8月30號喺預產期，果日去醫院做最後一次產檢，醫生話過咗預產期就睇你自己想唔想等，因為我一切都成熟。翻到屋企同老公商量如果BB過咗9月份出世就要遲人地一年讀書啦！跟住我就話我想人工破水啊！我唔想等啊~！反正都到預產期啦，點知道同家公家婆佢地提出噶時候，家公好大反應，好大聲同好惡就話BB幾時出世由唔到我地話事，佢要幾時出就幾時出噶啦。跟住好大聲咁話我，咩都唔識就輪唔到你決定，跟住我好委屈，D眼淚喺咁流。我第一次喺家公家婆面前喊，老公見到我甘樣就出聲話，咩叫做由唔得我地話事啊，咁佢（我）咩都成熟啦，預產期都到啦！跟住我就喊住咁翻上樓入房。半個鐘左右老公走上嚟話你系咪決定要生！跟住我就喺識得喊，唔出聲，老公一邊安慰我心就一邊唸，連我自己都唔可以決定我BB點樣出世！點解我講咩都無人理，點解你大聲就喺有道理，就算我喺錯噶，你都唔應該咁大聲同咁惡！況且我今次都無錯！我一味咁喊,老公就一味咁安慰我，跟住我家婆行咗入我地間房，我就停止喊啦，佢就話我有咩好喊啊。就話天日入院檢查可以破水就破水啦！就咁就走咗出去，我成晚都好唔開心，唸到天日就要生啦！今晚就喊到眼都腫！抱住複雜噶心情訓咗。

8月31號早上入院檢查，醫生話我宮頸成熟，可以破水。跟住護士就安排我去手術室破水啦！哇！！！！！！破水都好痛噶，我見醫生成只手加埋一把長長噶我都唔知道喺咩噶嘢伸入我下邊。摸咗好耐，醫生話我胎膜好厚，剛剛講完就有好暖噶水流出嚟啦，醫生話幾好，羊水好清，入待產房待產啦，我話我自己行啊？佢話喺啊。跟住我就自己行去啦！仲吩咐我訓上床就唔好落床啦。我哦咗一聲就走咗。

去到待產房喺早上10點半左右，訓喺張床度同老公開玩笑。11點左右突然覺得肚痛啦！我就話剛剛破水唔半個鐘就痛？唔幾耐護士行如嚟登記，我話我肚痛啦！護士話幾分鐘痛一次啊？我話78分鐘左右！佢話哦！都好快喔。我就一直咁痛住，不過唔喺好劇烈，11點半噶時候我同老公講我想吃雲吞啊！老公就急急腳走去買。等老公買返嚟噶時候我已經喺6分鐘就痛一次，喺唔痛噶時候我就吃咗幾粒雲吞。12點快一點噶時候家婆拿飯過嚟，我見到我家婆我個肚痛得仲犀利！本來間房得兩张床，隔離果個大肚婆痛咗有10個鐘都未開到3指！我見到我家婆我馬上就開到5指！我家婆猛叫我吃飯話等下無力生！猛叫我伸直個身無成只蝦咁曲住！一直喺我耳邊講啊講啊！我當時痛到快死啦！我喺最怕痛噶,我心唸你無出聲啦，我想叫佢出去留低老公一個喺度就得啦，點知我一陣屎急+10級噶痛大聲咁同老公講，我唔生啦，叫醫生同我開刀啦！我頂唔順啦！好痛啊！！！！老公好心痛咁話忍下啦！你都痛咗咁耐啦！好快就得噶啦！點知我家婆講咗一句癡線噶你，個個都喺咁生噶啦。我聽完有D想暈過去噶感覺。我話老公你快D去叫醫生嚟啊，我好急屎啊！跟住老公行咗出去又行翻入嚟，我見到無醫生跟入嚟噶？我話醫生呢！我快死啦，講完醫生就出現喺我床邊打開我對腳幫我檢查，果下我真系一D感覺都無，就聽到佢話入產房啦！我一聽到入得產房就死抓住老公叫老公拉我起身，跟住老公扶我入產房，點知個護士好惡咁講自己行家屬唔可以入去。我當時唔理咁多，自己行入去，訓上產床我就想用力啦，因為真系好急屎啊。個助產士一邊幫我消毒一邊話話唔好用力住啊，等下外陰腫咗就難生啦。但喺我忍5住啊，一痛我就想用力。跟住接生醫生行入產房問我第一胎定第二胎。我唔力答佢，手指豎起1下就放低啦！跟住個助產士俾支紅牛我飲。飲完第一啖。醫生就話你可以用力啦！我當時就唸我仲想飲啊。醫生話出到門口啦意思話見到頭啦。我就繼續用力，喺我用到第3次力噶時候就覺得BB出咗嚟啦。哇哇哇咁喊。我無幾感動就覺得成身松曬，助產士抱BB俾我睇下問我喺仔定女，我話仔咯。就去稱下幾重啦，助產士話我知BB5斤4，3點04分出世，我哦咗一聲醫生就叫我再用力生埋個胎盤出嚟。跟住就喺縫針。最痛噶時候我覺得喺縫針啊。我的媽啊，我對腳一直喺震，用手都按唔停，頻率都好高。醫生一邊縫，我就一直咁問得未啊，仲有幾多啊，好痛啊。縫完我就俾兩個護士過床，不過仲喺產房入邊觀察。產房好凍，當時我又餓又累又凍。我問護士我幾時可以返病房，佢話5點04啊。我睇住手錶覺得時間好漫長。終於返到病房，老公同BB喺病房等我。家公家婆佢地返去煮飯。

第2日我就出院啦！終於返到屋企！喺醫院點訓都訓唔著啊。

因為我本身有大三陽，所以我就唔喂母乳，我想提醒一下各位媽媽如果唔喂母乳噶一定要買防漏乳貼啊！就算你唔喂，D母乳自己都會流出嚟，而且仲好多添，喺我返到屋企噶第2日我就開始漲奶啦！好痛，我姨教我去藥房買山楂麥芽嚟煲水飲，佢話回奶啊。我飲咗兩劑就唔漲，不過仲喺一直流。

我B飲港版美素，開始幾日先飲到20-30毫升。今日喺第10日啦，可以飲到60毫升。希望我B可以健康成長！

      

同佢爸B一個餅印啊！！哈哈