有时觉得 人真喺好衰格  拥有嘅唔会去珍惜  冇嘅时候又死都想要拥有  有咗厌倦咗就丢开   漠视其他嘅生命
俾抛弃嘅老人家   俾遗弃嘅BABY  路上经常会见到  报纸都会   
俾抛弃嘅狗狗   经常都会见到   
点解我哋可以咁唔珍惜其他人嘅生命？！

寻晚见到2只狗狗 一对嘅  我跟住佢哋行咗一阵   确定喺冇主人家嘅   
囡嘅嗰只仲好瘦   一只脚受咗伤
2只好似好恩爱    比好多冇良心嘅人类要懂得咩嘢叫爱情
囡嗰只经常行行停停 乜都好好奇   可能喺因为好奇 入咗啲唔唔中意狗狗嘅人屋企俾打嘅？定喺因为好奇跌瀙嘅？
囝囝嗰只一路都会行下就停下等下囡囡    唔会话催佢 话佢  就喺会几步就停下 望住囡囡嗰只 等佢上嚟再一齐走
嗰种感觉   唔知点解 睇到想喊
咁懂事嘅狗狗     比人仲有感情嘅狗狗   点解会有人忍心抛弃佢哋？
如果冇心养   何必养大抛弃？
记得旧年话要开始办狗证嘅时候   广州出现咗好多嘅流浪狗   
NO  嗰啲唔喺流浪狗  喺俾人抛弃嘅狗狗
喺嗰啲贪好玩养咗   又惊死要出钱嘅人抛弃咗嘅狗狗

唉 可惜寻日啱好身上冇食嘅嘢   
几块朱古力又俾我见到佢哋之前食咗
好想俾少少嘢佢哋食 关心少少佢哋