pikila
pikila楼广州市越秀区陵园西路13号二楼
电话：61202788
11：30-14：30 17：00-22：30
节假日 11：30-22：30
坐地铁到中华广场个站落好近的。
，距地一直好中意去陆谷个度，话自助餐三文鱼可以任食（距地只点三文鱼
），但点知去度发现间野唔见左，唔知系唔系执左了 都唔知去边好，后黎想起系POCO有人介绍过中华广场附近有间寿司店有自助餐食话好便下，个两条友话见过就齐齐去罗
去到时好饿成８点几了，一问一至五中午寿司自助餐５８，晚上６８，加１０蚊仲可以食埋涮涮锅添，８点半后寿司点餐半价，同朋友想黎想去，最后决定放开肚皮大食一餐，三个自助餐，每人送一杯店内自调的餐前酒（几好饮）同小食（海带同豆干），仲有一小碟象鼻蚌刺身（这个唔错下，好鲜好好食，但距地唔中意，所以落晒我肚）
个度环境好靓下，人唔算多，几多服务员（有D呆，我地企左入去都唔识主动招呼，要我地叫），回转寿司一张台，涮涮锅个边都系回转台，仲有D雅座，座位几舒服下，师傅系里边隔住层玻璃，感觉好干净又睇到点做，我地仲要左一斤三文鱼，４０一斤，好多下，朋友话绝对比一级棒好，我都觉得唔错，几新鲜下系厚切，仲摆埋造型好靓，个度寿司有成几十个品种，D料好足新鲜好大件唔似以前食的其它店甘款式少又辜寒，我地食左好多个花之恋，仲有鳗鱼寿司，个度好多鱼刺身同元贝鲍贝寿司，墨鱼仔同八爪鱼都好大碟呢，仲有软壳蟹寿司同芝士鳗鱼寿司，多到讲唔晒，有个好少见的寿司，我唔记得个名，好似一片鱼的刺身甘的，但边边好多蟹籽的，非常好食。芥辣唔会太公鼻，酱油虽然偏淡，但仲更食得出鱼的鲜味。
最重要系D寿司饭唔错，食过甘多最好就系距，系日本产的米，竖埋个牌出黎唔记得个名了，师傅手艺唔错，饭团捏得好好，大家有时间去个边行下啦。系陵园西路架，叫季禅房，距仲有D日式蹋蹋米房的，如果聚会订个个D房就好玩了
个度有个套餐系长脚蟹的，如果有钱下次一定要试下至得，好贵，有鲍鱼同其它要成二百几
补充讲句，我地今晚食左几十碟，饱到我差D行唔到，顶到上喉咙想呕甘制，下次都系有节制D至得了，埋单至２５９，抵到烂啊
68*3茶位5*3再加三文鱼刺身一斤40，晚上自助餐甘的价真系现在好少有甘抵罗[ 本帖最后由 pikila 于 2009-3-3 00:21 编辑 ]
5
