gachi
gachi楼"不过骗子要打长途去呃钱，都几重皮，呵呵"
系啊，可能甘样先觉得可信呱。
遇到骗子新骗法，大家多个心眼
394732谈天说地
前几日舅母接到我爸电话（不过唔系常用的果个手机）。大体意思是话我爸过左深圳，而家呢个系深圳的联络电话，听日出来见下，饮下茶啦。我舅母唔使做野，难得有人陪距，当然话好啦。
第二日，我爸打电话俾距，话而家入左公安局，需要一大笔钱保释。舅母回答说，舅父深圳人面广D，等舅父搞返你出来啦。结果我爸话唔使甘麻烦了，先过一笔钱入某个帐户就得的了。
呢个时候，舅父开始奇怪了：点解有事唔稳我反而稳我老婆既？
于是抢过电话问我爸“你老婆叫乜野名？”
“……唔系嘛，甘小事都要问我老婆？”
舅“好，唔问你老婆，你个女叫乜野名？”
“……”挂电话
舅父打个电话俾我爸的常用手机，结果，我爸正在爬白云山。再过几个小时打电话俾我妈，我妈话我爸正在家中泡茶饮……
我舅父话，果个人把声仲要好似我爸，而家全家人都唔明白，点解果个人会有我舅母手机，仲要知道彼此之间的关系。但而家回想起来，我爸未试过唔见手机，不过部手机几个月前去左换主板，可能俾人窃取左资料
所以大家的手机有关亲威的电话一定唔好写个关系入去，否则会俾不法分子有机可趁。
写左甘多，唔知语句通唔通顺，大家唔知睇唔睇得明。
2010/12/31
