,更新签名栏先

不容易啊

不知不觉囡囡都返左幼儿园一个多月了,心情况总是起起伏伏的,上周不知囡囡系咩原因返到幼儿园门口就开始 扁嘴唔肯入幼儿园,我仲问老师囡囡响幼儿园系否有唔事发生,老师话甘就无,下午小朋友跳舞的时候囡囡好想一齐玩,不过就点都唔肯放开老师只手唔肯去跳只是拖住老师只手响度睇,哎,都唔知囡囡几时先可以融入团体生活.
       今日我带囡囡返学的时候唔记得左带枕头,搞到要返屋企拿,好在今日我休息,不然搞到囡囡中午睡觉都无枕头,有时我都觉得自已作为妈妈唔应该甘大头虾的,
       今日囡囡开始参加幼儿园的黄金班,所以下午5点钟先接囡囡放学.不知第一日上黄金班会唔会唔肯呢,因为睇唔使上黄金班的小朋友走得,自己都未走得.

囡囡返幼儿园后经常要自己吃饭,唔俾我喂吖,仲经常同我讲"一羹放入口,桌面.地下要干净"
哎,我是比较同意囡囡学识自己吃饭的,不过囡囡自己吃得好慢吖,成个钟先吃完一碗饭,吃左都无益啦

今天我同囡囡行江边.喂白鸽唔记得时间,搞到返到幼儿园已经8点20分啦 好在幼儿园仲有早餐吃,
       囡囡近期学识左好多野,识用普通话讲"中秋节快乐",用广州话唱"炒田螺吃芋头,柚子菱角好又多"v1 v1

今日囡囡放学返到屋企去洗手间果阵我发现囡囡的内裤有少少血迹的样子,囡囡去尿尿果阵仲哭得好厉害,连用纸搽屁屁都唔俾吖,我问囡囡边度痛吖,囡囡话"鸡鸡吖"我问囡囡点解会痛囡囡又唔肯讲.我同屋企人唔知几担心.后黎都忍唔住打左电话俾班主任.班主任话囡囡今日上楼梯果阵.行到最高果级无扶实滑左一下,哭得好厉害,可班主任问距痛唔痛囡囡又话唔痛,下午响幼儿园去尿尿果阵都无话痛的,同时班主任都睇过裤仔无发现咩(例如血迹的东东),以为小朋友只是滑左一下,
        哎,你话我地唔担心就奇罗,内裤有血迹都唔知发生咩事,不过班主任应该唔会骗我地的, ,囡囡本身就是小胆怕事的小朋友,都唔会响幼儿园有无被其他不朋友欺负的.如果好似今日甘滑左一下,明明痛到哭都唔敢同老师讲,点算吖.
        哎,真是越谂就越担心,晚上班主任再打电话黎了解囡囡的情况,可当时囡囡未冲凉我都无办法去观察.(因囡囡点都唔肯俾我睇下有无事,所以只能等冲凉再睇下点罗).好担心超担心

谢谢鱼鱼妈的关心，果日真是担心死我啦。

今日是婆婆去接囡囡放学，不过我唔记得左同妈讲囡囡今日唔使上黄金班，结果妈迟左一个钟头去接囡囡。哎，真是难为左班主任罗。
       今日囡囡的学习手册中，老师评价中有一项是锻炼囡囡得个“加油-未跟着做”（最好是很棒，一般是棒，最低不用讲就是加油罗）。老师的话里讲“囡囡是个明道理的孩子，但比较怕事，当老师教小朋友做操玩游戏时新的动作你不敢大胆参与学习，这可不好喔，要学会大胆大方认真学，知道吗，相信自已”。哎讲得囡囡真系岩，我个囡就系甘，怕事吖。

题目应为囡囡无返学的日子，今日因为中秋假期的原因，所以星期日都要返幼儿园。不过囡囡今日逃课（其实是请假先岩）。之前提过囡囡结果生麦粒肿，今日起身发现果粒麦粒肿好似大，全家人都唔放心所以都是带囡囡去医院检查下比较好。不过结果还好，医生讲囡囡的麦粒肿仲未是太严重可滴一下眼药水和眼膏睇下情况再做手术。
本黎琴晚同囡囡讲今日要返学的，所以姨姨返学的时候囡囡仲问我“囡囡的书包呢，我要返学学吖”（因我家有个小朋友读紧小学三年级，平时系同一个时间出门口返学的），结果我同囡囡讲今日唔返学我地要去医院去见陈伯伯（经常睇的医生），囡囡顿时嘴扁唔出声。

我家孩子刚上时候也是这样，但适应就好了，现在全托了

你家宝宝多大呀，全托？

好耐都无上黎更新啦,主要是因为屋企的上网卡坏左 .今日LG先拿个新的返黎.我即刻上黎更新啦

[quote]原帖由 ljm2010 于 2010-9-25 13:25 发表
       你家囡囡家下应该适应幼儿园噶环境了吧？几勒女喔~~~

       我家宝宝今年两岁一个月了，基本都是我带着，感觉他比较粘我，性格比较内向，有时自己玩的时候甚至会在那里发呆很长时间，对身边的事 ...
你就好啦,学校有相俾你,我向幼儿园提意,结果答复无可能

全托可以吗,小朋友会唔会唔习惯没有MM在边身的日子.

我当时都担心自己会哭的,结果是我MM哭了.近期囡囡休完国庆假期返工幼儿园都哭啦,可能是太耐无返又开始唔习惯

我家囡囡家阵2岁4个月啦,我无全托,因我家囡囡好内向总觉得全托对距心智唔是甘好

更新返之前的事吖,因上网卡坏左无上网好耐,我平时先用笔记录,家阵更新返少少啦.
中秋节、国庆节幼儿园休假情况：
9月19-21日，正常上课
9月22-24日，中秋节休息
9月25日，正常上课
9月26日，休息
9月27-30日，正常上课
10月1-7日，国庆节休息
10月8-9日，正常上课
10月10日，休息
10月11日一切回复正常

今天我终于休息了,所以早上,下午都可以接送囡囡返放学..
不过今天班主任反映囡囡响幼儿园有咬人的现象,虽然班主任无亲眼睇到囡囡咬人,但是被咬的小朋友是指住话是囡囡咬距的,班主任问我个囡有无咬人,我个囡都话有,最搞笑是班主任都唔信我个囡会咬小朋友,因平时囡囡是班中最静的小朋友,我当时就问囡囡到底有无咬小朋友,囡囡开头话无,后黎又话有,我问距甘你咬小朋友边度吖,我个囡居然话是咬嘴巴,但班主任话唔是,是咬小朋友的手.哎,搞到我同班主任顿时无语
返到屋企我问囡囡到底今日有无咬小朋友,囡囡都话有,不过都是话咬小朋友嘴巴,仲流血吖.哎,都唔信唔信好.不过我都有教育囡囡小朋友唔可以咬人.
今次是囡囡返幼儿园的第一个投诉吖,希望唔好有下次就好了