cici1590
cici1590楼
7之前都有预计系多云天气的，点知去到阳东，空气骤冷，仲有零星小雨添。下午我地去珍珠湾玩水，好多人都无法落水，非常可惜。第二日天气仲更加差，成日落雨。连原打算去东平果个码头睇下都无用，实在无野睇。大家都显得非常失望。
讲下住宿啦，住宿就无乜野的，都好干净好整齐。原来打算订可以上网果间酒店的，但距无甘多房间提供俾到我。我只能拣左河堤果间酒店。价钱就平好多。就系离镇有D距离咯。
讲下游玩啦，因为当时天气好差，温度降低好多度，下午去珍珠湾玩时，都未能尽兴，特别系小朋友们，只能系沙地玩沙。
7 再加上落下零星小雨，更加天气冻左。五点钟就上车番回自己酒店啦。第二日原打算去大澳村逛下，点知一早就落雨，甘就打算去码头行下，点去左码头的妈妈们反映无东西可睇，因为刮风，渔船无出航。只能提前退房，大家去镇上逛下顺便食个饭啦。点知镇上D铺头唔集中，再加上感觉无沙扒甘方便，无乜野可以购买的。我地食完饭后，一点钟就上车走人啦。
6 讲到食，非常觉得失望，根据去过MM们介绍，价钱应该唔会话贵过沙扒好多的。但事实上好差。系依果方面我真系要讲下。因为整个旅程方面因为天气问题无法游玩过，但自己想起码系食果方面都可以补偿下啦。
点知第一日中午我地去到当地渔排食饭，根据我之前做的资料，就去58号渔排食饭。去到之后，发觉D海鲜超高价。价钱系沙扒的一倍有多，再加上海鲜种类太少了。无耐之下就点左黎食，第一餐饭，我地11个大人2个小朋友，埋单要500蚊。依个价钱系沙扒可以食到两餐的海鲜餐啦。
到晚上，我地选择第D渔排食，发现仲差，海鲜种类超少，仲有最气愤就系，对方话明，唔炒任何菜色（非海鲜类）除左青菜。连炒饭都唔会帮手炒的。加上剩番海鲜种类少得可怜。价钱高消费，你见过花蟹要卖成50蚊一斤未呀？仲要俾气你受。真系食得好唔开心呀。经过之前两次食饭问题，我地就问果D三轮车D人，距地话本地人系唔会去渔排食饭的，只会系镇上食的。甘第二日中午，我地就相信当地人一次啦，因为已经对果D食海鲜地方好失望。结果果日中午，我地去左镇上一间叫“粥城”餐馆食饭。去到发觉海鲜都系好贵，普通炒菜价钱同系番自己屋企依边酒楼价钱一样，有D仲贵D添。不过相对比系渔排D价钱就好左D，起码我地280蚊就可以埋单啦。但大家兴致已经无乜啦。
经过依次东平行，我发觉果边有几点问题：
1、当地人样样计钱，但质量又唔系好好。依样反映左我地去珍珠湾。门票系收15蚊1人，我仲要系买团体票的，打了八折就12蚊一人，入到去乜野都要俾钱使用的，连去个厕所都要俾五蚊。仲要态度不是很好。海滩环境又唔讲得话太差，但系就沙粗，有好多碎贝壳。
2、镇上的交通工具：三轮车，依种三轮车唔同沙扒果种，只能坐3个人。仲要价钱都唔平，由我地住酒店到渔排要收5蚊一车，不能坐多于3个人，甘一来一回就唔化算，我地只坐左一次就唔再坐啦。而且依种三轮车好像唔多安全。
3、镇上买卖太小了，无论市场或者商铺，作为一个渔村，理应渔产较为丰富，但镇上就零零散散几间卖干货的商铺。唔集中，而种类好少。市场都无乜野卖。连购物欲都无。
4、当地海鲜平价可能只针对当地人有优惠，对于讲广东话和普通话的相当不利。无谂过依个小小渔港，海鲜价可以比得上闸波。
8 总结，我唔会去第二次啦，系依度，非常对同行甘多妈妈同埋小朋友十分之唔好意思，令依个旅行十分唔开心。真系对唔住了。
希望大家唔好怪我，我自己对此真系心有内疚！
[ 本帖最后由 cici1590 于 2010-10-7 23:31 编辑 ]
