美而廉茶餐厅，大爱香脆猪扒包&果酱三文治啊！！！

全部回帖

郭小敏0929楼沙发

话说因为比较熟淘金建设五果边，原来呢间店就系Happy Monk对面，宜安后面，其实未去到M记就已经见到大大个招牌一路有指引，好易稳的。原先以为夹层环境会比较闷热同局促，但结果环境唔错啊，现场好光猛，而且睇得出店家已经好比心机系装修楼层高度方面落做功夫，利用好多光线去扩大楼层的空间感，呢点系我比较欣赏的
因为老板有事唔得闲招呼我地，吩咐楼面经理去接待，甘呢个服务方面当然就唔需要多讲肯定系好架喇，虽然今次服务同平时相比未必可以作准，但系事后老板都有专登发短信比我问翻意见就真系好负责咯

2011/09/22回复

郭小敏0929楼板凳

好似讲佐好多好话甘，讲下D食物出品喇：
因为呢个下午茶餐里面个炸云吞系新出品，所以距地都未系好把握到个准绳。第一点，虽然经理宁小姐介绍系现点现炸的，但系D云吞皮就炸到好燶，唔知系咪过火的原因了；第二点，广州人习惯食炸云吞都会点一D酸甜酱之类的，但店家距地无呢个准备咯，而且我问个服务员好几次了，距都系行开佐之后就唔记得再去问师傅，后来都系宁小姐帮我地攞D泰式鸡汁酸甜酱过黎的；第三点，服务员唔识粤语，大佬，我觉得呢个系最难接受的，港式茶餐厅里面的服务员居然唔识听粤语，你话唔识讲都算了，唔识听就真系讲唔过去咯，呵呵；最后一点，可能系考虑到成本的问题，呢个套餐里面基本上都系D比较干身同热气的出品，如果可以将其中一样改为油菜或者糖水，可能搭配起身会更加合适咯

2011/09/22回复

郭小敏0929楼4楼

由于抱住的系一个挑毛病的心态去试吃，所以睇得比较多的都系一D小瑕疵，商家本身D出品其实都几OK的，好似云吞份量好足。每粒里面都有大虾，而且好弹牙新鲜果种。肠仔包夹的酸青瓜味道唔系我杯茶，所以由大傻瓜去负责呢个包，哈哈，套餐里面如果唔要肠仔包的话系可以改猪扒包的，个人觉得如果去消费套餐，猪扒包会比较划算，因为面包好脆，肉质亦都好嫩，唔错。但甘多样里面我最中意的系个果酱三文治，草莓口味的果酱甜甜地，面包皮烘烤到恰到好处，外层松脆，里面D酱又好味，真系好好食咯呢个。
饮品方面，柠檬茶无奶茶甘好饮，奶茶好滑，而且好有茶香味，值得一试。

2011/09/22回复

郭小敏0929楼5楼