因为星期六去行清，个日讲起就嬲了。所以琴晚同老公讲，我本来以为自己是“阿四”，点知连四都无得做，只能做“五”。
事缘：行清，老公三兄弟夹份买左只烧鹅去，甘搞掂晒D野之后，就是开动的时间啦。我老公就企在我对面，二少话“哗，快D扯返只鹅肶先！”，我同老公讲“我又要啊，你帮我扯只肶啦”，点知条友一D反应都无，甘我傻更便以为距听唔到，再讲多次，距就呆晒甘望住我，就系唔郁。可能我讲得大声，家婆听到了，就同距讲“帮你老婆扯块烧鹅啦”，“咦？我是要肶啵”，终于，我老公肯郁啦，但讲左一句话“问下大佬要唔要先！”，哦，原来是要等距屋企人个个唔要啦，先到我的！明明听到都扮听唔到！（事后距都承认，要等屋企人话唔要了，先帮我扯）我跟住行开左，家婆话，你老公扯给你啦，你食啦。我好大声话“唔食！”家婆话“甘即是算点？”我话有咩算点者，咪是唔食咯。
琴晚返黎，我同老公讲“我在你心目中，连阿四都唔是，你的心里面是：老豆、阿妈、大佬、二佬，然后先到我。所以我是阿五！真系唔洗指望你在屋企帮我争取D咩咯。”老公话，无论距老豆对我点唔好，距都要孝顺距老豆，但原来孝顺＝盲从。老豆话地球是三角裤型的，距都话系。晚黑去到酒楼，叫人地加工D烧肉，夹硬话酒楼换左距块烧肉，将D肥的换晒给距。大家话，边间酒楼甘得闲，换你块难鬼烧肉先得的。真是无聊透顶！