我6、7年前开始使用依立的产品啦，有汤煲、电饭煲、药煲同电子炖盅，基本上D产品都慢慢添置集齐一套，仲送左俾妈子同家婆两家都有。讲真，以前就是因为话用有涂层的金属内胆电饭煲，会危害健康，所以5年前花4百几元都买只紫砂电饭煲，当瓦煲咁用。至于汤煲、炖盅、电子药煲果D，事实上是真系用得比较方便，比用煤气炉要慢慢睇火方便安全好多。依家爆出D假冒紫砂内胆的新闻，事实上又令人几气愤嘅，但大家谂深一层，唔用呢D又用乜嘢煲呢？用金属果D咪仲惊，又话涂层有害，又易脱落，相信一个普通电饭煲用一年半载就花哂，但依立的饭煲都无点花丫。煲汤用金属内胆果D，又惊有酸有碱会唔好，衡量过都是呢D比较安全。所以我觉得大家拣紫砂内胆，有几多人真系期待用紫砂可以养生呢，大家都是觉得用瓦煲安全过用金属煲之嘛。依家中国D产品样样都信唔过，唯有自己衡量，两者有害取其轻啦。