3月28日,顺产3.1kg男B,上来收花啦!!仲有我顺产既经历~~

3月27日,同平时一样走去产检,果阵已经系39W啦.
因为我自己感觉吾倒有宫缩,所以我就估医生会讲返上次检查时讲既说话.
我念住距都系会叫我有见红或者破水先去医院.
点知做完个胎监,医生就话:"哇!你宫缩好密喔,你自己吾知道噶?!"
我睇住张胎监报告,觉得好无语,因为我真系无任何感觉.
然后医生就建议入院观察...
一切都哩得好突然,我无念过我甘早就要入院待产.
返到屋企之后,我执好晒入院既野,吃埋个午饭,走去剪左个发,就打车去医院了.

办好晒手续都成下午3点几咯!!
之后去到护士站,比医生检查左一阵,医生话开左小小宫口,叫我到时候留意宫缩.
甘我就返病房了,等个肚有反应.
好彩有老公陪住我都无甘闷,老公留系医院陪我陪到奶奶送饭过哩.
本来一直都无肚痛噶,点知吃完晚饭到左8点左右,个肚开始隐隐痛.
呢D小痛大概维持到10点,之后我就开始觉得越哩越痛啦!!
11点之后既痛,简直系拿我命...
7.8分钟痛一次,每次痛20秒左右,痛到条腰好似要断甘.
老公问我使吾使过哩陪我,我念住应该系普通宫缩痛,就叫距吾好哩住.
后来痛得好犀利,我就叫护士过哩,点知护士都吾理我,话宫缩未够规律.
甘我唯有摊系床度忍受呢D痛,一痛就好难受,要用手按摩后背先得.
到左28日凌晨4点几,我真系顶吾顺,又叫护士过哩.
呢次个护士吾耐烦,带左我去医生度检查,医生检查完话开左宫口一公分.
然后我又比人要求返病房继续摊...
好啦...到左7点几8点,我真系顶吾顺,因为个肚一痛,BB就好似要出哩甘.
我死call护士,我话我顶吾顺真系好痛!!
好彩8-10点果阵系查房时间,终于都有医生帮我检查,仲要系入院时果个医生,距好好人噶!!
距检查完宫口之后,就叫护士带我去待产区啦...

我开始以为可以生得添!!原来都系未得.
训系待产区张床度,仲要帮我做胎监.
大佬!!我痛到死啦..仲做胎监,我心念不如快D生啦!!
每次一痛,BB又再次想出哩,而且我感觉倒我好似破水了.
我大叫:"医生,好痛啊!!有好多水流出来啊..."
叫左起码5.6次,先有人过哩睇我,之前叫果几次都系随便答我几句.
我真系痛到典哩典去...护士话甘样对BB吾好,但系我真系顶吾顺!!
终于都有人叫我去产房啦!!我等左呢一刻好耐.

D医生护士系产房度慢慢执野,我就训系产床度痛到死.好!!我忍,既然你地都比我入哩呢度了.
忍左一阵,D人都系未执完野,我意志崩溃啦...
我又再次大声同医生讲,话BB要出哩啦出哩啦,我好急si啊!!
有个助产士过哩睇左眼,就话开苞啦...甘个医生先走过来同我生.
医生叫我吾好合埋眼,一定要张开眼睛,仲问我早上吃左乜早餐.
早上太痛,我净系吃左半碗粥...结果医生就叫护士帮我吊营养针.
吾知点解,上到产床之后,我觉得我个肚吾系甘痛啦...
医生叫我一痛就用力挤距出哩,甘我唯有等距痛.
等左一阵,个医生都吾耐烦,叫护士开红牛比我饮.
饮左大半罐,终于有小小肚痛的感觉,我就用力生.
印象中用左3.4次力,医生话BB个头出来了,叫我再痛就一次过用力生.
结果又等左一阵先痛,我念住呢次又系吾痛就吾好用力.
点知医生话吾痛都用力生,我就系甘挤BB出哩,仲有两个助产士一起推我个肚.
突然有一阵无比畅快既感觉随即而哩...
BB出晒哩啦!!我亦都感觉倒好多水涌晒出哩.
真系觉得舒服晒...
吾知点解,我觉得阵痛比生果阵要痛10倍,反而生果阵都吾系话太痛.
之后医生开始帮我缝针,缝针果阵我觉得吾多痛,我见护士拿左我手机过来,就打电话比老公.
我话比老公知,我生左啦,依家缝紧针,生左个仔仔.
打完电话,我仲发信息比D朋友通知距地.
可能缝针时间太无聊啦..我就睇下墙上个钟.
我发现我系待产区果阵系9点,做个胎监大概用左15分钟左右.
甘即系9点15分左右入产房,BB系9点47分出世,用左半个钟多D.
不过缝完针,都成10点20分啦,缝针都成半个钟.
然后我就系产房度发髦左两个钟.
系呢两个钟头内,老公比左好多次电话比我,问我几时出得去.
我一边同老公倾电话,一边吃面面(早上奶奶煮既早餐),一边望住放系隔离既BB.
BB真系好得意,一出世就想吃奶奶甘,舔嘴仔.
觉得真系好幸福!!

PS:吾记得同大家讲,我系打左局部麻醉侧切,切果阵根本无任何感觉,不过缝针就觉得有D痛.
仲有就系阵痛同生BB果阵,吾好大叫,尽量合埋口忍过去,吾好浪费甘多气力.

[ 本帖最后由 hisui 于 2009-4-5 08:55 编辑 ]

2009/04/04

全部回帖

小马宝宝沙发

哇，缝针仲耐过生啊~~~阵痛真系有甘痛？怕怕添~~~

2009/04/04回复

白小板凳

有是一个勇敢妈妈，

2009/04/04回复

pat01184楼

恭喜恭喜.

2009/04/04回复

little_okok5楼

我都希望顺产啊！

2009/04/04回复

骏宇6楼

我系傍晚破水[不过无痛感]入医院时医生帮我检查宫口已经开佐2公分,于是即时住院,连待产包都要我老公返转头拿,本来医生都猜我会系半夜生,点知到了第二日早晨仲未有什么宫缩,要滴催生针,因为如果破水超过24小时BB仲未出世就会有对健康不利......系待产区滴催生针的过程中真系痛得要S,老公又唔系身边,特难受的,足足折腾佐一个钟医生先比我入产房.不过入上到产床后真的觉得没那么痛,唔记得用佐几次力了,只记得最后一次系护士的推动下,我的BB终于和我见面了......那种感觉....特爽

2009/04/04回复