揭露论坛某个月嫂的恶行！！大家要小心选择月嫂！
35703169怀孕妈妈
something_chan在坐月的第17日，终于顶唔顺个月嫂，其实也是万不得已的，毕竟过年，难请人，但以我的脾气还是炒佐距。我真系觉得E个人系月嫂中的败类！刚刚接触的时候，还觉得个月嫂几好的，貌似几专业，在医院6日里面，距都系24小时陪住的，但系医院，其实距都系陪我，无咩嘢做，当然，工资一样要计给距的。每日距就教我老公煲炒米水（后来先知道陈姨根本唔知道炒米水系要用糯米或者糙米炒先最有效对产妇最有营养的，陈姨系要我哋买东北米炒的）瘦肉汁，同姜水加米酒给我，前两样系吃的，姜水系抹身的，而且系住院的时候，我开始涨奶，个胸硬到好似石头咁，摸落去系一块块的硬块，而且大到好似黑美人西瓜咁，笑到我D姐妹咩咁，涨奶果种痛，真系同生仔又得挥，个月嫂都每日帮我用热水敷，帮我开奶，真系痛到眼泪都飚出来。 开始还觉得距几好的，做嘢都好主动，E样系我最欣赏的，从来无见过距点偷懒。不过可能系医院无咩做，距还未露出本性，一出院就多嘢做，距先露出真面目来。到后来，个护士长知道我成日涨奶咁厉害，问我吃过D咩嘢，个护士长就话：“你个月嫂无常识咖咩？明知道涨奶咁厉害，仲日日煲炒米水，瘦肉水给你饮，有无搞错？”出院的时候，距问我拿利是，暗示话要500元以上的，又向我炫耀距以前D客户起码都给1000元距的，又话人哋屋企点有钱，做咩职位的，但后来我都是封左500元给距，距可能嫌少，唔开心，一拿到利是翻到我屋企就黑晒口面。早知道距咁衰，学我D朋友话，应该封100都给多距啦，毕竟在医院果几日，根本得个陪，都唔使距做嘢的，而且来医院第一日起，已经系计紧工资，凭咩嘢要另外再封甘多利是给距啊？
回家后，距就好似突然发神经咁，因为我屋企系新搬入去大半年左右，家私都是新的，距就话我屋企的鞋柜好大阵味，要我老公搬出去阳台，好啦，我老公照做，一阵又话张餐枱有味，又话电视柜有味，又话D衣柜有味，.....全屋都有味，天啊！不如全屋D嘢掉晒距啦，好唔好？我住佐咁耐，一D味道都唔觉得，而且当时我大住肚，唔通我会伤害个BB咩？(后来我请了第二个月嫂同现在的保姆，距地都肯定我屋企系无味道的）又大叫：“搬出阳台咁就得咖啦？咁叫我点住啊？”我直头问距：“你想点啊？全部扔晒距啊？”距就黑口黑面。开始讲说话好毒话：“咁的屋企，得你哋先敢住啊，你个BB无事，你已经执到啦.....”算！！我都忍了。
一来到我家就好似给下马威我睇咁，究竟来打工还是来享福？而去此人把口闹人好毒，成日同我讲距以前D雇主边个衰，个雇主又肥又矮又无钱啊，孤寒啊，之类，又对住我BB成日讲粗口，不过，我都系忍了。而且E个月嫂仲好钟意搬弄是非。成日同我老公讲，话我怕痛，唔想喂人奶喔.....掉转头，又走哩同我讲我老公孤寒之类，一日到黑就搬弄是非！唯恐天下不乱咁，又讲大话，吹水。。。。此月嫂只手矜贵到不得了，洗亲手一定要热水，无论天气热还是冻，做任何家务都要戴手套，手套都唔知道烂左几对，又话我买的手套CHEAP之类，天啊！我买的手套都是思高牌的，咁都叫CHEAP啊？你只咩手啊？整烂咁多对手套。之后每次做完家务都一定要搽润手霜，咁ED嘢，系人地的事，咁我都系多口讲句嗟！距吃亲肉都要新鲜，每次吃猪肉都要我们买一号土猪的，鸡又要靓，要买25元斤以上的鸡，咩都要好的。距规定一定每餐有两日一菜一汤给距吃，否则距就唔做。真系唔知道距坐月还是我坐月了。每日还不停指挥我老公做E样做果样，好似我老公系工人，距系主人咁，不过，我都忍了。
过佐两日，就要求我哋买好多嘢，阿B的衫多到成柜都系，距居然话唔够，一日到黑要我买衫，（后来第二个月嫂来，个月嫂都吓佐跳，话距痴线的，买咁多衫做咩？几件就够了，买成柜？）奶粉我买的是美赞臣，距又话美赞臣唔好，不停要我买明治。其实本身我屋企已经有好多燕窝，血茸，阿胶，灵芝.....而且都是我老公去采芝林买翻哩，无论价钱质量都好唔错的，但个月嫂话唔够，要我老公买血燕，血茸也都唔够，要再买，阿胶要买一大块的，又要重新买过，又话要隔日炖花胶猪手汤，当时我就话啦，唔使隔日煲花胶吧？距好强势话，要！咁无办法啦，我老公娜娜声去TASTE同采芝林买，距话要买咩，我老公就买咩，买的花胶成900元一斤，个月嫂一阵就帮我煲晒距，而且好几次我无意中入厨房扔垃圾的时候给我撞到个月嫂系厨房饮花胶汤，仲要系头啖汤，讲真，我并唔系小气到一碗都都唔肯给距饮，而是距做嘢太鬼鼠，唔得光明正大，一D都唔尊重我。当然，我都相信距肯定有吃燕窝之类的，有时候霖霖下，究竟系我坐月需要吃，还是个月嫂想吃？炖的冬虫草幸好是原条隔水蒸，成条咁吃的，开头我老公还成合冬虫草放系屋企个密实箱任距拿去蒸，后来我觉得原来越少，我索性放翻入自己间房算了，点知道距偷左我几多啊，唔通我每条去数咩？但就系觉得好唔抵咯。你话我孤寒，我都系咁话的，我已经咁多钱请距翻哩。
我无法忍受距的行为有，每次喂完BB一个奶瓶，就放落消毒器，一个奶瓶就消毒一个小时（因为消毒器带烘干的，都是一个小时）我觉得好浪费，我就同距讲，我家有7个奶瓶，等喂BB多几个先消毒，费事浪费电，距话唔得，哎！算数啦。距话BB要用BB专用的衣物柔顺剂，OK，我老公去买，结果，在我家11日，用佐我2支蓝月亮BB专用洗衣液，一只贝亲的衣物柔顺剂，用了2支大人的蓝月亮洗衣液，洗衣粉一包，我真系好难相信11日会用到咁夸张，距究竟系点用的？系用还是倒啊？痴线咖，讲出来都无人信。屋企的大人，BB洗衣机一早就同时开，一日开N次，一两件衫就扔落洗衣机洗，两部洗衣机未停过。我家的暖奶器24小时开住，后来又话暖奶器唔得，要我哋买多个调奶壶，要方便距做嘢，油丁机12个小时开住，冲凉再加暖气机再开，消毒器基本上2个小时开一次，距话阿B拉屎洗PP一定要用铁观音绿茶叶洗，OK，我老公马上去买，后来给D朋友笑，话我个仔真系娇贵，用铁观音来洗PP，一个小时就帮阿B换一张尿片（后来第二个月嫂话根本就唔应该每个小时帮阿B换片，因为会影响BB的睡觉质量的，起码都应该3个小时先换，又浪费）...........我BB冲凉，买次都惊到抽晒筋咁，大喊，我作为阿妈，肯定好心痛，我话：“换第二种姿势帮距冲啦。”距话：“唔得，要距习惯的，越系惊越要距克服。”（后来第二个月嫂，包括我自己同阿B冲凉，都从来无喊过，我先明白系那个陈姨连帮BB冲凉的手法都好有问题）。
距每日一早要我吃当归焗饭，我话唔想吃，当归好燥热，我都咳嗽了，距话：“唔得，一定要吃”。我话天气太冻，冲凉后唔好帮阿B按摩啦，怕冻亲距，距话：唔得，一定要！！我心霖，冻亲点办啊？得不偿失啊！距煲艾叶姜水加酒给我抹身，我话唔落艾叶好唔好？怕体虚，距又话唔得，D亲戚朋友话想抱下BB，距话人哋D衣服有菌，唔得！唔通要我D朋友亲戚带套衫哩换咩？傻咖距！每次有朋友来，都黑晒口面。叫距教我点凑阿B，距话唔需要学住，等坐月后拉（其实当时距怕教识我，我炒距）结果咩都唔肯讲，就连问都唔答你...总之太多问题，我接受唔到，我提出的意见，全部都话唔得，好强势的月嫂。最后，顶唔顺，我同距吵了几距，距话想走，我听到几开心啊，马上结数给距走啊。
第二日一早6点几，距居然还好意思打电话给我，话想翻哩做，话怪距自己一时冲动，我话我已经请佐人啦，距就不停同我讲，E家出面D月嫂都唔够距专业的。。。不停咁讲到全广州得距一个最好咁。我当然无理距啦，我心霖，E个人的人品咁有问题的，又成日讲大话。早知就应该一早赶距走。而且距成日话距自己屋企好穷，又当住我BB的面好狠毒咁咒距老公果边D屋企人，又话个老公又无野做，出面又搞女人...他们全家每个月都拿低保的，我有时候见距咁可怜，我就算啦，忍下距。最后先明白咩叫“可怜之人必有可恨之处”。
后来先知道E个陈月嫂，好多基本的知识都唔识，我真系唔知道距点考个月嫂证翻哩的，够胆死，我出院的第二日就日日用当归焗饭给我吃，又要我吃姜醋，我都觉得好奇怪，点解每次吃完后，会多佐咁多血，后来几个医生都话我个月嫂痴线的，淤血未排出，系唔可以吃当归，姜醋的，会造成大出血的。NND！！还炒西洋菜，给茄子我吃，个医生都话，西洋菜咁寒凉，产妇系唔应该吃的，茄子系回奶的，每日要我老公去TASTE买进口的奇异果，一定要进口的喔，距话国产的唔得，还要我老公买车厘子，后来先知道其实系个月嫂想吃。连个医生听到都话个月嫂好过分，E个咁的月嫂连ED咁基本的嘢都唔识，学咩人做月嫂？
后来稳朋友，距介绍佐新的月嫂过来，我先觉得舒服好多， E个月嫂就平过之前的月嫂，6000千26日（过年三日要加双工），惠州人，说话温柔好多，我提出的疑问，意见，距都接受，也会同我分析，更加唔会一日到黑要我哋死咁买嘢。个人好悭果种，吃饭只吃青菜，肉都唔夹，系我哋死要距夹，距先夹。一早就整好我老公的早餐，一日有三餐焗饭，早上系滚汤+酒，中午系催奶汤，下午4点左右系炖汤，晚上系催奶汤，（之前那个陈姨，居然系一日得一种汤，仲要系全部人都可以饮的，根本就唔会针对产妇煲汤）还有桑寄生或者红枣北芪党参或者炒米水当水饮的，洗面，洗手的水装好晒，每日会加多餐炖汤。我平时只钟意饮汤唔肯吃汤渣，个月嫂好到拿埋D汤渣系我面前，当我系距个女咁，氹我吃，喂埋我吃，话“要吃D肉，先有营养咖，你要喂奶咖”讲真咯，我当时真系好感动的，人哋打份工，完全系可以话之你吃唔吃的，但距做到真系当我女咁，好少人做得到。
我话之前入风，有D好似风湿，距就炒姜加米酒帮我热敷D手同腰骨（敷完超级有效），逼翻D风出哩，距自己的衫都唔敢用洗衣机洗（叫距用，距都唔肯用，用手洗）电视又唔睇，唔系做家务就系煮嘢给我吃凑阿B。阿B的衫，毛巾，距又系用手洗，话快喔！！装汤装饭距都唔给我郁，话容易子宫下垂的，距要帮我装，我净系坐系度就得咖啦，话ED系距的责任。有时候我净系饮汤，唔肯吃渣，距就死氹我，喂埋我吃，好似阿妈咁鬼好，傍晚煲好姜水仲主动话要帮我抹身（咁我当然话唔需要，自己哩得啦）每日帮我按摩个子宫，话排D淤血出哩，帮我挤D奶出来喂阿B，帮我做乳房按摩，而且好主动教我阿B点凑啊，点观察阿B，点帮阿B穿衣服，洗澡唔喊，点喂奶好（之前阿B唔肯吃人奶，每次吃距都会发火会大喊的，但阿B居然系距的调教下，终于肯吃人奶）而且距来佐后，阿B变得好乖，唔会成日扭人抱，问距我哋需要买D咩，距都话无咩要买了，只是觉得我哋之前有D浪费了，就算系买，都是买“送”.......总之我就觉得距唔错咯，唔似之前的月嫂咁强势唔肯听人讲的。月尾，我个月嫂就要走啦，我真系非常唔舍得距咯，我简直现在当做系我的朋友咁。
[ 本帖最后由 something_chan 于 2011-3-18 19:34 编辑 ]
2011/02/11
全部回帖
sugaranne
yanling100
我个月嫂都系MW介绍的！希望五会甘拉！2011/02/13回复
桥桥
6 
舟书灵
兰欣妈妈
牵牛妈MI7楼我也有同感，请一个好月嫂和请一个好保姆都并非容易的事情，所以一直都非常羡慕有妈妈或家婆帮忙的新任妈妈，如果有自己人帮忙，哪怕不是很熟手，那也是一万分放心的事。我觉得楼主，已经是非常幸运了，因为第一个月嫂不满意，但可以再次请月嫂时，已经遇到合自己要求的人选了，所以，也做到新年如意，心想事成了。
2011/02/13回复
林静儿
真真可爱
maishuyi10楼我以前个月嫂就好似宜家你第二个咁好啦，又好倾。宜家我仲成日打电话比佢。
LZ你都系，keep住同呢个月嫂沟通，以后BB有咩问题可以稳翻佢啊，售后服务嘛，呵呵
LZ你都系，keep住同呢个月嫂沟通，以后BB有咩问题可以稳翻佢啊，售后服务嘛，呵呵
2011/02/13回复
JESSIE200211楼希望我请的是好月嫂.
2011/02/13回复
大兔子妈妈12楼sam_pan:
我的月嫂是朋友介绍的,湛江人,第一天晚上十点多到的,第一时间就是教我按摩挤奶等我家女儿刚满月了,我基本上没抱过,只要一哭,阿姨就会过来,其余的时间就是给我做吃的,只要我吃得下,一天至少5顿,还有卫生等等,很勤快,我基本上除了吃就是睡,家里人也只是买菜,晚上也是阿姨搞定阿姨做过护士,还有一些民间习俗偏方,不过都会事先征询我的意见,再实施.有阿姨的话,好好养一两个月,养好身子,以后的日子还长呢 有意可以先站内短我,不在这里公布电话,免得有托的嫌疑
查看原文留用~
2011/02/13回复
colourh
taotaoliao14楼something_chan:
你知道有句话叫“得寸进尺”吗？有时候你对人好，人哋未必对你好的，自问我能容忍距10几，已经系好好咖啦，如果距唔系一直都同距讲，距屋企有几穷，好等钱使，我出院就已经炒佐距啦，因为我本来同距讲好请2个月的。距要我老公买的嘢，我全部都买齐，距话要吃乜，我就买乜，我仲对距唔好啊？你咁叻，你哩咯。我最憎D人鬼鬼鼠鼠，做嘢得得光明正大的！好明显啦，楼上有几个人，咪就系果个月嫂的亲戚咯，之前响度死咁宣传话距几好，结果呢！咪就系咁个款咯。D人太假啦！
查看原文我都认为系识得的lor，因为呢张贴8页啦，都系得距支持茶叶的讲法..............
如果茶叶系得的，点解医院5开啊？我5否认有偏方，但起码都系草药水啊？点解系茶叶啊？
简直就系 生草药---yun得就yun
[ 本帖最后由 taotaoliao 于 2011-2-13 22:49 编辑 ]
如果茶叶系得的，点解医院5开啊？我5否认有偏方，但起码都系草药水啊？点解系茶叶啊？
简直就系 生草药---yun得就yun
[ 本帖最后由 taotaoliao 于 2011-2-13 22:49 编辑 ]
2011/02/13回复
babynono
爱吃花甲的猫16楼我真系好郁闷！
随便入个帖子讲几句，居然就有几个人话我识得个月嫂。
至于我认为茶叶洗屁股得，是因为我仔仔试过红屁股，洗左再茶擦金霉素真系得。
而介绍我用的，是儿童医院保健的医生。
难道个医生又系月嫂亲戚？
我只是认同个月嫂的某些观点，就话我识距，
甘呢度所有赞自己个月嫂保姆好的人，是不是都是托啊？
我见楼主甘嬲，我举几个例子来开解一下，就居然比攻击。
我讲的都是心里话，如有得罪，请你谅解。
随便入个帖子讲几句，居然就有几个人话我识得个月嫂。
至于我认为茶叶洗屁股得，是因为我仔仔试过红屁股，洗左再茶擦金霉素真系得。
而介绍我用的，是儿童医院保健的医生。
难道个医生又系月嫂亲戚？
我只是认同个月嫂的某些观点，就话我识距，
甘呢度所有赞自己个月嫂保姆好的人，是不是都是托啊？
我见楼主甘嬲，我举几个例子来开解一下，就居然比攻击。
我讲的都是心里话，如有得罪，请你谅解。
2011/02/13回复
昊萱200817楼我坐月时也是请了个A级月嫂，这个月嫂很勤力，帮我炖汤煮五更饭，有空时她还会做下家务，我们叫她吃水果零食，她都不吃，叫她多喝碗汤，她都说不用。我坐月时生了“风团”，她不会嫌麻烦地帮我煲药。她坚持每天帮我仔按摩，也用手帮仔洗衫仔。幸亏我请的月嫂也是不错的。出了月子，我再请了她几天就没请了，我就回妈家，我也很享受自己带仔的过程，在过程中会慢慢学会如何凑好自己的宝宝。。。
楼主第一个月嫂确实有些地方做得不太好，一两件衫就扔落洗衣机洗，仲要话买呢样果样血燕花胶大大块，消毒器两个小时开一次。。。有的地方做得好，就是坚持帮宝宝按摩。楼主好彩请到第二个好月嫂，呵呵。
我谂妈网那个妈妈推荐的第一个月嫂应该不是托，不要拍我呀。
楼主第一个月嫂确实有些地方做得不太好，一两件衫就扔落洗衣机洗，仲要话买呢样果样血燕花胶大大块，消毒器两个小时开一次。。。有的地方做得好，就是坚持帮宝宝按摩。楼主好彩请到第二个好月嫂，呵呵。
我谂妈网那个妈妈推荐的第一个月嫂应该不是托，不要拍我呀。
2011/02/14回复
michelle803338something_chan:
我现在这个月嫂我觉得超级好啊，为人好细心，讲嘢非常温柔，特别会带小朋友。屋企全部家务都系距做的，连我老公D衫裤都洗埋，一日拖2次地。我D朋友话我个月嫂简直就系月嫂+钟点工啊。距日日都同阿B讲嘢，我觉得好奇怪，每次阿B喊到咩咁，我同老公都搞距唔掂的时候，只要一到月嫂的手，阿B就会慢慢安静落哩，听月嫂同距讲嘢。我之前个月嫂，一到下午就睡觉，我现在这个真系勤力到下午都唔睡觉。净系煲水给我冲凉，都要煲4煲水，洗头的话又要煲2煲水，要睇火，所以距都唔得睡觉。觉得距都几可怜咯！
查看原文那真的很少有哦，很多月嫂都唔会帮手做其他家务的，只负责照顾产妇同个BB
2011/02/14回复
小恺恺
