真幸福

我岩打完边炉，过来睇下你地今晚食咩~呵呵

是日晚餐：杂菌炒田鸡+番茄煮牛肉+粟米饭

几日无煮饭喇，唔系翻妈咪度食就系出街食，今晚老公煮翻之前打边炉食剩既食材，依然好味啊~~







[ 本帖最后由 winkykan 于 2010-12-16 20:51 编辑 ]

睇完你地啲田鸡杂菌，我今晚食鱼头杂菌煲~嗯，唔错！

今日同老公去咗闻名已久既Kitty甜品屋——Sweet，3点半去到仲未开门，但系门口已经有成30人喇，发生咩事？？原来都系度等开门啊！真系唔系亲眼见到都唔敢相信啊~~等咗一阵终于开门喇，大家各自稳位坐，MM居多，个个都罗住相机周围拍拍拍，都系有备而来的。依间店对Kitty的死忠黎讲简直系圣地啊，里面有好多Kitty既摆设，超有feel，D野好唔好食都系其次啦，黎睇野多过想食野既。

等开门盛况



就系依间喇~~



听讲系招牌美食，芒果小丸子，￥12，D小丸子系细细只既无馅糯米汤圆，芒果好甜，唔错，但系小丸子有D痴牙



红豆雪山沙冰，￥10，好奶，对于唔多中意奶既我，表示非常一般



芒果布丁，￥8。Kitty迷必点喇，外卖比个病人食既，佢话好香奶味喔，而且外形超吸引啊~



总既黎讲，一般般啦，价钱唔算贵，味道不过不失，都不失为Kitty粉丝小聚既好地方既，不过要提早罗位咯。

[ 本帖最后由 winkykan 于 2010-12-19 23:02 编辑 ]

食完甜品之后饱到傻咗，一D食欲都无，本身林住夜晚唔食野架喇，但系老公话宜家话饱，一阵就饿架喇，甜品唔可以当饭食架！佢提议煮饭我之前既得意之作——泰式柠檬鱼，开胃下，今次我可以写到做法喇，因为自己做过，嘻嘻~~

半成品



完成喇~~



里面仲有我最爱既鱼春啊，宜家望见又觉得饿喇......



仲有妈咪之前罗黎既爱心番茄牛骨汤



依个餸要准备既材料比较多，但系做法好简单，大家一齐黎学做啦。至于材料既分量可多可少，睇个人口味，我就唔一一说明喇。
材料：鲈鱼一条，蒜蓉，辣椒蓉，姜丝，葱丝，香菜，洋葱丝，柠檬片，香茅
调味料：鱼露，柠檬汁，糖
做法：
1. 鲈鱼清理干净后，在鱼身上划3刀，抹少少盐上去备用
2. 所有调味料加上蒜蓉、辣椒蓉、香茅落锅煮匀，调好味备用
3. 用碟放入姜丝、葱丝、洋葱丝铺底，放上鲈鱼，再淋上做法2既酱汁
4. 将鱼放入沸腾既锅里面，蒸15分钟左右，熄火再撒上香菜同柠檬片就完工喇~~

Winky，可能给Kitty甜品店的具体位置吗？

就系江南西百搭果后面，好易稳架咋

平安夜同闺蜜一齐去FB，大开杀戒之后去咗惠福路食海南鸡饭，超正啊。套餐￥25，一碟海南鸡饭+一碗汤，仲跟3种酱汁。依个价钱，依种出品，只可以讲系超值！睇黎会变饭堂喇~~

地点：惠福路（近北京路，旁边系大禾），瑞记海南鸡饭



[ 本帖最后由 winkykan 于 2010-12-26 23:29 编辑 ]

前两日老公煮咗雪耳糖水比我滋润一下，果然心有灵犀啊，又知道我想食既~~好润啊，不过水就少D。



跟住寻日，老公要加班，我一个人系又照版煮碗，按照自己既口味煲咗一大煲，大家话我两个边个煮得好D啊？依个系我处女作啊，第一次煲既，有D天分吧？？



今晚食埋剩下既，仲加咗只蛋，当礼物咯，呵呵~~各位圣诞快乐啊，Cheers！！

LZ继续加油, 一定会越做越好的.

强烈要求张生打包返来！

左看右看~大厨近排冇新作哦~

借你张海南鸡饭图片用用 唔该晒 嘻嘻

帮顶。。。。

小威原创
广州人和网-人和镇

店名：粥香居
地址：江南西路紫山大街101号（润汇大厦旁边条路入）
点评：依间店应该好多人都去过架喇，我地都成日去既，次次都超多人架，价钱稍贵，但系出品对得住个价钱架，超大件！
推荐：三酱肠粉、各式生滚粥、菠萝包



[ 本帖最后由 winkykan 于 2011-2-16 21:14 编辑 ]

1月份去咗两次HK，除咗疯狂购物之外，仲疯狂食野，因为真系太多好野食啊，恨自己无甘大个胃！就等我系度慢慢介绍啦~~

1. 砵兰街某茶餐厅（唔记得个名喇，但系专食咖喱既）

行朗豪坊行到攰攰地，但系果度D食肆又好贵，就行出外面觅食喇。行行下就见到间食咖喱既茶餐厅，好多HK人系里面食野喔，一定唔会差啦，就依间啦！一个套餐都系30蚊港币左右，已经有餐饮+汤+主食喇，广州都无甘既价钱啊，而且超大碟啊。
特别推荐牛脷，真系超正啊！！



2. 大角咀埃华街肥强海鲜火锅酒家

依间酒家系朋友带我地去既价钱稍贵，但系广州一定食唔到甘靓既牛肉。第二次去HK都专登带爸妈去食多次。4个人大概5、600蚊港币，肥牛肉$188一盘，超大既一盘，而且都系厚切啊
特别推荐：肥牛肉、墨鱼丸





3. 观塘豪大大鸡排

台湾既产物，$25一块，足足有我两块面甘大，不过大就大喇，但系好热气，而且味道唔算好好食，所以都唔会再买。



[ 本帖最后由 winkykan 于 2011-2-16 22:24 编辑 ]

大厨真的有2手哦。