揭露论坛某个月嫂的恶行！！大家要小心选择月嫂！

E个变态的月嫂系我响妈妈网稳的，此人系广州本地人，50岁左右，陈X娟，同时也在市妇联可以稳到距的。论坛之前几个人推荐距的，其实后来先知道系距个女系妈妈网度帮距做宣传的。E篇文章我后来经过修改，因为文章一出后，好多姐妹通过论坛发短讯息给我，话她们之前都系受害者！希望大家认清楚E个人！唔好麻木相信论坛上的推荐！要自己慎重选择月嫂，否则真系贴钱买烂受啊！
在坐月的第17日，终于顶唔顺个月嫂，其实也是万不得已的，毕竟过年，难请人，但以我的脾气还是炒佐距。我真系觉得E个人系月嫂中的败类！刚刚接触的时候，还觉得个月嫂几好的，貌似几专业，在医院6日里面，距都系24小时陪住的，但系医院，其实距都系陪我，无咩嘢做，当然，工资一样要计给距的。每日距就教我老公煲炒米水（后来先知道陈姨根本唔知道炒米水系要用糯米或者糙米炒先最有效对产妇最有营养的，陈姨系要我哋买东北米炒的）瘦肉汁，同姜水加米酒给我，前两样系吃的，姜水系抹身的，而且系住院的时候，我开始涨奶，个胸硬到好似石头咁，摸落去系一块块的硬块，而且大到好似黑美人西瓜咁，笑到我D姐妹咩咁，涨奶果种痛，真系同生仔又得挥，个月嫂都每日帮我用热水敷，帮我开奶，真系痛到眼泪都飚出来。开始还觉得距几好的，做嘢都好主动，E样系我最欣赏的，从来无见过距点偷懒。不过可能系医院无咩做，距还未露出本性，一出院就多嘢做，距先露出真面目来。到后来，个护士长知道我成日涨奶咁厉害，问我吃过D咩嘢，个护士长就话：“你个月嫂无常识咖咩？明知道涨奶咁厉害，仲日日煲炒米水，瘦肉水给你饮，有无搞错？”出院的时候，距问我拿利是，暗示话要500元以上的，又向我炫耀距以前D客户起码都给1000元距的，又话人哋屋企点有钱，做咩职位的，但后来我都是封左500元给距，距可能嫌少，唔开心，一拿到利是翻到我屋企就黑晒口面。早知道距咁衰，学我D朋友话，应该封100都给多距啦，毕竟在医院果几日，根本得个陪，都唔使距做嘢的，而且来医院第一日起，已经系计紧工资，凭咩嘢要另外再封甘多利是给距啊？
回家后，距就好似突然发神经咁，因为我屋企系新搬入去大半年左右，家私都是新的，距就话我屋企的鞋柜好大阵味，要我老公搬出去阳台，好啦，我老公照做，一阵又话张餐枱有味，又话电视柜有味，又话D衣柜有味，.....全屋都有味，天啊！不如全屋D嘢掉晒距啦，好唔好？我住佐咁耐，一D味道都唔觉得，而且当时我大住肚，唔通我会伤害个BB咩？(后来我请了第二个月嫂同现在的保姆，距地都肯定我屋企系无味道的）又大叫：“搬出阳台咁就得咖啦？咁叫我点住啊？”我直头问距：“你想点啊？全部扔晒距啊？”距就黑口黑面。开始讲说话好毒话：“咁的屋企，得你哋先敢住啊，你个BB无事，你已经执到啦.....”算！！我都忍了。
一来到我家就好似给下马威我睇咁，究竟来打工还是来享福？而去此人把口闹人好毒，成日同我讲距以前D雇主边个衰，个雇主又肥又矮又无钱啊，孤寒啊，之类，又对住我BB成日讲粗口，不过，我都系忍了。而且E个月嫂仲好钟意搬弄是非。成日同我老公讲，话我怕痛，唔想喂人奶喔.....掉转头，又走哩同我讲我老公孤寒之类，一日到黑就搬弄是非！唯恐天下不乱咁，又讲大话，吹水。。。。此月嫂只手矜贵到不得了，洗亲手一定要热水，无论天气热还是冻，做任何家务都要戴手套，手套都唔知道烂左几对，又话我买的手套CHEAP之类，天啊！我买的手套都是思高牌的，咁都叫CHEAP啊？你只咩手啊？整烂咁多对手套。之后每次做完家务都一定要搽润手霜，咁ED嘢，系人地的事，咁我都系多口讲句嗟！距吃亲肉都要新鲜，每次吃猪肉都要我们买一号土猪的，鸡又要靓，要买25元斤以上的鸡，咩都要好的。距规定一定每餐有两日一菜一汤给距吃，否则距就唔做。真系唔知道距坐月还是我坐月了。每日还不停指挥我老公做E样做果样，好似我老公系工人，距系主人咁，不过，我都忍了。
   过佐两日，就要求我哋买好多嘢，阿B的衫多到成柜都系，距居然话唔够，一日到黑要我买衫，（后来第二个月嫂来，个月嫂都吓佐跳，话距痴线的，买咁多衫做咩？几件就够了，买成柜？）奶粉我买的是美赞臣，距又话美赞臣唔好，不停要我买明治。其实本身我屋企已经有好多燕窝，血茸，阿胶，灵芝.....而且都是我老公去采芝林买翻哩，无论价钱质量都好唔错的，但个月嫂话唔够，要我老公买血燕，血茸也都唔够，要再买，阿胶要买一大块的，又要重新买过，又话要隔日炖花胶猪手汤，当时我就话啦，唔使隔日煲花胶吧？距好强势话，要！咁无办法啦，我老公娜娜声去TASTE同采芝林买，距话要买咩，我老公就买咩，买的花胶成900元一斤，个月嫂一阵就帮我煲晒距，而且好几次我无意中入厨房扔垃圾的时候给我撞到个月嫂系厨房饮花胶汤，仲要系头啖汤，讲真，我并唔系小气到一碗都都唔肯给距饮，而是距做嘢太鬼鼠，唔得光明正大，一D都唔尊重我。当然，我都相信距肯定有吃燕窝之类的，有时候霖霖下，究竟系我坐月需要吃，还是个月嫂想吃？炖的冬虫草幸好是原条隔水蒸，成条咁吃的，开头我老公还成合冬虫草放系屋企个密实箱任距拿去蒸，后来我觉得原来越少，我索性放翻入自己间房算了，点知道距偷左我几多啊，唔通我每条去数咩？但就系觉得好唔抵咯。你话我孤寒，我都系咁话的，我已经咁多钱请距翻哩。
   我无法忍受距的行为有，每次喂完BB一个奶瓶，就放落消毒器，一个奶瓶就消毒一个小时（因为消毒器带烘干的，都是一个小时）我觉得好浪费，我就同距讲，我家有7个奶瓶，等喂BB多几个先消毒，费事浪费电，距话唔得，哎！算数啦。距话BB要用BB专用的衣物柔顺剂，OK，我老公去买，结果，在我家11日，用佐我2支蓝月亮BB专用洗衣液，一只贝亲的衣物柔顺剂，用了2支大人的蓝月亮洗衣液，洗衣粉一包，我真系好难相信11日会用到咁夸张，距究竟系点用的？系用还是倒啊？痴线咖，讲出来都无人信。屋企的大人，BB洗衣机一早就同时开，一日开N次，一两件衫就扔落洗衣机洗，两部洗衣机未停过。我家的暖奶器24小时开住，后来又话暖奶器唔得，要我哋买多个调奶壶，要方便距做嘢，油丁机12个小时开住，冲凉再加暖气机再开，消毒器基本上2个小时开一次，距话阿B拉屎洗PP一定要用铁观音绿茶叶洗，OK，我老公马上去买，后来给D朋友笑，话我个仔真系娇贵，用铁观音来洗PP，一个小时就帮阿B换一张尿片（后来第二个月嫂话根本就唔应该每个小时帮阿B换片，因为会影响BB的睡觉质量的，起码都应该3个小时先换，又浪费）...........我BB冲凉，买次都惊到抽晒筋咁，大喊，我作为阿妈，肯定好心痛，我话：“换第二种姿势帮距冲啦。”距话：“唔得，要距习惯的，越系惊越要距克服。”（后来第二个月嫂，包括我自己同阿B冲凉，都从来无喊过，我先明白系那个陈姨连帮BB冲凉的手法都好有问题）。
距每日一早要我吃当归焗饭，我话唔想吃，当归好燥热，我都咳嗽了，距话：“唔得，一定要吃”。我话天气太冻，冲凉后唔好帮阿B按摩啦，怕冻亲距，距话：唔得，一定要！！我心霖，冻亲点办啊？得不偿失啊！距煲艾叶姜水加酒给我抹身，我话唔落艾叶好唔好？怕体虚，距又话唔得，D亲戚朋友话想抱下BB，距话人哋D衣服有菌，唔得！唔通要我D朋友亲戚带套衫哩换咩？傻咖距！每次有朋友来，都黑晒口面。叫距教我点凑阿B，距话唔需要学住，等坐月后拉（其实当时距怕教识我，我炒距）结果咩都唔肯讲，就连问都唔答你...总之太多问题，我接受唔到，我提出的意见，全部都话唔得，好强势的月嫂。最后，顶唔顺，我同距吵了几距，距话想走，我听到几开心啊，马上结数给距走啊。
   第二日一早6点几，距居然还好意思打电话给我，话想翻哩做，话怪距自己一时冲动，我话我已经请佐人啦，距就不停同我讲，E家出面D月嫂都唔够距专业的。。。不停咁讲到全广州得距一个最好咁。我当然无理距啦，我心霖，E个人的人品咁有问题的，又成日讲大话。早知就应该一早赶距走。而且距成日话距自己屋企好穷，又当住我BB的面好狠毒咁咒距老公果边D屋企人，又话个老公又无野做，出面又搞女人...他们全家每个月都拿低保的，我有时候见距咁可怜，我就算啦，忍下距。最后先明白咩叫“可怜之人必有可恨之处”。
后来先知道E个陈月嫂，好多基本的知识都唔识，我真系唔知道距点考个月嫂证翻哩的，够胆死，我出院的第二日就日日用当归焗饭给我吃，又要我吃姜醋，我都觉得好奇怪，点解每次吃完后，会多佐咁多血，后来几个医生都话我个月嫂痴线的，淤血未排出，系唔可以吃当归，姜醋的，会造成大出血的。NND！！还炒西洋菜，给茄子我吃，个医生都话，西洋菜咁寒凉，产妇系唔应该吃的，茄子系回奶的，每日要我老公去TASTE买进口的奇异果，一定要进口的喔，距话国产的唔得，还要我老公买车厘子，后来先知道其实系个月嫂想吃。连个医生听到都话个月嫂好过分，E个咁的月嫂连ED咁基本的嘢都唔识，学咩人做月嫂？
   后来稳朋友，距介绍佐新的月嫂过来，我先觉得舒服好多， E个月嫂就平过之前的月嫂，6000千26日（过年三日要加双工），惠州人，说话温柔好多，我提出的疑问，意见，距都接受，也会同我分析，更加唔会一日到黑要我哋死咁买嘢。个人好悭果种，吃饭只吃青菜，肉都唔夹，系我哋死要距夹，距先夹。一早就整好我老公的早餐，一日有三餐焗饭，早上系滚汤+酒，中午系催奶汤，下午4点左右系炖汤，晚上系催奶汤，（之前那个陈姨，居然系一日得一种汤，仲要系全部人都可以饮的，根本就唔会针对产妇煲汤）还有桑寄生或者红枣北芪党参或者炒米水当水饮的，洗面，洗手的水装好晒，每日会加多餐炖汤。我平时只钟意饮汤唔肯吃汤渣，个月嫂好到拿埋D汤渣系我面前，当我系距个女咁，氹我吃，喂埋我吃，话“要吃D肉，先有营养咖，你要喂奶咖”讲真咯，我当时真系好感动的，人哋打份工，完全系可以话之你吃唔吃的，但距做到真系当我女咁，好少人做得到。
我话之前入风，有D好似风湿，距就炒姜加米酒帮我热敷D手同腰骨（敷完超级有效），逼翻D风出哩，距自己的衫都唔敢用洗衣机洗（叫距用，距都唔肯用，用手洗）电视又唔睇，唔系做家务就系煮嘢给我吃凑阿B。阿B的衫，毛巾，距又系用手洗，话快喔！！装汤装饭距都唔给我郁，话容易子宫下垂的，距要帮我装，我净系坐系度就得咖啦，话ED系距的责任。有时候我净系饮汤，唔肯吃渣，距就死氹我，喂埋我吃，好似阿妈咁鬼好，傍晚煲好姜水仲主动话要帮我抹身（咁我当然话唔需要，自己哩得啦）每日帮我按摩个子宫，话排D淤血出哩，帮我挤D奶出来喂阿B，帮我做乳房按摩，而且好主动教我阿B点凑啊，点观察阿B，点帮阿B穿衣服，洗澡唔喊，点喂奶好（之前阿B唔肯吃人奶，每次吃距都会发火会大喊的，但阿B居然系距的调教下，终于肯吃人奶）而且距来佐后，阿B变得好乖，唔会成日扭人抱，问距我哋需要买D咩，距都话无咩要买了，只是觉得我哋之前有D浪费了，就算系买，都是买“送”.......总之我就觉得距唔错咯，唔似之前的月嫂咁强势唔肯听人讲的。月尾，我个月嫂就要走啦，我真系非常唔舍得距咯，我简直现在当做系我的朋友咁。

[ 本帖最后由 something_chan 于 2011-3-18 19:34 编辑 ]

2011/02/11

全部回帖

姚不不沙发

[quote]原帖由 爱吃花甲的猫 于 2011-2-12 10:39 发表

讲真，我觉得楼主很计较。
其实你第一个月嫂好多意见都是为你好的，
你讲的几件事，柜有味，食的野，冲凉的，都是为你好。
现在是冬天，用热水洗手我觉得无乜问题。
而你话她饮头淡汤，好多人都会架，煲多D预埋距 ... [/qu
支持，楼主很计较啊

2011/02/12回复

lxyok板凳

月嫂这么贵，请不起啊

2011/02/12回复

something_chan楼4楼

姚不不:

[quote]原帖由爱吃花甲的猫于 2011-2-12 10:39 发表讲真，我觉得楼主很计较。其实你第一个月嫂好多意见都是为你好的，你讲的几件事，柜有味，食的野，冲凉的，都是为你好。现在是冬天，用热水洗手我觉得无乜问题。而你话她饮头淡汤，好多人都会架，煲多D预埋距 ... [/qu支持，楼主很计较啊

查看原文

哈哈！咁你咪试下几千蚊请个人翻哩，然后对你同你屋企人呼呼喝喝，指手划脚，对住你个仔讲粗口，叫你扔晒屋企D家私，你要霖下，系扔晒D家私啊，要几多钱啊？？？前提系，我屋企D家私无人闻到有味。仲不停要你买血燕，花胶，鹿茸.....但医生系叫你唔可以吃的，但月嫂又要你买，仲要买完，其实系你未饮，距已经系厨房饮头啖汤的感受咯。钱唔系你出的，你当然系咁讲啦，到你用的时候，睇下你会唔会讲得咁口响咯。

2011/02/12回复

something_chan楼5楼

yrtbjc:

我坐完月才发现月嫂对我多么不尽心唉真后悔没有好好了解好的是怎样的月嫂凑BB是不错我也偷师了很多问题对我真是不够好就系想偷懒唉，枉我老爷比多D工资距添了难道系未及时比利是？这个月嫂还是熟人介绍的跟我奶奶也算是同学乡亲真讨厌现在的月嫂拿钱不干活干活又学精人家坐月子多重要就给这么些糟月嫂给蹂躏了公布下：番禺周姨

查看原文

系咯，真系贴钱买烂受啊！！！

2011/02/12回复

zhr02016楼

看来你们都是有钱人啊！都请得起月嫂！我坐月的时候是我妈过来帮我的！不过我妈都照顾都我们很好很好！

2011/02/12回复

hotdoglee7楼

第一个人品都有问题
第二个不错
幸好我请的月嫂很好，像第二个描述的，广州人，才4k5，还懂帮省钱，买猪肚挑路远便宜的市场，赞一个，如果有钱真想让做多几个月。mm有需要可以帮你们介绍啊，好像2月，3月，5月都有订了。

2011/02/12回复

Fiona.fong8楼

看了第一个月嫂,抱抱楼主! 我那时也请了个偷吃的月嫂,我估计吃了十几天"二手花胶汤"(香港买两万几蚊一斤,仲惨!!)哎.... 第十四天发现她偷喝抄了的!后来请的两三个保姆也有问题......现在家里装了防盗摄像头,防盗是借口拉,其实为了监督

真累! 没办法,那些人品德太差了!

2011/02/13回复

janecher9楼

我穷苦人家请不起月嫂,个仔在HK QE出世,我住了3日医院,仔就住左9日心切治疗部,回到家是我爸帮手的,我妈放工回家也帮忙,但很多时爸妈也不是帮得很多,都是靠自己搞掂,放完产假还返了一个月工,是早上返工夜晚回到家还要凑B,返左十几个钟累死了!老公在GZ就舒服,什么也不用做!

2011/02/13回复

kissfatcat10楼

哎，不禁也想起我家的月嫂，心里就咬牙切齿了

2011/02/13回复

carrie_young11楼

姚不不:

查看原文

站着说话不腰疼。第一个明显是人品有问题啦，如果你是楼主花了高价钱换来受气，还能像你说的去做，那我就只能说I服了U！

[ 本帖最后由 carrie_young 于 2011-2-13 01:46 编辑 ]

2011/02/13回复

duoduo200412楼

哈哈，要下岗我就去当月嫂去

2011/02/13回复

杯杯妈妈13楼

呢个月嫂真系乞人憎啊！！！！甘做野都有架，我个月嫂同我话BB既衫最好系要手洗架，妈咪既衫都最好手洗，因为用洗衣机惊有细菌，距系我屋企做左100日，日日都帮BB同我手洗衫，距走左之后我自己都坚持帮BB手洗衫裤，好多野我自己之前买好既距话其实都系没必要既，暖奶器一次都无用过，BB一般好快就食完奶，就算有时系未及时食完既都系倒左唔要既，距话D奶放太耐再比BB食不好