芝士熊宝宝
starhoung我都准备在珠江新城啊~~~医院好唔好啊~~~有无好医生介绍啊
恭喜你啦~~~荣升做妈咪~~~
阿妈返到来之后了解左下情况，决定叫老豆提早返来准备定送我入院，同时叫我系唔痛嘎时候快D去冲凉洗头。捱到四点几，老豆同妈妈搬埋入院要用嘎大包细包（好似去度假甘）出发去医院。因为系星期六，所以医院得急诊。挂完号入去，护士循例问下阵痛情况，然后话：你呢个时候应该为得，起码两三分钟痛一次或者五分钟内痛两三次，每次30秒左右啦。我叫医生落来帮你检查下，睇下可唔可以而家收你入院。（天阿，居然俾我遇到要跑两次医院，被打道回府嘎情况）。
好唔容易等到个医生来到，甘岩又有个破水如来打左尖，我唯有系床度继续痛住等。距终于如来啦，然后距带上手套帮我检查开左几大，哇……终于体会到传说中检查开宫口嘎痛，原来真系好痛噶！D医生都系奸噶！结果痛完（两种痛）一轮，距真系话：你未开到宫口阿，而家入院你中有排等，返去先啦……好多人有假痛现象，即系入左院之后就又唔痛了。我晕
，唯有返去啦。其实系出医院门口已经觉得又痛得多左了，唉，甘搞搞，中有个阿sir来鬼鬼鼠鼠抄牌，来转个圈不但未入到院，中要没左200大洋！
之后好艰辛捱到上8楼，阵痛也越来越密越来越痛，痛噶程度系要抓住老公，企系度弯住腰甘捱过去。都应该有5－10分钟一次啦。正式坐立难安，难以形容噶痛，反正老公肯定俾我抓到手痛，（唔好意思啊，你就再忍耐下啦
）。系唔痛噶两三分钟内，我好想吃花生，疏打饼，珍珠奶茶，所以我系先有噶资源度吃左花生，饼干同啊妈靓粥，因为我知道我需要力量，我要生BB出来了！
好……痛……，啊……～～，呼……呼……，救命啊……
简直系8级痛楚。捱到7点半左右，等屋企人吃完饭，都系一定要入院啦，而且甘岩老豆出去吃餐饭噶时间，认识到个院长，叫距打定招呼，一阵去到点都要住左先。其实我当时觉得即使唔稳人，我甘噶状态去到都已经可以马上入去啦！落楼梯要慢慢逐步来，然后到左4楼中痛到忍唔住呕晒吃噶野出来……路过噶人都紧张埋，有个阿伯话要帮手就出声啊！（我没力讲啊）
再次踏入门口，我又系门口度痛左一阵先慢慢行入去，后来还是要个保安稳张轮椅来推我入去！又系果个医生，距又来检查一次，终于系8点半左右：直接送距上产房！
呢个时候我已经可以话系5分钟痛2、3次，痛起来腰心腰肺，抓住老公已经唔够，我要抓埋旁边D铁通先够解痛甘。中间有护士来帮你抽血检查，又要你系痛楚中起身留尿液送检，简直折磨。顶……我已经满头大汗，阵痛不断，再次检查先话开左3公分，中要捱几耐先开到至少8公分啊？！天……啊……，好～～痛～～～啊，救～～命！！！！
我噶顺产想法开始动摇，我叫老公不如剖腹啊，然后又建议不如打无痛分娩啊！！！呢个时候我每次噶痛都开始带住便意，但系唔可以用力！系思前想后左好几次，问埋人意见后，老公话不如再忍忍啊，无痛要打脊椎，怕有后遗证啊！好，听公公噶……
再过左唔知几次阵痛，终于我妥协，我要打无痛！可能老公见我真系太辛苦唔忍心吧，死话：好好，等多阵，我去签字然后叫医生来帮你打针！ 针开始发挥功效，缓解左10级痛楚变为8级，正当我准备接受后面漫长噶在疼痛中等待噶时候，个护士突然走入来，话而家送你上产床！啊……我没听错啊嘛？我好似先刚打完无痛10几分钟，打噶时候先话开左3公分，而家就话开左7公分，可以上产床……～～
，我没听错吧，我中要系最后一个入产房，第一个上产床！呵呵，好啊，甘即系话我就来解放，我就来可以见到BB，我好兴奋啊，不过也都在痛！
从呢张床被搬到产床，助产士开始准备好机器，用品，药水等，然后叫老公俾朱古力同红牛我饮。老公话，你爸爸去买时话没朱古力，得巧克力哦，晕……中有心情讲笑～我用力甘吸左几啖红牛，发觉好饮过以前哦，呵呵～！
助产士教我双手抓住床两边扶手，尽量打开双腿，系阵痛果下向下方用力，而且唔好叫，一定要憋口气至少10秒，千其唔好漏气啊！嗯，我尝试下啦!抓住扶手，吸气，向下用力……头几次我都系顶唔住，先憋住气几秒就要松开，后来我不自觉甘咬住嘴唇，隐约中好似听到老公叫我唔好要嘴唇，再试下谷气然后用力！经过唔知几次尝试，好似听到助产士姐姐话对啦，系甘用力，再继续加油啊！就出来啦，见到头仔了～！死啦，努力左甘多次中未得，唔会到最后先要我捱一刀吧！唔得，为左呢啖气，我要再努力。
（其实林返起当初，我话要顺产，家姐话好多人都顶唔顺会剖腹，唔使林啦，肯定要剖。听左我好唔份气噶，你自己剖腹点解就要话我都要剖哦，我一定要顺俾你睇）
系最后再经过两次努力下，助产士系下面接住，再轻轻一拉，突然肚一松，感觉里面一盆水倒左出来甘！紧接住听到BB哇……一声大喊！BB，你知道妈咪辛苦，终于系11：40分噶时候出来拉。真系松左一大啖气，之后要做噶工作就系将剩低噶胎盘取出，检查有没出血过多，因为侧剪左，要缝针！搞来搞去，我已经没力气再去痛，比起之前噶痛，已经系小巫见大巫拉！！
最后搞掂晒，观察左个几钟，没事，我终于系凌晨1：30左右被送到7楼病房休息。唔知点解，阵痛噶时候一唔痛噶间隙，我好想好想训觉，而家解放左拉，反而一D睡意都没晒了～！干脆就同所有亲戚朋友发短讯报喜吧～～～！！
本来BB马上可以同我一起返病房，但系由于出来噶时候医生话羊水混浊度三级，需要去儿科观察一日，没事再送上来。唉，之前一直都没破水，结果BB系里面太耐拉！好在BB观察左一日之后中午就送返俾我地了。不过也系我地另一个痛苦噶开端咯……呵呵！
后话：今日已经出院一周多了，本来BB系医院都好乖噶，唔会特别爱哭，喊时送去BB饭堂吃奶粉，再换个片片，之后就好满足甘训返。但系返到来，距成日都想吃野甘，吃完就拉，一次可能要换3次片。然后晚上不定时醒，醒左又闹，吃过奶、换过片，都中系唔肯训，后来再搬埋上我地床一齐训。前两晚，老公终于顶唔顺胃痛了。距从我生果晚就一直陪住我，系医院又要半夜起好多次身帮手凑BB，返到来都系要帮手，因为我要坐月要多休息。不过讲真，我坐月都坐得好辛苦啊，BB噶野全部亲力亲为，半夜也自己起身喂，唔够再叫老公开奶粉，既训得少也唔够训。
系前晚，我发牢骚了，捉住BB叫距唔再喊，再喊就打噶拉。结果老公拉住我！后来见BB甘唔听话，老公又累到胃痛好辛苦不过唔甘讲，我忍唔住，喊左！生BB果晚痛成甘，我没喊，呢晚却因为凑BB，喊了！
后续付上BB近照一张！
[ 本帖最后由 芝士熊宝宝 于 2010-11-5 23:28 编辑 ]
芝士熊宝宝楼
reneemyy
麦当娜一吻
阿牛88
米饭_gz
yen_0714
tubyleung
KASU
猫GGG
湘琳MM
MapleLau
贝壳小白兔
april617
小米11
