5.22仔仔第一次游澳门

   5月21日中午12点几心血来潮走去旅行社报名参加5月22日的澳门一日自由人，竟然仲有位置剩马上交钱订了5大一小，成人43元/人，小孩不占车位需购买10元/人的责任险。其实今次去的主要目的喺带本人七十几岁的外公、外婆过去转转，带仔仔去天幕电影。
   5月22日早上7点在教育路上车发出，开始一天的旅程。一路上阳光明媚，心谂“今日应该唔会落雨啩！”，点知到咗珠海就开始倾盆大雨，乌云密布～～天啊！！还好11个月大的仔仔整个车程都喺度瞓觉，无扭计！
   9点差唔多到拱北，车上的导乘员话：“收到同事消息，拱北关口有好多人在排队过关，有无团友需要过去横琴关口过关呢？如果喺拱北过关要排队2个钟左右，喺横琴过关大约30分钟啦，有需要的话我们可以车团友过横琴每人收10元的车费。如果自己喺拱北关口坐车去横琴要15元！”听到尼个消息大约10个团友选择横琴过关，本来我都想过去的，谂到我一行六人有一个小朋友、二个65岁以上的老人可以各带一个成年人过“老人及需辅助人士通道”就选择在拱北过关。
   9点半达到目的地，话说本人大约3个月无去澳门，以前大巴停到口岸对面的马路落客，现在改为在口岸的负二层落客，OH人多到黑漆漆的一片，又多废气，仲要负一层的商场未开始营业手扶电梯未开！晕～～～好唔容易跟住导游支旗上到口岸，好多人啊！！！！
由于之前喺MW做咗功课记得“老人及需辅助人士通道”一般设在14、15号窗口，在外面打了几个蛇饼排队进入出入境大厅后，直奔14号窗口，还好这条队人数不多，其余的正常队伍都排到大厅的玻璃门处！
   我们用了20分钟左右顺利过了中国、澳门2个关，10点正式踏入澳门！我们第一站喺新濠天地，目的喺天幕电影。。。。我们10点半到新濠天地第一时间换电影票，按人头算每人一张，第一场喺12点正！仲有一个半钟，仔仔交俾屋企人照顾，我独自去赌场试试运气，可惜手风唔顺贡献晒！！灰溜溜地汇合屋企人后再排队入场睇《龙腾》，全场电影大约20分钟，好靓好逼真，简直喺视觉听觉的享受。。原本谂住音响咁大声，仔仔会惊，点知佢一D都唔怕，上半段睇得好兴奋，后半段竟然瞓着咗，哈哈，真係服咗佢！咁吵点瞓得着嘎？！

之后我们去咗新濠天地对面的威尼斯人，行咗一阵肚饿了，去美食广场医下肚先。个个餐都好贵啊～～～我们每人要了一碗鲜虾云吞面30元/碗，感觉同广州的8元一碗出品差不多，无计，去到果D地方摆明喺要俾人攒钱的

   差唔多2点，我们出发回市区，喺威尼斯人门口坐关闸的车再转英皇的巴士，步行到新马路。原路一阵落雨一阵出太阳，好烦！尤其用BB车推住仔仔惊佢淋亲，做人阿妈真係多担心！天性！！
   新马路依旧多人，发现澳门D嘢贵咗好多！最明显去到优之良品想买啫喱，广州卖25元/斤，果度卖蒲币76元/2磅，折返人民币咪仲贵过广州？！佢哋系咪当内地游客喺水鱼呢？！
   由于落雨的原因连玛嘉烈蒲哒都无去吃，冲冲走到手信街买D杏仁饼，再到大三巴下合照几张，就算澳门游了。不过仔仔坐喺佢部私家车上玩得好兴奋，沿途自己好开心咁拍手，哈哈，佢中意多人热闹的地方。
   下午4点半，返到英皇门口，先上3楼攞车票，5点15分左右回到关口。当时已经有好多人排队过关了，还好我们的“特别通道”，返到拱北关口喺6点，还在免税店各人买了2条烟。可恨烟都升价～～之前蓝色骆驼75港币/条，现在喺110港币/条，，，要说服LG戒烟悭钱先

   过关后到关口对面的益？海鲜酒楼解决晚餐，因为中午吃得太差了，决定晚餐要吃返多D补数。点了2只红烧乳鸽、鱼香茄子煲、竹笙浸杂菌、客家豆腐。。。。买单200元有找。
   7点15分回到关口集合坐车返广州，恶魔又来了！！！！导游带我们落去负二层的停车场等车！仔仔一落去就全身出晒汗，废气满天，我们活生生变成人肉吸尘器，下次再去拱北都要好好考虑。
   还好7点35分开车，仔仔上车就瞓觉一直到10点在纪念堂西门落车，可怜的是我全程充当佢的人肉枕头，准备落车时脚痹！
   总结下来，如果唔系落雨、如果唔系拱北上落车条件差，都算愉快的一天啦！
   遗憾的是，我的化妆品、零食一点都无买！全程最大收获的是我舅母买了好多杏仁饼、沐浴露！
   我喺屈仔买了一支日本出的婴儿无比膏俾仔仔搽蚊咬，发现效果好好，值得推荐，蒲币30.5一支！