其实，翻下报纸，或上网搜索下，就会发现家下（现在）当街抢夺或者诱拐细路（小孩）嘅事真系时有发生。前嗰排（前段时间），网上流传着一个帖子，系啲父母们在交流自己经历或听讲来嘅拐子佬桥段（招数），最得人惊（让人害怕）嘅，系有啲睇落去（看上去）面慈心善嘅中年女人，睇到趣致（可爱）嘅细路就笑口噬噬（张开嘴笑）咁行埋（走近）去，或者失惊无神（突然）抢佐细路就走，或者先同大人倾下计（聊下天），等到熟络佐再诈家依（假装）抱住细路玩，然后突然玩失踪。呢个时候，为人父母者真是叫天天不应，叫地地不灵。

　　谂（想）下嗰啲被拐走嘅细路真系凄凉，好似前边个苏虾仔禁，本来衣食无忧大把前途，但依家（现在）就前途未卜，可能被人卖到贫困嘅山旮旯，更可能成为一名被人控制嘅卖花童或乞儿仔（小乞丐），最可怕嘅系，听讲有啲灭绝人性嘅拐子佬仲会将拐来嘅细路手脚拗断造成残疾，以控制其乞食（要饭）来供养自己……谂到呢啲，痛失爱儿嘅父母今生又点可以抚平伤痛，一个个幸福家庭就咁样被啲拐子佬整到家破人亡。最令人难以理解嘅就系，好多拐子佬自己都有仔有女，但为佐赚几千蚊养活自己嘅仔女，就做埋点令人骨肉分离嘅阴质事（伤天害理的事），你话人性何在？法律对拐子佬特别是拐子集团嘅惩罚，真系再严厉都不为过！