郭小敏0929
中午小绮同我都无带饭，牵一发而动全身，于是乎，整个微型吃货群的群友都出动了，中午饭的目的地就选址正佳4楼的江南味道..
事源上次同小绮去完72街之后经过此店，见到里面位置唔算好多人，而且装修格调都几好，再睇睇个价钱牌，多数都系20-40的价格区间，于是我地就建议黎呢间试试，结果就开始佐我地的坑爹之旅..
循例一人点一个菜的原则，分别点佐一份醉鸡，一份菌爆黄鳝片，一碟鸡毛菜，一锅杂锦砂锅，一锅牛肉粉丝，两笼小笼包..睇上去都几多菜的，于是我地都边吹水边安心等食..
上菜速度都几快，大概10分钟左右就上黎了，不过第一份上的就系醉鸡，当堂睇到我地眼都突晒，无他，份量那叫一个小啊！
难怪点菜的时候，我地问个服务员，“有D咩菜系比较经济的？”距会以为我地问距“有D咩菜系比较精致的？”所以距答我地“我们这里的菜都很精致...”
因为份醉鸡给予我地的震撼力量实在系太大了，所以我地都一门心思系如何影相发微博凸显份量之少上面，结果后来我地起筷果阵，六个人，一人两件就已经消灭得一干二净了...
由于有佐前车之鉴，所以我地对后上的菜都唔抱太大希望了，果不其然，菌爆黄鳝片份量都系一个细字就已经可以概述，味道方面，我觉得距同牛肉粉丝都充斥住一股康师傅调味料的味道，唔知点解呢，哈哈..
至于鸡毛菜就比较怪的口感，有少少焦�\的味道，杂锦砂锅就比较正常的份量，鱼肉丸的口感好软滑，入口系有鱼味的，不过就唔系弹牙果种感觉，都几得意..
小笼包就系比较正路咯，里面好多汁，食完之后D肉汁浆都成口都系油，好正，点D醋食风味更佳..
茶的味道亦都系比较蛊惑的，叫做江南养生茶，不过我地就一致认为距系普洱加糖，哈哈..
最后埋单205蚊，个个都表示无三成饱，十分坑爹！回去都Hold不住了！！！
郭小敏0929楼
