非常感谢谢谢！  比省妇幼便宜很多。  您有好的产科医生介绍吗？ 主要因为我是乙肝大三阳患者，又是意外受孕，没有做最好的孕前准备，所以想找个好专家仔细了解下细节！

       好多朋友会问我点解起仔仔噶乳名系布冧仔，其实系我未有他噶时，本来我好憎吃酸野，但系唔知点解一有他就好想吃布冧，甘我认为肯定系宝宝中意吃喇，所以同LG就决定起乳名为布冧，如果女的就叫小布布。        言归正转，系7月13日晚，宝宝胎动好犀利，我仲同LG讲系咪今晚D胎教音乐他听得好享受，系妈妈个肚度跳舞啊，当时唔知原来他系暗示我自己快要出来喇，我仲唔为意只是好享受呢种胎动甘快乐训喇。到左14号早上6点左右个肚好似急性肠胃炎甘每隔几分钟就痛一次，我马上领会到可能要生喇，打电话俾妈妈，妈妈话而家只系宫缩应该无甘快，甘我就又训系床度，每5分钟痛一次都慢慢变成习惯喇。大概7点半左右，我去洗手间感觉有小小血但系好浅色，就马上打电话问，答案都系一样，只要未穿羊水就唔怕无甘快噶。甘好啦，我就起身打豆浆（因为13号晚浸左豆所以自己就照样做应该做噶野)，吃早餐，慢条斯理甘做住野，跟住冲凉洗头..........（个肚一直甘样维持每5分钟痛一次）到左中午吃饭时候，奶奶话吃完饭去医院啦，甘我就话等等先啦，因为听讲如果你未生得住会俾医院赶翻来噶，所以我话到时去到未生得又要翻来仲辛苦啦，甘我就又翻房训中午觉。唔知系我太累还是宝宝乖我训觉竟然唔觉得有痛喔。直到两点突然痛醒，好似要拉肚子甘，马上去洗手间出来就同LG讲要马上去医院喇，挂个急诊马上上11楼，医生帮我上胎监然后检查，出血了，就马上办入院手续，提了档案上来之后医生问左好多问题，抽血，验尿..........最惨就系医生见到我38W噶时照BC宝宝称重只有四斤多，话惊宝宝出生有问题，所以要我同LG签左生死状，担心啊.........签完之后因为我未破羊水，只能先去待产区。我都唔知噶时系点过噶，系待产区已经唔系五分钟痛一次喇，一两分钟就痛一次，仲要系好痛，辛苦啊！唉下唉下系我痛到顶唔顺噶时候医生来检查喇，话已开到三指，马上要入产房，但未破水，医生话要人工破水，噶时我都痛到唔知可以做咩反应喇。        入到产房痛到好似尿同大便都失禁甘，同助产士讲我好似已经濑左尿同大便啊，她来检查时话我破水喇，唔使人工破喇。一破左水，布布好似要马上出来甘，不停甘宫缩，痛到我拿命啊。开始宫缩仲咩都唔识，只系识大声甘叫，俾医生同助产士闹，话我浪费力，要我憋住气30秒好似拉大便甘尽全力拉出来，好快4指，5指直到开晒10指时间都只系三十分钟左右，当时助产士为左分散我注意力仲问我系咪第二胎，开得甘快，我仲边有力答啊。直到她地话见到头发喇，到噶时我都好似无咩力啦，最笨就系买左红牛系待产区无饮，入左产房痛到又唔记得饮，到真系无力噶一刻先叫护士俾我饮，可以讲红牛真系好有用，系我饮左一罐之后再含住朱古力系口度噶时，用力，用力，听到她地话宝宝头出左来喇。跟住打麻醉，然后左侧切，突然一团黑乎乎的东西系我下面喷出来了，喷到助产士身上一身是血水，然后布布出来喇，当我听到他D喊声，成个人真系松晒喇。都无力气去睇男定女，当时噶感觉就是宝宝健康同唔使再痛就好喇。        系度稍作休息噶时，睇住护士帮他抹身，称重，但只有4斤6，护士马上打去儿科，说宝宝不够五斤，使唔使去啊，我心痛啊，如果布布去左儿科就惨喇。好睬儿科D人睇到我嘎档案话唔需要，我先放下心头大石！紧接住胎盘脱落，助产士仲话我生得太快怕我宫颈撕裂。        护士抱宝宝过来俾我睇，问我名字，叫我回答系男定系女之后就抱走左话去我老公度报喜。我以为我可以真系松晒，点知仲有缝针呢关未过，哎，当助产士帮我缝针噶时，我感觉俾生仔仲痛啊，我叫到哇哇声，俾助产士笑，话我生仔都挨到而家反而甘怕痛，我真系唔知，觉得一针一针甘缝唔知系心理上定系咩觉得真系俾生仔仲痛。缝完针后我就精神喇，自己坐系度吃饭，俾助产士笑我恢复得快，头先仲痛到要生要死，而家悠然自得甘吃野。观察左两个钟之后，我被推出产房，从入院到出产房只系五个钟时间，她地话我算快喇。        去到爱婴区，已经过左探病时间，因为LG刚好系抱宝宝出来噶一刻去左买饭俾我而错过左见宝宝，所以他只能陪我一阵就带住遗憾甘走左。我以为我可以见到，点知护士话宝宝系新生儿暖箱度，所以当晚我都系见唔到。或者系挂住布布定系心有余悸，成晚都训唔到，霖起瞩目惊心噶一刻加上伤口痛，一直等到凌晨六点，我马上去护士站抱布布，系我抱住他噶一刻，所有痛苦同牵挂一扫而空。就同他讲，我地等下午爸爸来探我地哈......         18号出院啦。回顾整个生仔经历，需然痛但幸福快乐着！

你太强啦，佩服到五体投地啊！

呵呵，你多d出去散步顺便晒太阳同埋习惯盘腿坐对顺产都好好啊。

请问楼主几多周开始盘腿坐？

恭喜恭喜！写得好真实啊！

羡慕。。。。。。。。。。。。。。。。。。。。。。。完成任务了。。。。。。。。。。。。。我要月底