阿嘟入到baleno,睇到系店铺嘅正中间，男装衬衫做紧特价，颜色同款式都几好，79元一件，价钱同质量都可以接受。搵啱码数同颜色，结账啦。（由我地入店铺，到结账，是完全无人理会你嘅，但当时店铺只有两三个客，店员比客人仲要多）
收银员问：“有无自备购物袋，无就一元一个."我见到系我前面结账的果个客，可以免费有袋，点解我要俾钱呢？有D奇怪，问：“点解佢可以免费有袋，我就要收钱？”(其实我对于限塑我是好支持嘅，只是奇怪点解同一间公司，同一个品牌，唔同人消费，得到的待遇会唔同）收银员话：“因为佢买嘅野是正价，贵D。”天啊，原来是我买左特价货品，所以如果我要购物袋嘅话，就要收钱，咩理由啊？？？特价是你定，又唔是我定嘅，唔同呢D就是穷人同富人嘅区别？？？？？
算，我忍！
再问：“因为我带嘅购物袋唔是咁干净，而且衬衫我是送人嘅，请可以俾原来装衬衫的透明包装袋我吗？”店员：“唔得，因为国家规定要限塑，呢D都是胶袋的一种，你无袋，就只能就咁拿住走。”（店员的态度真是“好”到你顶唔顺）“但是我之前你地楼上ebase买裤同衫都可以俾番个透明袋我装啵，而且佢地都是特价，你地唔是同一间公司嘅咩？点解会唔同的制度？”佢完全当听唔到，拿出佢地公司嘅纸带，将件衬衫对折，用纸带围左一圈，扔在桌面，跟住就离开收银柜，实行睬你都傻！！！
我就是咁样拿住件衬衫，行去坐地铁返屋企啦。途中又怕整污糟，又怕整皱，真是咩心情都无晒！
其实1元买个袋唔是问题，问题就是点解买正价货品就有袋，买特价货品就要自己买袋，连本身装货品的袋都唔可以俾？？？？？感觉有D强迫消费！
你的顾客就咁样拿住你嘅商品，连最起码嘅包装袋都无得装，仲衰过去市场买餸；而且店员嘅态度“好”到你估唔到。
正如刘天王话斋“今时今日咁嘅服务态度，点得架？”
baleno的高层可以培训到咁“悭家”的店员，咁“超水准”的态度服务顾客，真是“劲”啊！
国家要限塑，但是并唔等于连最起码嘅货品包装袋都无瓜？？？？
HK就一国两制，baleno就一店两制！
感觉就是贴钱买烂受！
无语！！！！！
睇左咁多JM的贴，好多都话退货。其实呢样嘢当时我都做左架啦，但是得出嘅结果，就是：激气！！！（因为写嘅时候，实在是嬲，所以忘记写呢个过程添）
我话要求退货嘅时候，店员话我已经look卡，佢地已经入左数，而且无现金退番，我就话：“你可以做消费撤消，咁样银行就会将之前嘅消费金额退番系我张卡到。”点知道个店员话：“我唔识啵，而且入左数是无得退，除非是非人为损坏了。”天啊，果个咁嘅态度，真是嚣张得吓死人！！！！
因为当时我个囡开始扭计话肚饿，而且我妈都俾佢地激到无晒意见，所以唯有算数。
总之，系一间系广州都叫系知名品牌的店消费，可以遇到咁“好"嘅待遇，都是第一次！
正如老人家所讲：100岁唔死，都仲有新闻听。
唉！！！！！！！！！
[ 本帖最后由 阿嘟 于 2009-7-14 15:22 编辑 ]
阿嘟楼
