kathy615
kathy615楼
寻晚食完饭就同距讲，要早D训啦，听日要早D起身啦，小盆友好似好知野甘，真系好乖甘好早就训了，起码比起以前10点之后训要早啦！
今日一早7点闹钟响，同距讲，小盆友，返学啦起身，出奇地距好快就醒左，话要着新衫返学，同距执好个书包，同距讲，书包入里有衫裤、水和毛巾同距讲，有需要时要同老师讲，距一一点头。之后就催我快点同距去返学。
今日全家出动，嬷嬷早早就过黎了，仲叫爷爷罗个相机过去，林住录起小盆友第一次入幼儿园的情况，不过就系爷爷迟到了（爷爷到的时候，囡囡已经入左去啦！），我同嬷嬷一齐同距入去，爸爸门外等。首先有个老师系门口睇下每位小朋友有无发烧感冒的情况，之后呢个小盆友一面开心兴奋样，入到去听到音乐跳起舞来，老师带我地去班房，囡囡一到班房后，其他的小朋友都已经坐低食紧早餐啦，距自己又乖乖地好自觉甘自己坐低食早餐，有一个小朋友同距同样系今日第一日返学，不过那小朋友系家长走左之后就喊啦，喊到收唔倒声，老师挂住抱距，之后我地就比老师赶出来，老师的意思系：家长唔好留底太耐，会比小朋友有影响，我地走的时候，仲同囡囡讲：BYE BYE，距都好开心甘同我地挥手。
之后我地出左黎，同老师倾左一下，话比距听，囡囡唔钟意食水果的，叫老师注意一下。
希望小盆友乖乖唔好喊，做个好榜样，囡囡话要做班长呙！！
加油！！囡囡甘快就话要去幼儿园了，有点唔舍得，但距习惯不了，嬷嬷寻日都讲，跟左我三年，甘快就话去幼儿园了，真系唔习惯，要一段时间先可以习惯罗！讲讲下我囡囡都眼红红了，睇住距地甘，我都眼红红了！
PS:小插曲
粗心的你，唔记得问，要不要带枕头同被子，被告知要自己带的时候，马上跑上去再罗，返到屋企又林起，枕头同被无整上名，又林急林忙整个名，用针订几下，手势还不错（极少罗针的我，整出黎都几好）嬷嬷都赞我了
。嬷嬷话：唔识罗针的，甘短时间都整到，唔错！叻女！囡囡的衫都系嬷嬷帮距整的，用衣车！！
我呢个做妈妈的真系差啦！！
