花了半个小时写的东西竟然吃贴了，发不出来害我无奈之下从写一遍。
宝宝未出世之前就开始烦恼紧奶粉噶选择，于是上各大网站同各地方BB论坛搜索奶粉信息。综合一下各类信息同自己噶经验（BB差唔多一岁啦），总结出一些心得如下：
BB刚出世就母乳+奶粉混合喂养，因为老婆上班噶原因BB四个月就戒左奶，为左BB可以尽早适应奶粉唯有选择混合喂养。一开始选择美赞臣，卖点系DHA,ARA含量系欧美品牌最高。再加上我买噶新加坡版美赞臣，第一二阶段都系产自荷兰本土，有别于香港版奶源荷兰不过马来西亚包装。BB食美赞臣奶量唔多，仲有少少消化不良热气，一直到四个月戒奶同时就断左美赞臣，食左三罐。

期间有考虑过FRISO美素，据我所知新加坡大部分医院都系推荐出生婴儿食FRISO，不过仲系要睇BB适唔适合。半年前新加坡版FRISO一二阶段系产自荷兰本土，不过好可惜，后来竟然系奶源荷兰到马来西亚包装，大打折扣后都系放弃左依个品牌。

至于雅培Similac，听香港朋友讲多数儿科医生推荐食雅培，不过就唔知系咪真啦。依边雅培都系产自爱尔兰，口碑唔错，我观察过系超市货架上雅培系最多噶所以都系个唔错选择。有前车之鉴，欧美奶粉大都比较热气都系唔敢俾距乱试，毕竟刚刚戒奶，直至后来留意明治。

惠氏S26我所知噶产地有两个，新加坡同新西兰。如果BB受得唔会热气话都几好噶就系太甜，不过我有同事两种产地噶惠氏都试过，得出结论太过上火啦。仲系要睇BB情况。

日本奶粉系国内众多妈妈心目中噶良好印象同口碑，开始留意日本奶粉。固力果，明治，森永，雪印，和光堂都系老品牌，其中和光堂，明治，森永历史最久。固力果，价格系日本奶粉最高有日本皇室专用奶粉之称，但并唔系日本国内最受欢迎，唔知系价格原因定系品牌历史比唔上其他牌子。

明治乳业历史悠久，听系日本朋友讲明治，森永，和光堂系最受欢迎噶三大奶粉牌子。因为BB之前系食明治一阶段，所以讲下经验心得。奶粉偏黄，粉幼，极易溶，口感香醇，奶香浓，微甜，BB非常中意饮奶量一下大幅度提高。而且BB大便正常，消化唔错，长得结实，同之前一些妈妈噶评论差唔多。明治最为接近母乳，况且DHA,ARA含量都相当高，而且一阶段含锌，所以下定决心俾距食。之前系香港买过5罐，不过后来网上流言窜起有D唔放心，都系决定哎日本朋友寄左两箱返去。

森永，雪印，和光堂就唔一一介绍啦，口碑都唔错，就睇下你点样选择啦。

BB就来一岁啦，又要烦换奶粉。由于一直都有关注KARICARE依个品牌，所以最近考虑换依个牌子。KARICARE系荷兰拥有过百年历史NUTRICIA集团旗下噶品牌，无论奶源定系产地都出自新西兰，只供应新西兰本土同澳洲。同时KARICARE系新澳两地销量最大噶奶粉品牌，再加上有不少妈妈噶好评唔热气，所以决定选择KARICARE。转奶粉比较麻烦，之前食开明治惊距唔接受其他口味，所以哎朋友系澳洲带左一罐返去俾距试下口味。不过都系无明治甘肯饮，唯有俾距慢慢过渡适应咯。哎定系澳洲朋友寄左一箱返去。

以上观点心得纯属经验之谈，只可以做个参考，毕竟每个BB都唔同。身为父母噶我地多D留意观察BB噶情况，再综合分析做出恰当选择！！各位加油阿！！