痛，我马上去冲凉，洗头。七点开始觉得两/三分钟痛一次了，助产护士，帮我上左胎监仪，呢种痛比月经痛，痛少少啦，我用呼吸法，同幻想自己响海边晒紧太阳，甘样都可以放松到身体。做完胎监，护士话我可以送去产房啦，我好开心呀。
我大约九点几送到产房，护士问我用边种麻醉方式，我马上答距用硬麻啦，因为果时好痛啦，我顶唔顺了。助产护士笑笑口讲OK，等我睇下你开左几多先，点知一睇，已经开左八公分啦。于是，我就话用GAS啦，我吹左几口，觉得晕晕地，但无减轻痛。助产护士要我唔好用力，只能大口的呼吸，但过左无几耐，我已经感觉到果种传说中的“大大”感觉啦，我同护产护士讲，我无办法唔用力，因为是BB自已要出来啦。距要我一定要忍住，然后帮我量宫口，距话已经全开啦，然后帮我破水。但BB个头是仰着的，所以都唔可以用力，距冲出去叫医生入黎，但我真是无办法唔用力呀。有三四个医生冲左入黎，话已经见到BB个头啦，叫我停一下，（我老公话距伸左只手入去，搞下，可能是转BB个头挂），然后距叫我用力，我用左几下力，BB就出世啦。医生马上拿俾我抱着（当时仲未剪脐带呀）
跟住下来，是老公剪脐带，称重等等。
总结一下, 我觉得三十七周后,多行多运动,是有帮助的。我系好瘦好单薄果种体型，但都可以顺产的，希望同我一样的妈咪要坚持呀。另外我BB仔是细细粒，只有2。6KG。可能也因为甘样，所以容易生咯。
总结一下，我觉得规律阵痛到生，只用了三个钟，很幸运的啦。我觉得运动好重要的，各位准妈咪，平时行多D，无事的，特别到左后期，觉得阵痛，如果未破水，都可以动下，好有帮助的。
2009/01/08
oozelq楼
