shadow1220今日一去 应该没下次了。。。
以前江南西果道出品确实OK 性价比几高 食到有VIP卡
but从今以后 再唔推荐啦！！！
细数原因：
一、食物质量下降
1、招牌菜青芥小牛扒：青芥无芥末味，就连我E个唔食芥末既人都可以入到口；牛扒唔似牛扒，无肉味，一叉就散开；最离谱就系垫底件木瓜，烂既明显有变坏既味道，唔舍得俾人食可以唔垫底，唔好连烂水果都照上啦好心！
2、黑椒牛扒焗意粉：芝士无以前拉丝既感觉，一块块硬佐咁；牛扒真系无晒意见，颜色同味道完全唔似牛肉，或者应该话唔似新鲜牛肉，好似烂布咁；意粉仲衰，未熟咁，都系硬既！
3、海陆空杂扒：铁板上要加4蚊，好多西餐厅都系加两蚊，或者加多几蚊换铁板系有太阳蛋配既，果道系加铁板加4蚊啥都没了；猪扒谐到无朋友；牛扒依然系败笔，无论叫几成熟都系咁熟既；鸡扒不过不失比较多油；就连配既肠仔都变晒味，劣质！
二、服务态度奇差（食物衰佐就算 就连态度都差埋 不如唔好做啦）
1、我哋有一个上佐2楼坐低先，我后到，一楼服务生大叫“楼上已经无位啦，你上去做咩？有无book位啊？”，顶啊！咩事啊你，就算我无人坐低先，你都可以客气D吧，上去唔系食饭唔通打劫咩。。。
2、坐低后准备order，但叫佐10分钟都无人得闲，到有人得闲啦，叫落意粉就写饭，叫落花茶就推荐芒果特饮；问有无wifi，问咩叫wifi，答距无线上网，距话楼下有，如果楼下唔系无位我哋都唔会坐2楼啦，贪你少服务员又无wifi咩。。。
3、上餐后问题升级鸟，花茶18蚊壶配2个杯（菜牌系甘写），距净系俾佐一只杯我，我哋3个人叫距罗多2只，距话等我执完台先；餐上齐啦，刀叉都唔够，叫距罗多套，距又话等我执埋先，顶啊！你唔至完，我哋系咪唔洗食啊？！起码你都识分先后啊，唔系无等你，而系你手脚实在太慢，执来执去都系隔离果张2人台！
4、花茶引发既问题都唔少，第一次叫距加水，加得唔算好满，准备放低既时候距倾斜佐个壶，D水倒佐出黎，顺其自然我放台面既嘢就有D不幸（好在我自己抹下就无事），但距仲叻，倾斜倒佐D水出黎既时候距仲继续放，D水继续倒，距睇到我D嘢受灾都毫无反应！！！跟住张台就成摊水，距无罗嘢黎抹翻去，而系去佐隔离执台，果摊水都仲系我哋自己抹既！第二次叫加水，距一句“又加”当时真系佛都有火，“系啊！又加，咁点啊？！”反问距。。。
5、顺便讲下团购，唔知系咪做佐团购，果道总体系差晒，有个服务员罗住沙律上楼，好大声咁话“边张台系团购架？”哇~咩事啊？！你唔识睇单咩，咁样大大声好厌烦咁问咩意思先~而且你咁样D口水喷晒落去，睇见都唔想要啦。原来系我哋隔离台既，距地果然系无乜点食，团购里面个意粉个男掂佐两下就无再食过。。。
总括黎讲 味道服务都系负分 唔会再去！！！以前对距既好评 加下都全部唔存在啦。。。如果肠胃唔好既 更加少去为妙，今天有人中招鸟。。。可能就系果D无肉味一叉就烂既“牛扒”惹的祸（因为成个白天就系帮衬佐果道）
shadow1220楼
曾几何时 我都赞距性价比几高
睇黎真系衰到无朋友
唔会有下次
我团了，准备下个星期用啊
