虽然话老话题，但系我真系顶唔顺咯。我老公坚持要同我老爷奶奶住一齐，自从我生左阿B出左月，我老爷奶奶成日好似无尾飞陀甘，话要有自己的空间同自由喔，都唔帮我凑B，搞到我要请个阿姨凑，亲戚个个问，点解你老爷奶奶甘后生，又同你住埋一齐，都唔带bb啊，比阿姨带点会放心嘎，而且又使多甘多钱，我都唔知点讲好。

我仲放紧产假，阿B出世到两个半月，都系我自己一手一脚带，记得阿B个几月个阵夜晚唔训，我晚晚抱住系厅行，我奶奶半夜起身去厕所，居然问我：“甘夜都唔训啊？”我当时真系好想问她，我晚晚都系甘夜训嘎拉，阿B唔训，我点训啊。未请阿姨个阵，要老爷奶奶日头系屋企帮手凑B，他们就比说话我老公听，话好闷，好辛苦，好委屈喔，我真系未听过边个老人家话凑孙好闷嘎，相反我阿爸阿妈，次次见到我个女，都好似见到蜜糖甘。后来无办法，请左阿姨帮手，老爷奶奶更加自由咯，晨早就出门，宴宴都唔返，返来就话玩到好辛苦啊，要训，训到食晚饭先起身，日日都系我同阿姨两个系屋企凑B做家务，难为我个阿姨，带B又包成头家务。我算好彩，请到好阿姨，如果唔系都唔知点算。

同我老公讲，他又话我唔迁就老人家喔，真系鬼甘激气嘎，我想叫我阿妈凑，但系老爷奶奶一齐住，连间房都无，点叫阿妈来喔，最激气系老爷奶奶仲觉得我阿妈点解唔来帮手凑BB，因为我大伯个女就系她婆婆从湖南上来广州凑，我老爷奶奶根本就无郁过手。个日阿姨喂BB食奶，BB食到成头汗，我老爷居然将个风扇定住个头净系吹自己，阿姨叫左三次叫老爷郁下个风扇，他都系挂住睇报纸睬你都傻，连阿姨都话点解爷爷甘自私嘎，个风扇净系吹自己。到宜家为止，我老爷奶奶连我阿B一餐食几多奶，衫裤放系边都唔知，我真系好担心我6.1返工之后，剩下阿姨一个带住阿B唔知会点。

头先同老公电话吵左一交，真系唔知点解一定要同他老豆老母住一齐，明明知道有矛盾，点解仲要放埋一齐喔，咪攒大家都辛苦，他话如果我唔同他老豆老母一起住，他就同他们返旧屋住，等我带阿B同我妈住，我一气之下就话随便他，因为我真系无办法再同的甘自私自利，唔负责任嘎老爷奶奶住埋一齐。