我地D美赞臣一直都系香港万宁或者屈臣氏买，之前叫人帮手系香港买美赞臣A+3安儿宝，试过几次佢都系屈臣氏买，所以都几信得过，但系今次佢竟然系药房度买，而且我仲发现对比起我自己系香港买嘅奶粉，佢系药房度买嘅有一罐罐上嘅字体印得比较模糊，睇耐D仲会有头晕嘅感觉，盖面英文比较突出，个心一直都唔安乐，惊住买到假货，好彩买咗2罐，自己大人仲可以快快脆脆消化咗佢。跟住今朝就试下打香港美赞臣公司电话去咨询一下，打咗个几钟头都打唔通，下午终于俾我打通咗，得到结论：

1、香港仲未出现有假货，只有水货同行货之分。行货就系罐上有中文繁体及英文字，水货就系全英文或其它国家文字。
2、罐后有查询号，睇下是否佢地公司个电话号码25106321。
3、是否荷兰制造。
最后，建议食返国内生产嘅美赞臣奶粉，可以食得放心（因有防伪码可以查询）。