介绍一下广园新村入面嘅幼儿园性质——公办、民办、半公半私办

1201837幼儿园早教

住喺广园新村里面，周边嘅幼儿园的确唔少。
公办幼儿园：景泰一幼、二幼、广园幼、景泰一幼（景泰名苑）分园呢四间；
民办幼儿园：广园三幼；
半公半私办幼儿园：百事佳幼儿园，华兴苑幼儿园

公办幼儿园，顾名思义就係由教育部门统筹办学嘅幼儿园，每年小班招生，必须优先该幼儿园属地的小区业主子女，剩余学位通过摇珠分配。托费按该幼儿园评定的级别而按物价部门指引去收取，而且会公示喺幼儿园正门旁边。就我所见，呢4间公办幼儿园都係区一级幼儿园，保教费是485元/月，伙食另计。一次性费用（校服、书包等）不清楚。景泰一幼（景泰名苑）外观感係最细，总园就比较大。

广园三幼，民办幼儿园，私人老板经营。有良心的私人老板除了讲求收益，也会关注小朋友的成长环境等，会注重师资。公示收费是1240元/月，伙食另计，一次性费用（校服、书包等）不清楚。而且听讲呢间幼儿园入园之后仲有“课程费”，所谓“课程费”係与“兴趣班”唔同，係必须要报。收得最多嘅小朋友係附近批发城做生意嘅、没广州户口嘅人。1月份就开始预登记，然后登记时会同你讲：“我哋4月份左右会有个亲子班，到时留意电话通知。”但我一直都没收到任何电话。5月21日开始门口派号，排喺我后面嘅家长话，佢有收到电话通知上亲子班，一共办咗两期，每期收1千元左右，利用周末带小朋友去幼儿园上课。而且上亲子班时，老师有暗示佢哋係会优先录取。呢次一共派咗289个号，从中选50个，唔知幼儿园点选。独立园舍，但幼儿园环境比较陈旧，有个小操场，但没铺胶垫。

百事佳（实验）幼儿园，半公半私幼儿园，按公办园收费，但不属于教育部门统筹办学嘅幼儿园，背后依然係私人老板。而百事佳背后嘅私人老板係广园小学。百事佳业主及广园小学职工子女优先录取。公示收费（但係係贴喺幼儿园入面，喺外围根本睇唔到）485元/月，伙食另计。一次性费用（校服、书包等）不清楚，会有兴趣班。同样係派咗200几个号，但去面试时听到只录取5人！没错，公开招生50人，但面试录取5人。呢5个小朋友非常幸运。独立园舍，活动空间比广园三幼大，小朋友玩乐设施比较新而且摆放井井有条。

华兴苑幼儿园，挂牌仲係华兴苑托儿所，但从2019年9月1日起，转为公办幼儿园。收费等一切待定，话教育部门未通知。但华兴苑小区业主优先报名。今年对外招生15人，25号8点半报名，24号早上6点半已经有非业主嘅人排队。听讲名额係先到先得，如果真係咁，咁排第一果个家长辛苦得嚟都係抵嘅。非独立园舍，喺华兴苑小区居民楼嘅1-2楼，同样有个小操场，但可能因为准备转公办，最近铺咗新嘅胶垫。

因为就住呢几间幼儿园附近，且今年小朋友适龄报读，所以就略知一二。

2019/05/28