只能帮顶了

帮顶5

我上个月9号先喺中医学院生完！我住同和呢边嘅，之前都谂住拣南方医院生，不过对比过，我仲係觉得中医院好！首先唔使好似其它医院甘多人啊，如果去妇幼之类排队排到你喊～甘样产检会好麻烦啰，嗮好多时间～仲有就係我对比过，同样係三维彩超，南方医院收500几，中医院300几。中医院提前1个星期约就得，南方医院要提前1个月。仲有我比较中意干净明朗噶环境，中医院噶就医环境就好好～同埋我一直都好信任中医院，我次次有咩小病小痛，一去中医院睇就好快好～怀孕期间我感冒咳嗽过两次，医生开噶中药都好温和，食一日就好啦～真係好有效啰～
我都唔记得产检费用有几多啦，唐氏我冇做，听医生讲係几百蚊、所有抽血项目的费用係一千几蚊、一次三维彩超300几，产前估重果次彩超又係300几，之后就都冇乜其它费用啦。每次产检有产前检查，听下胎心，测血压，称体重，费用係30，心电图係65蚊一次，最后一个几月先做的。做咗两次脐血流，一次係几十蚊～
D医生好好，好nice的。我睇开王淑平医生，佢好负责任咖～挂号每次4蚊。我都係拣星期三10点左右去产检嘅，基本上挂完号上到去就轮到我！
讲下佢噶产科住院部啦～首先我上个月8号夜晚11点开始有小小肚痛，好似M痛甘啰，痛到第日7点先去医院，当时去到产科果度，D护士见到我马上就带我入检查室，之后医生就到，我发觉得中医院无论医生或者护士都係生得好靓的，见到心情就好好，尤其係产科入边噶医生同护士啊～我妹妹都赞话点解呢间医院噶护士都甘靓～仲要好人，好有耐心～不断甘安抚我，鼓励我。我好怕痛噶，一入检查室我就喊住讲，我要打无痛，护士长过到嚟，佢话你唔使紧张咖，生仔係好痛，不过係可以承受到咖，一阵你要听我哋助产士噶说话，佢会俾到好多指引你，你会好轻松甘完成整个产程咖～其实打无痛唔係甘好咖，甚至有好多人打咗都係冇乜效果～你要相信自己。你宜家都好勇敢啦，痛咗一晚过嚟，我哋问你係咪好痛，你都话唔係啦，你宜家已经开咗三指啦，所以你放轻松D，一定会好顺利咖。我听咗护士长噶说话，就定咗小小啦～佢哋讲嘢语气真係好好，好似氹细路甘，听起身好舒服好舒服～之后护士同医生就不断甘问咗我一D相关情况，大概半个几钟后就入咗产房啦！产房都係好明亮噶，入到去唔会觉得有难受噶感觉，护士医生好照顾我感受，不断安慰同鼓励～一直都冇停过～个个都忙住帮我做检查检测～不过有个护士妹妹就唔知係咪新嚟噶，佢唔係好识打吊针啰，吉咗三下都吉唔好，搞到我手果条血管都肿咗，喊到我哇哇声～助产士真係好识安慰人的～总之我觉得佢好好，之前生噶时候，我睇人哋噶生产日记，都话助产士同医生都係好恶甘对大声叫噶产妇噶，但喺度真係唔会啰。总之佢哋噶说话会令你听得入耳，自然而然跟住佢噶说话去做。我真係十分爱助产士同医生吖～好多谢佢哋～你唔使担心佢哋唔够专业，总之整个过程我好顺利，我呢种连抽个血都流一大兜眼泪噶人，都可以喺助产士噶指导下顺产。所以佢哋俾到我噶力量真係好多好多咖～佢哋一直鼓励我顺，而且我生果时係大年初七，我老公偷偷俾利是医生同护士都冇个人肯要啊，我老公夹硬塞到佢哋袋入边，佢哋都好坚决掟返出嚟！我甘多个朋友喺妇幼生，佢哋俾红包全部都收噶·
我顺产总共喺中医院住咗6日，其实四日医生就安排我出院噶啦，不过我想留多两日，因为每日有护士嚟帮我照伤口，有中药浸脚，有贴子宫收缩贴。我觉得好有用，可以加快恢复，所以先住多两日的。6日出院噶时候全自费係4000蚊唔到～
仲有一样补充係果度要交300百噶护工费噶，因为佢有护工每日帮你换衫，指导你喂BB，照顾B啦。到出院时佢话我係顺产噶，又退返120蚊，剖腹产就冇得退啦～
就係甘多，有乜问题唔清楚就短我啦～

[ 本帖最后由 shadowfeng 于 2011-3-9 10:59 编辑 ]

5 恭喜

i不错呀。。

楼主说的好详细啊，谢谢分享！！