响麦当当后面，好容易就找到啦。

一坐落先叹杯港式奶茶同柠檬茶先





今日例汤，霸王花煲猪骨。
真系老火汤啊，唔系味精汤~





蛋挞超大只，皮酥蛋嫩。十蚊3只。

o者o者及第煲，即系猪杂煲，O者得好香，有木见到？可惜猪润太多，猪润稍老。



黄豆酱蒸鱼云，大鱼头肉多够滑，唔错~



梅菜扣肉煲，送饭一流啦~



青菜炒得够青绿，好锅气~



港式茶餐厅点少得出前一丁啊，特色炒出前一丁。

干炒牛河。



烧味拼盘，叉烧味道好正宗。点解正宗？正宗港式叉烧蜜糖味都好重，半肥瘦五花肉又香又甜。烧肉皮好脆，三肥二瘦正宗五花肉。烧鸭皮脆肉嫩汁多。烧味拼盘味道好正，推荐一下。



滑蛋炒虾仁，蛋嫩虾爽，想扣分都难。



泰式爆炒牛柳粒，牛柳好嫩，泰式酱带少少辣，配上青瓜岩岩好。



我最推荐的一味，咖喱牛腩煲。牛腩同薯仔焖到好淋，淋得黎恰到好处，泰式油咖喱的酱汁特别滑，微微辣咖喱香料带出异国风。



甘正嘅咖喱点少得白饭的配衬啊，咖喱汁捞饭简直一流。

美味大合照，HOLD住全场~



饭后老细话仲有甜品，我地个个都饱到摇晒头。老细推荐我地要试下西多士。
沾满蛋浆香味，唔会太多油，外皮脆脆内里松软，面包入面夹住咸咸的花生酱，淋上蜜糖。甜中带咸，脆中带软。难怪老细自信满满的推荐比我地啦。





最后上个搞笑的，寻日系妈网七岁生日，我地西多士当蛋糕，牙签当蜡烛，差D就唱埋生日歌添。

比大家睇下我地的试食大会，个个长枪短炮真够专业。

多谢小凉同学，期待你的美图哦。。

除左烧味拼盘68蚊，全部菜都系20-30左右。

英文ID，我记唔得系边个~

我而家头痛紧，点样将麻油们个样同妈网ID对上。
原来挡住面的系新任版主karen，真系失敬晒咯~

你回到没啦？

低调低调~

对啊，第一次参加妈网的试食大会~

5使乜偷影哦，甘多大合照~

终于加精了

好啊，难得水母肯浮头，下次预埋你。5

我地试食d菜都五算好大碟，应该系正常出品~老细系香港人，成日过来问我地意见。间店六月刚开张葛，睇得出老细系用心经营葛~