莲花山疯狂食斋记

话说今日是农历十二月十五，对于我呢种虔诚的佛教徒黎讲，年尾肯定要去还神啦。莲花山我每年至少会去2次，目的都只有一个：就系拜望海观音啦。还完神之后，我突然觉得自己仲要做D野表示一下对神灵的尊敬，去食斋啦。。

呢间斋堂唔使多讲啦，去过莲花山的MM都知道，因为门票上面就有印着斋堂的“10元”代金券，以前觉得得旅游景点里的餐厅肯定好极有限，想象应该几贵的，所以一直没去过。

入到去发现：
呢间斋堂抵食啊！收费是有两种套餐的：
A、58元+2元茶位，全部餐厅的斋菜都可以任点任食，我睇过如果唔点套餐的话，最平的一个菜都要28元，多数都是48、68的。所以呢个比较抵食；
B、33元+2元茶位，选1个菜+1个汤

当时我同我LG已经饥肠辘辘，应该比较“擦”得，肯定A套餐抵食啦。

好，上菜啦。。。。

唔好心急，先睇下菜牌啦

第一道菜，是佛跳墙，里面有发菜、冬菇等等，仲有一旧口感、样貌都非常似瘦肉的野，味道唔算特别。

睇多张近镜
[localimg=448,336]5[/localimg]

第二道菜，叫“心无挂碍”，即是素海参啦，无乜海参味，不过好爽，唔知用咩做的。

第三道菜，叫“玉盘聚宝”，即是“素鲍片”，呢个菜灰常精彩，鲍片里面的包住的雪耳、云耳、杏鲍菇等好入味

第四道菜，叫“玉树罗汉”，其实就系菜心+冬菇，味道唔错，不过今日的菜心比我仲要老。。。

第五道菜，叫“彩蝶寻花”，中间的蝴蝶身是用青瓜+冬菇串成的，由于太饱了，我无食到。旁边果四旧野是粉丝+莲藕丝+芹菜丝，配合得好好，清淡得黎又唔觉得好斋。

我地2个人就食左呢5个菜，白饭是任装的，埋单：（58+2）*2=120蚊。所以当我地离开餐厅的时候，是揽住个肚的。。。。实在太饱啦。总的黎讲，呢间斋堂味道几好，因为距好多菜都系用豆制品做的，钟意清淡的MM就最岩。我LG就唔系太钟意食，因为距都系钟意食肉，虽然数量上食得好饱，但仍然好似无食到乜野落肚甘。。