家里的婆媳大风波解决了.
20338婴幼育儿
董妈妈事情其实好简单，但讲起来又好复杂。
由Kolby准备出世到依家，家婆一直都系我地屋企住，帮忙买菜煮饭，做家务带BB等等，反正我家婆系果种任劳任怨噶人（不过系屋企应该做的，我自己都会做返。），但由于辞职之后,我认为两个闲人系屋企天天对住，难免会有摩擦同埋误会(因为家婆这个人,也不是等闲之辈也)，相见好，同住难哩条恒久不变噶道理，相信好多人都可以体会同理解。于是我就同Kolby爸讲我带住Kolby呢一段时间，可否等家婆返乡下玩下，歇下，等我出去做野噶时候再叫距返来我地屋企。Kolby爸话可以，但系唔可以一开口就叫佢返去，要有个过程等老人家慢慢接受。
然后到佐第二天，Kolby爸就同我讲，话佢已经同家婆讲佐了，就话我依家辞佐职，屋企又无咩事做，佢可以返下乡下陪下家公，去香港帮家姐带下BB，然后又过来我地度同Kolby玩下。之后Kolby爸仲叫我都同家婆讲一声。
咁到佐星期五，因为家婆每个星期五下午都会返乡下陪家公的，星期一先返来，于是星期五佢要回家果阵，我就同我家婆讲佐，内容都系话我辞佐职，屋企又无咩事，佢可以返乡下休息下，陪下家公咁样。咁家婆果时就话：“咁好啦。”
距天天睇住自己个孙，依家叫佢离开一排，佢肯定唔想的啦，哩个我可以理解，但系自私D来讲，我又真系唔想两婆媳天天相对住，咁样会发生好多家庭矛盾，会搞到大家的关系好紧张，而夹系中间果个男人更难受。
当天下午Kolby爸返来，好明显自己感觉佢同以前唔同佐，心情好似唔好。我知道应该系果件事吧，所以我都唔敢出声提起呢件事，晚上同妈咪倾电话，妈咪讲我听Kolby爸同佢讲过电话，话叫佢妈返乡下，觉得好对唔住佢妈，个心一直都唔舒服。
我想：哩次死啦，最怕噶事情发生了，可能呢件事会影响到我地夫妻之间噶感情。我意识到自己呢次噶决定系好愚蠢，虽然我自知大家心里有条刺了，但又唔敢将条刺挑出来，怕痛，怕受伤，所以就避重就轻咁样等待时间的洗礼。家婆走佐之后，Kolby爸星期一至星期五就早出晚归返工，而我就同Kolby两个人系屋企，前一排大家都知天气唔好，连去散步噶机会都无，白天就自已同Kolby**成日乱想，日想夜想就是想这件事，Kolby爸放工后，我又要强颜欢笑咁样扮无事，不过我知道佢心情都无以前咁好了，我觉得自己真系做得好错，又一次因为自己噶任性而激嬲佐Kolby爸。
以前有咩事自己搞唔惦，都系Kolby爸来帮我收尾，依家我心中的超人都帮我唔到了，我都唔知稳边个来解决呢件事。真系好无助。
跟住过佐几天，我家公就打电话俾我，问佐仔仔噶事之后，就同我讲，话准备叫家婆返来我度，可能下个星期。咁我就话到时再算吧，然后家公又重复佐一次，话下个星期叫我家婆返上来。然后我都系答佢“到时再算”。
其实我听到佢咁样讲，我系有D反感噶，因为我已经同佢讲明佐，家婆当时都话：“嗯，咁好啦”。点解过佐几天又话要返来的，点解连小小的时间同空间都唔可以俾我呢？
我就将呢件事讲佐俾我妈咪听，我妈咪知我因为呢件事好唔开心，怕我地**受影响，于是就打电话俾家公，试图去讲通呢件古董老爷，但系最后噶结果，我家公都系唔肯妥协。
其实我系好理解，因为生活环境，我家公家婆的思想，系好传统，好古老。系佢地噶思想里面，要同仔一齐住，有责任带孙，有仔都唔跟，有孙都唔带噶话，班街坊会讲闲话，会取笑，而自己亦会觉得好无Face。但另一方面，我又觉得我家公咁样做，D方法系好强硬，我有D接受唔到。所以本来想带Kolby返乡下俾两老见下的，最后都系无去。
就咁样过佐成个星期，琴日Kolby爸问我返唔返乡下食饭，因为家姐同苏B从香港返佐乡下，我话我唔系几想返。主要系因为我觉得呢件事好似搞到大家好无意思，再返去对住，又要强颜欢笑，我会觉得好尴尬（好似个傻仔咁样）。
咁Kolby爸就问我点解啦，问我自己心里面有咩想法，叫我心平气和同佢沟通好。我就讲佐俾佢听，我心里所想，我话我想自己带Kolby带到佢上幼儿园，然后我返出来工作再叫家婆返上来。但系家公又好似逼得我好紧，小小过渡时间都唔俾我，过几天就叫家婆返上来。自己真系好唔中意咁样。
就咁样，一个下午，我地讲佐好多好多，好多以前我同家婆埋下的小型**都挖晒出来拆解。Kolby爸讲得好中肯，有时仲会偏帮住我来思考问题，而且Kolby爸仲讲我听，家婆返石角前我同佢讲噶一番话，佢都有系电话中讲返俾Kolby爸听，随后仲话呢D事其实无乜大不了，叫Kolby爸要好好对我。
最后，Kolby爸就话佢先打电话同家公家婆了解过情况，问明系唔系家婆真系想返来同我地住。Kolby爸同佢地讲话如果我钟意自己一个带Kolby噶话，由得我自己带一排喽，反正我一两年后迟早都要返出来工作的。后生的点样过得舒服就点样做，无谓越描越黑。我系旁边听到，都知道呢次噶谈话应该很成功，压在心里一个星期的大石头也被Kolby爸搬走了。
呢个难题，仲系等我的超人出手先解决得到。
系呢件事上，其实个个都当我系细路女唔懂得处世，而谁对谁错，大家亦无去追究了，最重要的系大家都过得舒服。
其实我系好多谢我爸爸妈妈，一直都好支持我，无论我的决定系点，佢地都好帮助我，仲一直提醒我唔好影响夫妻感情。最后仲要多谢Kolby爸，为我地呢个家庭作出的努力！
呵呵,今日返佐乡下食饭了,全程,家婆一句都无声过我,只系入门口我叫佢一声,佢应佐我一声.
食饭噶时候,佢地一家人系度倾计,我无出声,之中Kolby爸同家姐讲到以前小时候帮家里做家务的事,家婆就好似话中带刺咁讲:全条南二巷的人都话你地两妈弟乖架啦,有边人唔讲你地两个乖."果时心里真系好不是滋味,家婆噶意思,系咪就系话影射紧我,话佢两个仔女都比我乖比我懂事.
然后又讲到某个街坊好帮得手,家婆又话:"我地南二巷个个街坊都咁帮我地噶啦,原因系我地屋企人缘好"我知,佢呢句话亦系讲俾我听的,赞扬佐佢地噶好,即系讲我衰.听到呢度,我真系好想发火,我唔想同佢住噶原因,好多时系佢成日讲野单单打打,搞到我成个傻仔咁样.依家仲系死性不改...其实好激气,不过算了,系呢件事上,我已经得到佐自己希望噶结果--三人世界,所以我也再无必要去同佢计较.
[ 本帖最后由 董妈妈 于 2010-4-25 22:16 编辑 ]
2010/04/25
董妈妈楼
