开刀原来系唔痛架+女女的百日照（更新女女一岁相）
44784415怀孕妈妈
carrie83287月2号一早，就系我岩岩训着的时候，有个姑娘过来拍醒我，话：“你要验尿哦”，我“哦”左一声，就走左去柯尿。到8点的时候，姑娘又过来话：“要去照B超啊”，我又一个人傻下傻下甘走去照，心想“有无搞错，琴日先照完，今日又照，真系唔使钱咩”。照完B超出来的结果同琴日一样羊水少（琴日就知啦，又俾医院找笨），俾医生睇结果，个医生问我：“你想点？”，我话：“我梗系想顺啦”，医生话：“甘好，而家帮你吊催产，如果催唔到，你都系要开刀”，我话：“哦”，返到病房，姑娘就来帮我吊针啦，呢个时候我老公就到啦（据就欢啦，我琴晚系医院眼光光，据就系屋企睇X级的碟，我真系顶据个肺啊），9点开始吊到12点期间，我一直都做住胎鉴，不过胎鉴情况唔好，个BB（果时未知仔定女）的心跳有时160-170，有时有铁落100-110，真系坐过山车甘，不过当时我都唔知惊，因为成朝都未吃过也，所以我就叫老公去问姑娘我可唔可以吃也，姑娘过来看左一下，就话：“无问题，吃也拉，唔系一阵会无力生”，听到话吃得，我老公就鸡甘脚去买（因为据都饿），12点40分，当我吃完饭正想训一训的时候，我的主治医生就走过来话“你都系唔好等啦，你个胎鉴真系唔好，开刀啦”，我望一望我老公，我老公就同我讲：“开啦”，甘我就答：“甘好啦，开就开啦”。讲完我就打比我啊妈，我话：“啊妈，我而家要入手术室开刀啦，个医生话BB的胎鉴唔好，顺唔到啊。”，我妈答：“开中好啦， 唔使等甘耐又唔使痛，唔使惊啊你，好快就出返来架啦。”其实我知惊果个系我啊妈落，据中扮定来安慰我。2分钟后，我都未反应过来，个姑娘就过来帮我消毒阴部，插尿管，我同姑娘讲“我想柯屎，等我柯左先”，个姑娘话“你唔急的，心理作用姐”，（我顶，急屎都唔俾柯）。正想饮水之际，隔离床的妈妈话“你开刀啦哦，中饮水，你唔怕呕啊？”“下，饮水都呕，我刚刚吃完饭米好大镬”。一轮冲锋后，就俾人推去手术室啦，入手术室途中，个心开始加速跳动，话晒第一次，梗有D惊。入到手术室，直情系惊落，心想可唔可以唔生啊，成间房就好似妙手仁心甘，好似好难先出得去甘哦。系我中惊紧的时候，个姑娘已经将我移到手术床，跟住就起码有10个人围住我（其中3个系麻醉师），呢个时候开始，有人问我也，有人帮我整血压，有人帮我整心电图，之后有个几靓仔的人拿左几张也俾我签，我问：“咩来架？”，据答：“你唔使理系咩，你老公叫我唔好同你讲，你签就得啦”，（哗，大佬，条命系我的，点解唔话我知先，我老公系娶左我，唔系买左我哦）当然，呢D说话我梗系无讲出声啦，唔系一阵据落多D同落少D麻药我都死得啦。签左死亡纸（我觉得无咩分别）之后，就有3个彪形大汉围住我，笑笑口甘讲“唔使惊，第一次系痛D架啦，放心交俾我地啦”。（呢D说话几容易令人想歪呢）。其实麻醉比我想象中容易，只是比人系腰到吉一针，好快由胸以下就已经无晒知觉，呢一刻真系可以体会到无知觉的可怕。呢个时候，妙手仁心里面的重要角色出现啦，我见到医生就同距讲：“我可唔可以唔生住，我想柯屎。”个医生同个姑娘讲同一番说话，话：“心理作用姐，你唔急的。”我想一想再话：“唔系呢，你俾我出返去先啦，我而家好惊啊，你俾D时间我做心理准备先啦，我唔想生啦。”医生望住我讲：“甘我无办法啦，一系你自己爬出去啦，打左麻醉我地抱你唔到，你知你自己几重架啦。中想借屎遁，想你都唔好想啊。”呢个时候，徐左我，成间手术室都笑晒甘，我呢，梗系收声啦。5分钟后，手术开始了。
首先，你会感觉到有人用刀裆开你的肚，当然系唔痛的，跟住，就有人系你个肚到搞下搞下，3分钟左右，突然觉得好似有人压住你个胃甘，有少少呼吸困难，30秒左右，就听到我可爱的BB的哭声，听到哭声的时候，个心放左一半，跟住就好心急想知系仔定女，因为我个BB哭声真系好大，我心想呢次无死啦，中唔系仔。等啊等，等啊等，中未见人抱个BB俾我睇（放心，呢个时候我个B的哭声未中断过），应该系同BB做紧检查，15分钟左右，终于有人抱过来俾我睇啦，远睇，个BB的皮肤好白（似我），中有就系，D头发卷卷的。姑娘抱到我身边，俾个BB的pet pet 我睇，跟住问：“你睇下仔定女”，我望左一眼，心情由高跌落到低点（就是因为呢个心情，我而家都觉得对唔住我可爱的女女），然后我好细声讲左句：“女”，跟住姑娘中俾女女块面我锡做一谈（当然，我中系失望当中，果一谈我真系唔系锡得好情愿），锡完之后，个BB就俾人推左出去啦，果阵应该系3点左右。系我联针期间，我个心一直系到想：“死啦，女哦，老公唔知中唔中意呢，啊爸啊妈唔知会唔会失望呢（全家都中意仔，陀的时候的特征又系仔，而家证明我的想法系错的）”，直到3点半左右，先到我俾人推出去，见到我老公，我老公问：“你有无事，生左个女啊。”，我问：“你见到个女未啊？”，据微笑答：“见到啦，好白架，不过点解D头发系卷的？”，我话：“系落，都唔知点解。”，跟住隔离个姑娘就讲啦：“唔好同距讲甘多野，唔系会入风架。”听完之后我D两个都收晒口。呢个时候我爸妈依然未到，事后我问我老公一个人系出面等惊唔惊，据答我话：“开头唔惊架，不过后来见到个女出来你中未出来就开始惊啦，唔知你系里面点架嘛。”，难为据啦，不过我真系唔想通知甘多人，费事要人担心啦，而家生完再通知几好，起码个个都系开心无担心先，系呢到要俾个good我同我老公先。
入到病房，老公同姑娘一齐将我抱去张床到，呢个时候只脚有返D知觉，伤口依然无感觉（用左镇痛泵），不过我老公就话我面青唇白哦，我中要继续做心电图同吸氧气，呢个时候我累了。当我想训的时候，有一个白衣天使走过来，系同我倾紧计，睇我伤口期间，突然一只手按我个肚到，“哗，好痛啊。”，“唔按唔得架，D血唔会出来架。”姑娘话。果种痛真系形容唔到落，我就宁愿俾人开多刀都唔想俾据按。据按完我即刻哭，我老公就系我隔离讲左一句好MAN的说话：“唔使惊，老公系到。”果一刻个心系好甜架，不过过后想返，我就觉得呢句也系废的，点解？因为：你系到又点啊，系到个姑娘可以唔按我咩？系到俾人按就唔痛咩？系到你会打按痛我的人咩？系到你可以代替我俾人按咩？既然咩都做唔到，甘你系到有咩用。当然我只是心想，唔讲出口，费事hurt据啦。
跟住个几日我都算掂架啦，第二日就落床（不过落床讲野无气），当晚就放屁（放左先可以吃也），我中记得，当晚的凌晨3点40分，我求个天，话“求求你俾个屁我啦，我真系好肚饿啊。”讲完无几耐，我就放啦，系呢到我要多谢上帝。放完之后我即刻同我老公讲“我唔理你用咩方法，你而家即刻去买野俾我吃，我就来饿死啦。”最后系老公的努力下，买左3个蛋糕+一杯牛奶俾我，呢个系我吃过最好味的食物，个味道我而家依然记得，肚饿的感觉真系难顶。到第四日，我就可以出院啦，个同房都话我厉害，甘快走得。
系住院期间，真系要赞下我可爱的老公，由于我开刀，恢复得无甘快，所以真系靠据照顾个女。个女第一次喂奶，第一次换片，第一次冲凉，第一次游水，好多好多的第一次都系靠我老公搞掂的，所以据而家中熟手过我，老实讲，据真系一个好好的老公同好好的爸爸，个女而家2个几月，我同女女都系靠据照顾，唔系好多男人做得到的，又或者讲好多男人唔会做的据都做到足，我真系要俾90分据落（扣10分系因为据锡个女多过锡我），有时个女唔肯训，据惊个女吵醒我，会抱个女出去行下等我有觉好训，有时都会几感动的，虽然我都系会日日闹据同点据做也。有左个小朋友，系辛苦D，不过只要个女对我地笑一下，就真系咩都抵返晒。到42日复检的时候，我第一句就问医生：“我几时可以再生？”医生笑笑口答：“你唔怕啦？”我话：“因为我惊我个女女大左会寂寞，所以我要生多个。”医生话：“一年啦，一年就得啦。”呢一刻，个心依然系甜的。
女女，呢篇也系妈咪特登写俾你睇架，你知道嘛，妈咪为左你个肚多左条10厘米长的疤痕，要知道妈妈系几辛苦生你出来，爸爸为左你咩都唔买俾自己，就系为左尽自己能力俾最好的也俾你，尽心尽力甘照顾你，以后你都要锡我地哦，你知道未啊？乖女
[ 本帖最后由 carrie8328 于 2010-11-15 15:14 编辑 ]
2010/09/21
全部回帖
多谢两位妈咪的赞赏
2010/09/22回复
可能因为我个女似爸爸，所以好似男仔甘
2010/09/22回复
顶顶顶
2010/09/23回复
真系好耐无写甘长的文字，要多多练习
2010/09/23回复
顶返上去先
2010/09/25回复
上啊
2010/09/26回复
我陀的时候无论饮食习惯、肚形、怀孕后的特征都系仔，所以全家都以为系仔，而家知道呢D都系信唔过的，生出来就最真
2010/09/27回复
顶顶顶
2010/09/28回复
carrie8328楼10楼我要多D人回复啊
2010/09/29回复
carrie8328楼11楼系广医一院生的，恢复得好好，我系竖切的，系医生建议的
2010/09/30回复
carrie8328楼12楼甘应该标题改咩名呢？
2010/09/30回复
carrie8328楼13楼恭喜大家都有个好老公
2010/10/03回复
carrie8328楼14楼点解无人？
2010/10/04回复
carrie8328楼15楼顶返上去
2010/10/07回复
carrie8328楼16楼我系广医一院生的，胡医生开刀
2010/10/17回复
carrie8328楼17楼好多谢甘多位姨姨的赞赏
2010/10/23回复
