帖子详情

八卦下我身边的奇葩公婆

30420103谈天说地

这几天在妈网看了很多说婆媳,妯娌关系的,忍不住八卦心,也来说说我身边遇到的奇葩。
1.阿芳,与她老公阿永是与老公家姐工作时认识的,后来阿芳换工作认识了我,因为当时我两个都在同一条城中村租屋住,上下班都一起,友情就建立了。后来怀孕,我俩预产期也只差一个月,那一年06年。
阿芳结婚谈到礼金时,她婆婆开始现型,先同阿芳讲,屋企穷,只可以比1800元,另加一对金耳环。阿芳家境一般,细佬妹仲读书,父母系老实农民,对于嫁女亦无太多意见,但事实男家在南海,村中有楼出租,每年仲有股份分红,阿芳一怀孕就登记结婚将户口迁入,按当地规定,阿芳可以有分红了。阿芳结婚当天我已经八个多月身孕,没有参加,另一位一起工作的同事阿丽去了,后来听阿丽讲,结婚当天阿芳婆婆发烂渣,嫌阿芳叫了几个朋友去,认了一围台,真系晕,比嘅人情都够三围台嘅花费啦!最搞笑系酒席一完,阿芳婆婆就罗番对耳环,仲讲怕阿芳个妹会带番娘家。
07年头,我生左个女,当日阿芳与阿丽都来医院睇我,倾倾下计阿芳电话响,原来系佢婆婆要阿芳即刻走唔准探我,因为我生个系女,阿丽生嘅系仔,话近我阿芳都会生女,要阿芳近阿丽多D就可以生仔了,乜嘢逻辑?我同阿芳预产期相差一个月,仔定女都定左啦,愚昧!
系我坐月期间,阿芳打过几次电话比我,佢话想在西樵医院生,方便照顾,但佢婆婆就要求到佛山妇幼,点解?因为佢家婆问过神婆,去佛山妇幼生会生仔,留系西樵医院会生女,我除左劝阿芳谂开D,唔好同家婆吵,真系唔知点安慰佢。有一晚已经十二点几了,阿芳打电话比我,一听电话就听到佢喊,隔离有几个女人声系度闹,原来当日阿芳已经开始宫缩,婆家人唔系将佢即刻送医院,而系请神婆番来摆坛,要阿芳围住神坛行够一定次数,甘就可以生仔了,我当时仲系坐月中,夜晚同我家婆一齐训,我家婆听到就抢我电话同阿芳讲“你老公死去边?仲唔怕D去医院,搞乜嘢神坛?…………”阿芳话佢老公听晒家婆话,由得阿芳一面作动一面行神坛,后来我仲想教阿芳唔好理班傻婆,直接过医院,唔知边个抢左佢电话,仲关埋机。我个晚一晚都无点训,担心吖!两条人命!第二日早上阿永打电话比我话阿芳生左个仔,谢天谢地,阿芳以后有好日子过了吧!
后来阿芳两公婆过左半年左右就离开家来左我家附近开店做生意,做生意要本钱吧?家婆讲了,借就得,比就无,好!阿芳左夹右夹凑左十万,店开张了,门面做生意,阁楼住家,远离佢个位奇葩家婆,安静日子过左无耐,家婆又来搞局了,有次我同自己阿妈带B女去游水,回家时经过阿芳店面,就倾左几句,阿芳家婆以为我个系仔,我个女系生得似男仔相,就猛甘将两个BB凑一齐玩,后来言语中知道我个系女,当住我妈面讲左句“成家蚀本货”,我比面阿芳,忍你!好似伊家自己唔系女人甘。
阿芳系一位好会持家嘅女人,店铺生意半年就回本了,但阿芳两夫妻想扩大,就未将钱还比家婆,佢个位家婆奇葩本色又来了,竟然将阿永堂哥一家带到阿永店铺,话阿永开店借左堂哥钱,一系还钱,一系将店铺比左堂哥抵债,我点会知?我系现场吖,阿永堂哥两公婆、父母共四人,二对四,阿永阿芳点系对手,中间话语我就唔讲了,太长,结果就系阿芳两公婆退出,拎住赚番来个万零蚊就番左屋企了。
一直到伊家,阿芳两公婆都只系打工,一家三口分红加收入,日子过得几好,我地联系亦唔多,因为我知道,阿芳经历甘多,已经学识点样保护保障自己。
2016/08/19
精选回帖
阿云做人不行,一件事归一件事,老公包小三是他对不起你,但家公家婆没有做出任何对不起你的事,还为了个仔的错代他在物质上补偿给你,不看在情份上,但看在物质上怎么都不要和家公家婆为了起名较劲,你可以很清高地不接受家公家婆的帮助,既然接受了就不要任性。这个个案,家公家婆做得很好了,阿云还是执着的话,可能连最后这点情份都会失去。
2016/08/19回复
bcligbclig17楼
根本不是善良、本分人家,自作孽。。
2016/08/19回复
bcligbclig29楼
先不论人品,小强甘葛样,马蓉都嫁佢滴钱。你个朋友真系自己揾来衰。。
2016/08/21回复
这个真系劲搞笑喔,连自己个仔没仔生都谂到出来,厉害啊!
2016/08/22回复
那个随便瞎说的人太坏了,无聊加无德。
2016/08/22回复
全部回帖
插一个小曲,有关阿芳老公家姐的,就叫阿姐吧!
阿芳结婚前阿姐就嫁外省并生左个女,阿芳刚开店时阿姐以为细佬想分身家,就番娘家死作烂作,话要买楼,要求娘家比钱支持,记好,系“比”,唔系“借”,当时阿姐已经怀孕,并知道又系女,阿姐话如果娘家唔赞助钱买楼,男家就会离婚,云云。
阿姐老公实际就系菠萝鸡,由拍拖到结婚,婚后,一直都系跟老婆住娘家食娘家,阿芳阿永有反对过,但无用,阿芳家婆结果拎左十几万出来买左间二手楼比阿姐,事情先消停。
上年听阿芳提过,阿姐第三胎生左个仔,又开始番娘家作生作死要钱,至于有无到手,我就无细问了。
2016/08/19回复
mandy-gzmandy-gz板凳
远离~
2016/08/19回复
奇葩中的奇葩            
2016/08/19回复
应该不是亲生的,没有母亲不想自己个仔好
2016/08/19回复
2.阿丽,就系上面提过参加阿芳婚宴的同事。
阿丽同老公结婚三四年才生BB,阿丽生左个仔之后,有一段时间一家人相处还是很平静的,是平静!
阿丽家公一直都做电器维修生意,呢个行业中间的水份,大家懂的。因为系家公店铺时,家公唔准阿丽学维修知识,阿丽前提只想分担老公工作,可能佢家公一开始就怕佢**分开开店,所以唔准阿丽学,大约系阿丽仔仔一岁半时,阿丽两公婆就另外开店了,离家公店铺就十几分钟车程距离,阿丽家婆好锡个孙,仔仔白天跟嫲嫲,夜晚跟番父母。
有一日早上,阿丽家公带住仔仔食早餐,系当地生活左十几年,周围都系街坊,大家倾计都系开开玩笑又一日,有个街坊睇住阿丽老公长大,就对住仔仔讲左句“你都唔似爸爸个样,你爸爸细个时块面无甘圆”,好死唔死,仔仔个样似十足阿丽,当然同爸爸有D分别啦,就呢一句玩笑话,阿丽家公开始作了。
当日家公先揾阿丽老公番来,问阿丽老公,有无发觉阿丽生仔前有乜唔妥,个仔出世后有无见过D乜嘢奇怪人来睇个仔,阿丽老公系好锡老婆个种,与阿芳老公个种妈宝对比系两类人,当场就反驳自己父母,并表示信任阿芳。家公见离间唔到个仔,就发烂渣了,竟然将阿丽老公反锁住系屋企,即刻去到阿丽铺头,二话不说就开撕,又会甘岩,阿丽两个阿哥阿嫂当日就系铺头聚餐,阿丽无见过呢种场面呆晒,后来好在大佬安稳住家公,家公先讲原因,中间仲要夹住D粗口,话阿丽比人QIANG JIAN生到仔,仲话阿丽结婚甘多年都无怀孕,肯定自己个仔有问题………真系狗急跳墙,乜都up得出。阿丽话晒有两个大佬,个日家公婆无讨到乜嘢结果就被赶出门了,听阿丽讲,后来家公婆仲去阿丽娘家吵过几次,要阿丽娘家揾个jian夫出来,阿丽娘家都唔系食斋嘅,家公婆又系讨唔到着数比人赶走。最搞笑有次吵去阿丽娘家嘅理由系,家公唔见左部电动车,话系阿丽个jian夫偷左,实情系家公出街食早餐,停左系早餐店门口,后来店主揾上门先记起忘记开番屋企。
阿丽结婚第二年家公全款系市区买左间屋比阿丽两夫妻,就系上面件事发生后,家公系阿丽老公,阿丽娘家处作唔起乜嘢风浪,就将市区个间屋卖左,个一年08年,当时房产证未过五年,房产价值约30万左右,家公婆就20万卖左,并自己贴钱交税,一个月唔使就买左间屋了。阿丽两公婆就另外租屋住,远离家公婆,但求平静。
可能老人家作死嘅心态始终未能平静,终于还是要求做亲子鉴定,阿丽要求的,实在被两老折磨得太辛苦,搬屋搬到边就吵到边。有一日阿丽约左我同阿芳出街食饭,就个一日两老与阿丽老公带住仔仔去做DNA。
两老仲专门加钱做加急,结果出来后,确定系阿丽老公嘅骨肉,两老无晒声出。过左大约半年后,两老慢慢回过神来,第一样谂到乜嘢?无错,就系个层楼啦,竟然跑到中介吵,话中介无维护佢地利益,蚀本卖楼仲要贴税费,哈哈!慢慢后悔吧!
之后好长一段时间我都无联络过阿丽,直到今年年头,我住院安胎,阿丽与阿芳来探我,阿丽系家公卖楼之后过左两年就靠自己供左间二手楼,最近睇紧新区嘅电梯楼,打算全款购买改善下生活,真系苦尽甘来,阿丽家公可能年纪大左,后悔曾经做过嘅事,阿丽上年买车,佢家公拎左十万出来,但阿丽无要,点敢要?心中的刺无甘易拔出。
2016/08/19回复
哈哈。一切皆有可能,极品的人,其实就系思想极端,心理变态。
2016/08/19回复
哈哈,继续,喜欢这种八卦
2016/08/19回复
睇到真系,一个比一个变态。
2016/08/19回复
😂夫妻同心,才能闯过来咯
2016/08/19回复
😂😂😂以上评论纯粹属对前2个故事的评述,阿云这个……我竟无言以对……
2016/08/19回复
最后一个实在太作太奇葩,受不了
2016/08/19回复
阿云做人不行,一件事归一件事,老公包小三是他对不起你,但家公家婆没有做出任何对不起你的事,还为了个仔的错代他在物质上补偿给你,不看在情份上,但看在物质上怎么都不要和家公家婆为了起名较劲,你可以很清高地不接受家公家婆的帮助,既然接受了就不要任性。这个个案,家公家婆做得很好了,阿云还是执着的话,可能连最后这点情份都会失去。
2016/08/19回复
月明鸟栖:
😂😂😂以上评论纯粹属对前2个故事的评述,阿云这个……我竟无言以对……
查看原文
唔难理解啊云,巨父母可以话全家靠上去了,真系离婚,以啊明家底,养两个小朋友唔成问题,如果小孩跟啊云,男家就只负责子女养育费,分分钟连啊云都可以唔使养,成本比现时低好多。啊云唔系傻既,就系被父母教得唔识分是非,唔识分事情轻重。
2016/08/19回复
bcligbclig15楼
晋誉仔:
阿云做人不行,一件事归一件事,老公包小三是他对不起你,但家公家婆没有做出任何对不起你的事,还为了个仔的错代他在物质上补偿给你,不看在情份上,但看在物质上怎么都不要和家公家婆为了起名较劲,你可以很清高地不接受家公家婆的帮助,既然接受了就不要任性。这个个案,家公家婆做得很好了,阿云还是执着的话,可能连最后这点情份都会失去。
查看原文
根本不是善良、本分人家,自作孽。。
2016/08/19回复
晋誉仔:
阿云做人不行,一件事归一件事,老公包小三是他对不起你,但家公家婆没有做出任何对不起你的事,还为了个仔的错代他在物质上补偿给你,不看在情份上,但看在物质上怎么都不要和家公家婆为了起名较劲,你可以很清高地不接受家公家婆的帮助,既然接受了就不要任性。这个个案,家公家婆做得很好了,阿云还是执着的话,可能连最后这点情份都会失去。
查看原文
过年那次聚餐,啊云讲想将现时住的婚房卖左巨,话嫌细,再系另一个大型楼盘买新楼,巨家公婆都赞成,无论买边度都会系买左旧屋基础上再全款支持,只有一个要求,间屋写啊明一个人既名。至于后来有无买就唔知了,毕竟每次消息都系啊云巨个人忍唔到先会话比我地知。个晚聚餐有个朋友做中介,话间屋放左大半年都无人问,可能仲要等下。
2016/08/19回复
继续,喜欢这种八卦
2016/08/20回复
STTAILLSTTAILL18楼
呢种八卦有意思
2016/08/20回复
猜你喜欢

广州户口有乜好?放弃广州户口,我是傻了吗?😭😭

新张就旺到爆的叹佬鸡煲

宝宝说着古天乐版的普通话,该笑还是该哭?!

家公家婆我得罪你了吗?

你咁样系咪有D过分啊?

我已经关门了,还不行,究竟想我点??

热点推荐

自驾1.5小时芙蓉山庄 冰凉山溪美味农家菜

延迟退休提上日程 你还有几年可以退休?

天河城奥特曼展 大小超人迷开心坏了!

打卡增江商业广场的超市 人还挺多

2024广州孕妈妈交流群 欢迎扫码入群!

2024年装修交流群 杜绝踩坑等你加入

南昆山悦雅居

终于带娃打卡摩打食堂 服务太贴心了

朴朴半成品真解放双手 好吃还方便

木屋禾木村

农村老房爆改宫崎骏风装修,还原童话世界

【老广Vivi】从来没想过,我居然能把自己拍

南雄市的食住行

查看更多热点 >

回帖