叫条青仔打开危险灯，我地闪到一边等，企系路中心好危险嘅，万一又有失魂鱼撞上黎，无铁皮包住挨一野，就惨喽。

好快，10分钟唔使，阿SIR黎到。
收证件，影相。
阿SIR问：点啊，倾唔倾得掂啊？
我：你睇佢个样啊，行埋一二边，好唔关佢地事咁，我想倾，人地唔睬我嘛。
阿SIR，咁就返交通队啦，跟住我地部车行。

个阿SIR好老脾，见到条友好后生，乜都唔识，叫佢同我私了算数。
部货车的老细也跑来了，查看了一下，说没怎么花啊。
我说还要怎么花，两个牌印印到正一正，旁边还掉了漆。这样子要喷，就要全杠喷，算两个部位，一个部位就是3、400文

阿SIR话，现在是货车全责，你话要几钱先可以处理得到。我说最起码要500啦

货车个老细弹起，“哗，使唔使啊，全车喷啊。”
全车喷，承惠4500啦，你部烂货车就唔使理，我部新车黎嘅。

“我最多俾你300咋。”

阿SIR话，你话500，你话300，咁就400啦，得唔得？
我得啊
果个缩骨老细唔肯俾，肇事个青头仔傻下傻下，乜都唔识。再少，我也不肯了，就僵着吧。

顺德的阿SIR脾气又真系好，碰到呢咁样嘅司机，仲好得闲同佢讲利害关系。
条友已经叫埋保险公司黎了，呵呵。
阿SIR激死，话佢俾工夫佢做，叫我做足滴，可以申请扣车嘅，空拖费，停车费，乜都入佢地数。
我谂佐下：“好似我条腰有滴赤赤地添。”阿SIR话，系啊？咁就要去检查下啦。使唔使叫救伤车啊？都系佢地出钱嘎。

条青头仔听到脸都木埋。

阿SIR又话啦，你地倾唔掂，我就开罚单啦，200文，保险无得报嘅，你全责，第二年的交强险要加费。扣车，定损，明天你们再过来处理。

我一听到又要行多一转，激死，即时就话：“好，咁我就打的来回，拿**叫你报销。再去医院检查身体，你又要报销；再出误工费，反正我税单乜都有，都让你报销。”反正要花时间，我就花多点，把这些流程全搞清搞懂好了。我有的是时间，你货车扣在交通队，看你还要不要吃饭了。

条青头仔听到眼都定了，死死气同阿SIR讲，等下先啊，我再同老细倾下啊。

果个缩骨老细，闪埋一二边，唔理个青头仔，好明显，就系叫个打工仔自己埋单啦。
最好笑的是，个青头仔好唔顺气，讲：“我俾佐钱你，你系米一定去喷漆先？”
笑到我跌地，乜逻辑都无，就唔好开车出黎周街行啦。撞人车，要赔钱，我拿到钱做乜，关你乜事啊？神下神下，弗弗地。同佢讲多都晒气。

都系阿SIR好老脾，讲啊讲啊，最后个青头仔自己出佐350，我好肚饿，费事同个无脑人晒口水，收佐就走啦。
明天去4S点，点下漆，打磨一下，虽然不能完全恢复原样，不过应该也可以过去眼，几十文就可以搞掂。。。

其实，责任好清楚的，部货车司机第一时间道歉，认责，直接私了，大家就悭番好多时间。
又或者叫佢的保险公司来，保险公司直接定损，押200文俾我，大家就可以散水。我去4S店修好后，俾修车**佢，佢俾钱，再向保险公司索赔，自己就唔使出钱。
不过有些保险公司核赔一定要事故认定书。。。那就没办法啦，一定要报警出责任书，无喇喇就无见200啦。

车走在路上，有时刮蹭碰撞就是难免的了，最紧要唔好慌张啊。
先睇事因，认责，如果系责任清晰的，自己全责，最好就态度好少少，先CALL保险公司，费事大家麻烦。
互有责任的，也可以CALL保险，协议互碰自赔。叫阿SIR，就有出罚单的危险，费事贡献俾国库啦，大家都无着数。

开价要有谱，俾钱也要有数，所以平时要对车子的维修价钱有个大概数目，唔使做水鱼。

算个青头仔好彩，我果日心情都几好，又撞到个好脾气的阿SIR，就佢咁嘅态度，嚣到死，以为有老细黎，就可以有靠山，咁鬼串。如果我心情唔好，嫐起上黎，就同佢玩到底，睇下边个得闲又得米。

点漆，打磨，又唔使焗。。

因为我的车门花了一大片，自己倒车刮墙刮到的，已经报了现场，还没有去定损维修 。
顺便叫佢地一齐整埋。

千奇唔好激啊，一激就失策啦。

因为我提车一个多月，自己到处刮蹭，个个星期都要去4S报到，
一报到就东问西问，左问右问，一有事，第一时间就打电话俾理赔员问，问得多，就清楚啦。

上周三，我刚好自己刮了墙，报了现场，那中保公司的理赔文件袋上把流程写得很清楚，我在佛山等人等得无聊，详细的读了三遍。。。

今日开去4S店了，说后杠要全喷，最少要480。。。。
不够钱，跑到白云国际会议中心找个根水泥柱，倒车倒车，报保险。

我想话系死靓仔，貌似有歧义。。。求其用佐一个词代替
楼上思想境界要提高啊，楼主是个思想纯洁滴银。

这追尾的事情，发生了第一次，就接着有第二次啊，还有第三次的说。。。。

我跟住同佢讲，你净系报保险唔得嘎，就算系报保险，你都要俾押金我嘎。
我修完车，就俾发~~~票你，你再俾剩余滴钱我，你拿住**再向你嘅保险索赔。唔係咁样，我申请扣你车嘎。
眼镜仔话：吓？咁样嘎？咁点算啊。
我：你叫朋友拿钱来啦，我地私了，就最干手净脚。
眼镜仔：系哦。

拿拿淋打电话。讲佐半日，先讲明白具体地址系边。

点知道无耐，阿SIR开部摩托黎佐。
我问，你报佐警咩？
系啊，保险公司叫我报警嘛。

我就晕。。。。

阿SIR一落车，咔咔咔，几张相。行埋黎，即时就话：“你系咪钱多啊？想俾我罚啊，三角牌呢？不放三角牌，罚200。”
眼镜仔一听好惊，即时道歉。

阿SIR话，咁小事，你地私了算啦。
我话系啊，我要200就算了。不过佢唔袋钱系身啫嘛。
咁你地开埋一边，我开处理单啦。

咋咋淋开埋一边。
阿SIR话：哪，如果我开处理单就加罚单，灯位前唔减速，罚200，唔放置三角警示牌，罚200。要唔要开单？你地系唔系倾掂数啦？倾掂就俾番滴证件你地，我走啦。

我系度掩嘴笑。。。罚款400啊，保险无得报嘎。
傻仔都拣同我私了啦。

跟住阿SIR打着部摩托，笑笑口同个眼镜仔话：下次啊，唔袋住一万文，都要袋住五六千先好开车出门口啦。

无耐，眼镜仔的朋友来到，睇佐下：“边处使200啊，求其100算啦。唔系叫交警，拖大家车嘎。”
我笑住话：交警黎过啦，又走佐。不过你可以试下再叫佢番黎嘅。我无乜意见，你中意俾阿SIR罚400咪叫喽。

佢呆佐下，系包度拿200出黎。我即时就走了。
佢保险公司的车也到了，不过无用啦，无交警处理单，保险公司唔报嘎。

浪费我大半个钟时间，真是的。

[ 本帖最后由 陆杨 于 2010-8-3 11:20 编辑 ]

今朝早，第三次俾人追尾，睇黎我驾车好有吸引力。。。。