帖子详情

充满剧情的孕期+顺产记

584678怀孕妈妈

     宝宝宜家已经一岁了,之前一直想写篇日记记低我哩个极品孕期,但由于本人实在太懒了拖到宜家先写。
     2011年11月3号系我最后一次黎M,因为我地系计划内怀孕,所以我一直都有验孕(由于比较心急未到日子就经常去验,所以浪费好多试纸)
     2011年11月4日6点我起身去厕所,好顺手甘拿张试纸验一验(但结果都未显示我就去训觉了,因为太眼训,随手将试纸放左系洗手盆)。跟住好奇怪我发梦验出来系有左,一咋醒发觉原来系发梦,心霖系咪想要BB想到颠左呢。跟住我去睇洗手盆既试纸,隐约见到有两条红线,原来真系中奖了。但由于颜色比较浅我同LG都商量先五讲比老人家知先,免得空欢喜一场。接住落来我地每日都有验试纸,颜色一日比一日红。由于我地屋企系做装修材料既,老公怕我容易流产叫我孕期都五比返工(因为我系半年前试过一次三个月胎停,当时对我打击非常大)。所以我就开始左我个悠闲既孕期了。
     大概5周既时候,我LG同我去医院验血,医生话我孕酮低,跟住叫我卧床同打孕酮(当时孕酮才10几啊,话好可能个BB无发育),跟住要我隔一日抽一次血验孕酮,好彩BB都比较争气,每次都有成倍成倍既增长。
        过左一个星期到,恐怖既旅程就开始了,我见红了7。开始只系分泌物有一点黄(因为我试过胎停紧张得没睡过一日好觉)跟住就越来越深了,还伴有肚子痛(期间我一直有看医生和卧床),由于一直没有好转,我改了另一家医院看(广东省中医院)。记得果日我地6点几钟就打车去医院(你知道大医院果个人山人海啦,五早D去惊挂五到号)。七点钟开始挂号,所有专家都比人挂满晒。我同挂号既工作人员讲明我既情况,距叫我上去稳医生加号。当时我肚痛感觉到有野流出来,我好惊甘跑去稳医生,问距可五可以加号,距面无表情甘同我讲:“等我睇晒所有病人先睇吓加五加到号”(等你睇晒所有先决定,有无医德啊??加就加,五加可以直接讲,我地都系病人,点能够甘对待呢??)我当时满眼眼泪甘走出门口叫我LG帮我挂个普通医生号,我怕等五切。由于肚痛一直持续,我觉得好惊,等左十几分钟就好似等左几年甘。到我了,我同医生讲明情况,距叫我徐裤比距睇睇同照B超。距叫我照阴道超,我即时表示反对,因为已经见红仲要刺激阴道好容易继续恶化。跟住医生开左B超比我,当时我怀孕6周+。等左2个几钟终于轮到我照B超了。我就好似一个囚犯系度等紧宣判甘,好惊,脚都震晒甘入B超室。医生系我个肚扫左几吓跟住就话发现孕囊,有心跳膊动,相当于5周+(我当时就系度霖,我BB真系好坚强啊,5周+已经有心跳了)。我即时成个人松晒,BB无事。然后我拿住结果比医生,医生叫我继续打针同食安胎药(安胎药系中药同阿胶)。晚黑LG即刻煲左比我饮,可能系心理作用,我饮左觉得个人放松晒,肚都无甘痛。
       第二日LG返工后我觉得肚又五舒服,跟住自己煲药饮,饮完两小时后肚越来越无舒服(感觉似来野来五出)。下午5LG即时话:“我老婆唔怕抽血架”(事后LG细声同我讲,话个实习医生想吓死人咩,以为距讲个BB已经无左添)第二日一早抽左血,跟住9点后又照左B超(BB好坚强咩事都无)。跟着的故事就是,我换左间房,识左一班孕妈,仲识左一个好朋友先(名字不公开,亲爱的,你懂的),但我一直都无原因咁见红(白带变成黄黄既),每天都2支针(途中孕酮和激素还下降,住院20天再照左一次B超)。B超医生同我讲无名出血可能是因为我有子宫纵隔(我的天啊,是什么玩意啊~~)仲有可能孕后期流产同要剖腹产(哩个时候我只霖紧就系BB可以健康成长就ok了,剖腹产都唔紧要了,虽然我内心系一直想顺产既,好彩BB一直坚强成长,感恩)。系医院既日子我简直度日如年,因为我要卧床(妈咪担心我再出鲜血,一直唔比我起身,唔比我冲凉洗头,而且仲比我练就左一身好武功,训住吃野同饮水2)LG嘛~~~其实真系要衷心感激距,孕期担惊受怕而且完全吃唔落野(由原先100斤,瘦到97斤,而且维持了三个月体重不变,直到4个半月后先有胃口。)距唔识煮饭都每日煮D汤同饭比我,仲要帮我每日抹身,仲要比我做出气筒。就系咁我系医院一住就住左1个月7,晋升为院长两边PP变成士多碑梨(成60个针洞)。后期我转左吃中药,需然无全部止血,但都越来越少了。由于已经年27了,我又不停咁叫医生比我出院,终于年28出院了。但医生千叮万嘱要卧床,所以我妈咪叫左我细佬过来照顾我(当时距放寒假)。哩个平时衣来伸手饭来张口既大少竟然过来照顾左我个几月,不枉我平时对你咁好啦。而且出院后奇迹般既止血了,哇哈哈哈~~~~~~~
       终于过左三个月了,自己感觉个BB好似安全晒咁,我开始起身走动,自己简单煮煮饭了,但仲未敢出街。大家咪以为故事结束啦,都话系剧情般既孕期架啦。我发仔瘟了(医生系咁形容既话有D人陀仔系会无澄澄咁晕,我仲试过差D系市场晕低,好彩我细佬系度,即刻抱住我)。我无澄澄晕到好似耳水不平衡咁,起身晕,训低晕,坐住晕,转身晕,反正就系晕完又呕,呕完又晕就系了,辛苦到我死啊!睇医生,医生都无从入手,只能帮我吊营养针,就系咁我晕左一个星期自己慢慢好翻。
      16周啦,我一早就被肠挪动整醒,跟住就好似平时咁去便便。剧情高潮又黎啦,我肚痛又屙唔出,引致到频密既宫缩,肚好痛,成个肚分左两截,简直感觉到痛到好似有对手推紧我BB出来咁。老公即刻抱我落楼开车送我去医院,去到医院老爷比电话安慰我,我惊到喊到全身不停咁颤抖,讲野都讲唔到。医生见我痛得咁紧要即刻就比左粒孕酮我吃(由于当时送院比较急,乜都无拿到,我竟然要问医生拿个验尿既杯黎饮水送药医院竟然无一次性纸杯)。我又入院了,系安排床位果一刻我个肚突然又唔痛了,而且还可以去屙便便了(BB系度同我玩吗??)就系咁我又系医院度假左10日,何谓度假,因为我基本无唔舒服,就是有时会有轻微宫缩(经过中医调理后,之后都无哩个现象,非常感激红会既吴笛,我同距非常有医源)就卧床左10日了。
      10日后我终于出院了,但错过了两个号兄弟既人生大事(无得去饮)。之后既日子都比较顺利,由于经常上网,认识左一群好妈友,仲经常网上血拼(比LG话我有网瘾,中毒太深)。期间我每日爬楼梯、买送、煮饭、同LG散步,时间过得好快。
      一直到36周+产检,医生话我BB下盆了,预计BB会提前出世。我预产期是8月16号既,距话有可能会8月头就出世。LG嫲嫲听到话可能会提前就即刻搬黎同我住(本身我地静系得两公婆住既),话照顾我哦(嫲嫲当时已经87岁了)。我话唔使啦,距又唔识字,而且又咁大年纪,我屋企又系楼梯楼我唔想距咁辛苦,但距坚持一定要过来陪我(嫲嫲其实好锡哦既,需然唔系我自己亲嫲嫲)。由于我两公婆都系不折不扣既懒虫,嫲嫲黎到周围帮我搞卫生(嫲嫲超爱干净)。
     平静既日子过左两日。中午嫲嫲叫我帮距拿张止血贴(我当时系房准备训午觉),我即刻问距介亲边度(原本以为距可能系刀仔介亲吓)。一出房门望厨房差D吓到跌亲,成厨房都系血(起码有150ml血系厨房地下,由于老人家感官反应迟钝,几时整亲距都唔知,地下既血已经凝固到好似猪红咁)。跟住我行去稳药,点知成厕所都系血,原来整亲既第一现场唔系厨房系厕所,因为距无着鞋坐系厕所洗衫,滑亲踢到凳仔介亲脚距都唔知。脚面起码有5-6cm长既伤口。我紧张到即刻稳我LG,距岩好去左拿货翻唔到黎,我话带距去医院睇距又唔肯,跟住我担伞落楼下去买纱布同消毒水(果日台风落暴雨)。我急急脚买左就返去同距包扎,好彩嫲嫲复原能力好,一阵就止血了,不过就有D肿,但距仍然坚持唔去睇,我无距附唯有扶距上床训住。
      夜晚大家早早都训左教,突然半夜1点几我觉得肚痛,我就去厕所便便,跟住又上床训翻。半个钟后,我又觉得肚痛跟住我又去便便左一次。跟住就训唔着了,硬系觉得个肚罗罗挛。再过左半个钟,我觉得肚开始有D痛,我拍拍旁边训到猪一样既LG,'我可能要生了!"距话:“有排啦,仲有3个星期先到预产期”。我话:“唔系呢,我觉得我真系想生啦,你快D煮野比哦吃。”跟住距即刻蒸包同装左碗粥比我(大家一定好好奇大半夜边度黎碗粥啊??其实D粥系我训觉前按着电饭煲煲既,霖住第二朝做早餐既,而且当晚咁岩仲洗埋头先)。我吃左一半就想呕,跟住发微博话肚痛。我同学问我几耐痛一次?天啊,当时2点15分,我竟然15分钟痛一次,而且越来越痛,痛到想呕。跟住我打电话比妈咪,距话我第一胎应该无甘快,睇吓挨唔挨到天光去医院(我无见红,无穿羊水)。凌晨4点几我痛到2-3分钟痛一次,跟住我入房同嫲嫲讲话我肚痛,距问我几耐痛一次,我话2-3分钟痛一次,距叫我即刻入院,怕我随时会生。我用左起码10几分钟先落到楼下(平时最多一分钟既路程),老公即刻车我去医院睇急诊。落车好搞笑,老公想抱起我,但我痛到虾米咁,距无从入手,最后都系担架床来先得,而且当时我有126斤)。
     凌晨差唔多5点, 办理入院后我被推倒胎监室,本来入院时1-2分钟痛一次,戴上胎监带后竟然变翻5分钟痛一次(当时LG仲话觉得我应该唔系好痛)。跟住值班医生安排左我去母婴室,我马上跟医生说我想顺产但之前怀疑我有纵隔,距话唔一定可以顺产,要等主诊医生翻先知,我顿时感觉失落万分。不得不提就系哩两个几钟系我最难挨既,肚好痛、又想呕、又想屙、又肚饿,仲要比人安排左去加床位,想按铃都无得按,又唔敢出声,旁边训住既全部系岩岩生完既妈妈同BB。屋企人仲要唔比入去,我顿时觉得孤立无助,只能够一直打电话比妈咪同LG,但由于太痛无办法讲野,只能深呼吸。医生话一阵会有姑娘帮我指检,我等啊等,直到7点几先有姑娘帮我指检。指检后开一指,跟住见红(允许我爆粗吓,NND痛左咁多个钟先开一指,OMG)。
      挨啊挨,终于挨到9点,我既主诊医生上班(系红会唯一一个产科男专家)。跟住距后面既有男男女女几个实习医生(哎,又要做试验品了)。主诊医生一检开左三指(需要系宫缩既情况下检查),跟住又叫一个女实习生来试检(痛死人咩)。之前听人讲话红会无陪产既,一直都唔敢问医生,但当时由于太痛,我鼓起勇气同医生讲,问可唔可以比我LG陪我生,我惊我坚持唔住,跟住距一口应承“ok!”真系喜讯啊,我马上打电话比门外等候既老公,跟住我就艰难咁行出产房同距会合。(另外提一提,陪产超抵啊~~先15蚊咋~~哈哈)
     9点半,终于入产房了,每人独立一间房,好干净,里面有一张产床。产房系开住门既,可以睇门外既助产士。助产士非常温柔,知我痛仲教我LG点样帮我按摩缓解痛楚,又教我点样可以加快产程。由于我无穿羊水,我可以随处走动。助产士教我系产床旁边走动,痛得时候可以趴系量BB身长既台上面。但越来越痛,LG既按摩一D都唔起效,LG开始喂我吃朱古力,但我一吃野就想呕,无办法吃得落,为左增强体力,LG又开左只宝矿力比我饮,哩样我可以勉强饮得落,因为当时好口渴。
     10点指检3指半,我即刻叫助产士帮我叫医生,我话我想人工破羊水,我要快D生(霖起当时都觉得好笑,一味叫医生快D帮我破羊水,一个钟头叫4-5次。其实可能未开够指唔可以甘快人工破,所以医生迟迟都唔来我度)。
     11点15分,医生终于率领实习大军一齐入产房了,跟住大家都知点架啦,我又被做破羊水试验品了,呵呵。一个针头物放入下体一刺,一股暖流流出来,医生捧起羊水话好清晰可以继续生。我猛问医生几时出力,我想快D生,跟住医生问我系咪真系想快,我猛话系,然后距施展距既绝技,帮我拨开宫颈(因为我当时宫颈软化得非常好,仲差小小就开齐指,距就帮我轻轻拨左几下)跟住助产士教我点样用力,叫我试下,我一用力(平时我都比较好力),距即刻话用岩力,一阵再试多次。我试左两次助产士就话见到BB头发了,助产士叫我唔好用力住,话帮我打麻药同侧切。大概过左2分钟,助产士话可以用力了,我用尽全力一谷(可能我太大力,助产士叫我唔好太大力)跟住BB就出来了,助产士马上叫我唔好出力住,要吸痰。跟住吸完痰叫我再出一下力就出来了。如果过左大概5分钟就进入第二产程,将个胎盘“生”出来。不得不提我又一次悲催了,胎盘残留左一只手指咁粗10cm咁长到系子宫!跟住,我被清宫,由于当时麻药无完全过都唔算太痛。最痛要讲缝针(由于用左大概10分钟清宫,麻药慢慢开始失效,感觉像生缝咁,劲痛)与拆线(由于我想伤口快点康复所以我选择左用要拆既线),建议大家用美容线,虽然康复期长小小,但唔使受拆线之苦(拆线我感觉比生仔仲痛)。             人工破水后既半个钟我个可爱王子就出世了,6.14斤。虽然我目标系想距过7斤既,但距离孕产期仲有21日哩个重量都算唔错了,非常感激上天赐我如此健康可爱既BB比我,赐我一个温暖既家,感恩。
        写左成晚终于将哩个艰辛既怀孕过程记录低了,希望可以鼓励一D系怀孕过程中预到困难既准妈妈。我咁极品既孕期都能够渡过,无咩事系无可能既。
     人生满希望,前路由我创。
      加油!!各位准妈妈同现妈妈!!!!2
     水平有限,请各位妈妈见谅~~

     PS:哩度要提一提各位打过黄体酮既妈妈,打针后一定要热敷,因为黄体酮属于油剂非常难吸收。如果吸收得唔好就会结硬块。我当初由于打左60针PP都系非常软既所以掉以轻心左(打针期每日都有热敷,过后就无敷过),D针水竟然系两个月后先开始发作,结左两个大硬块,系大啊,我用左几个月几时间先将距搓散左大部分。宜家生左一年都依然有小小硬块。医生当时话黄体酮如果唔搓散距,会有机会发炎,跟住要做手术架,所以千期唔可以懒啊美妈们~~
     
2013/07/28
全部回帖
实在是惊险刺激万分,妈妈太伟大了,BB要健康成长大个锡翻妈妈。哈哈,楼主写的好好。
  该信息来自[广妈Android客户端]
2013/07/28回复
妈妈真的是太伟大了。
2013/07/28回复
顺产十分好啊~~~羡慕羡慕~~
2013/07/28回复
恭喜楼主呀!!写得好详细!呵呵。谢谢分享。
2013/07/28回复
伊月雪儿:
恭喜楼主呀!!写得好详细!呵呵。谢谢分享。
查看原文
不客气,大家分享分享而已
2013/07/28回复
妈妈好伟大呀。医生果阵有没话条裤黄黄既系乜呀。我都系黄黄既。不过就系没肚痛
2013/07/28回复
GZ小胖妞:
实在是惊险刺激万分,妈妈太伟大了,BB要健康成长大个锡翻妈妈。哈哈,楼主写的好好。  该信息来自[广妈Android客户端]
查看原文
多谢美妈既祝福~~~希望BB长大识得感恩
2013/07/29回复
xiaoqiong8:
妈妈真的是太伟大了。
查看原文
世上只有妈妈好,全天下既妈妈都好伟大
2013/07/29回复
pigpig1:
妈妈好伟大呀。医生果阵有没话条裤黄黄既系乜呀。我都系黄黄既。不过就系没肚痛
查看原文
黄黄地既其实系血黎架,距系里面有小量出血,慢慢随住分泌液流出来,所以就会系黄黄地或者暗红,哩D属于陈旧性血。
2013/07/29回复
waraame:
顺产十分好啊~~~羡慕羡慕~~
查看原文
你都可以尝试吓~~如果孕期有适当既运动其实都好容易生既,不过前提条件吓一定要指标合格,一切以BB安全为大前提。祝美妈顺顺利利~
2013/07/29回复
高潮起伏,妈妈真伟大!
2013/07/29回复
charmaine1980:
高潮起伏,妈妈真伟大!
查看原文
见笑了
2013/07/29回复
好辛苦…话说红会陪产好便宜,中二要500哦,翻了三十几倍的价格
2013/07/30回复
好勇敢的麻麻
2013/07/30回复
伟大的妈妈
2013/07/30回复
2013/07/30回复
我只能说实在系太刺激了~~~~佩服啊,伟大的妈妈
2013/07/30回复
TweiggyTweiggy19楼
2013/07/30回复
妈妈真伟大,我怀孕时也是孕酮低,医生直接否定,连保胎都不给,吓得我要死。有时候医生太无情,让人很生气。 (来自手机端的回复)
2013/07/30回复
猜你喜欢

NO.652【第四届装修日记大赛】[卜筑因自然] 60方二手房清淡小居改造记

*~海珠区妇幼顺产分享及产后瘦身记

(完整篇)分享人民中市妇幼的无痛分娩生产记

【cherry-chaner的生产记】广医三(市二)几乎处于空腹饥饿状态的顺产记 + 产后复查情况

广州市越秀区妇幼保健院(越秀孕校)产检建档信息汇总

子宫肌瘤孕妈坚强怀孕记(宝宝已出生并附照片)

热点推荐

女神节专属!广州多个景区爆半价优惠

交响乐团少年班招生竞考 带娃一路闯关

三个月未放款 被通知排队抢放款名额

全职带俩娃 职场上付出很多离开太无奈

特长真的没用?娃棋类比赛拿不少奖

芳村老字号大排档 白切猪手肥而不腻

本职工作外杂事太多 感觉坚持不下去

线上买菜一蚊一条鲈鱼 到手还在游水

4岁半的娃一上幼儿园就生病 愁!

零彩礼一万办酒席 公婆还偏心叔仔!

游大湾古建筑群 感受古代人民的智慧

卫浴太小 即热式电热水器成唯一选择

夫妻共有财产 离婚如何过户到另一方

查看更多热点 >

回帖